真人真事改篇﹕師生戀﹕《最接近的陌生距離》: 第十五章之一

唉⋯⋯大件事。

係我衰仔先，有邊個唔想係朋友面前威下架？佢地個個又驚又愛嘅女王大人已經比我臣服左喎!講出黎簡直係名流清史啦！而且要寫入族譜要比後人膜拜，仲要成為我家族世世代代嘅傳統添呀⋯⋯唉，講遠左。

「Miss,唔好信佢地。」我堅驚。

「😊。」Miss.

下？笑？ 即係點呀？我奶左咁大鑊野都仲可以笑？無論點呢個笑容一定係同死亡有關！





去到教員室前，Miss叫我地喺外面等一等，因為佢被副校長捉左去傾嘢。呢個時候我即刻向三位兄弟發牢騷。

「三位大哥呀。小心啲講嘢啦！」我望住阿波就兜嘢拍落佢個頭度：「特別係你呀仆街！！爆咩料呀！」

「你做乜春呀！」杰少：「你今日成日食左春藥咁，唔係好想分享脫離單身嘅喜悅咩？」

「係囉！Miss咁錫我地四個，梗係要比佢知啦。」阿偉：「唔通⋯⋯你驚佢呷醋？」

「係囉，你驚Miss呷醋？」阿波咐和。





阿偉眼神銳利，佢一直都估到我鍾意Miss喇！

「你？！」我瞪眼望住阿偉。

「傻啦傻啦！」阿偉揮下手：「老師黎架嘛！會鍾意你咩？你有女朋友都唔關Miss事啦！仲呷咩醋唧⋯⋯咁你仲驚乜春？」

「係囉，你驚乜春？」阿波。

睇見阿偉好嚴肅咁問，我成個人啞左。





「係囉！你做咩咁大反應？」杰少應該都唔知我驚緊啲咩。

惟獨係阿偉，如果我再驚青落去，佢遲早知點解。於是我冷靜就話：「Miss咁惡，我點知佢會唔會話比我老母知我出去媾女架？」

「啊！！咁又係喎。」真心波好真心咁信左。

杰少冇反應。惟獨阿偉鬆一鬆肩，就話：「都係嘅⋯⋯不過我地四兄弟一條心。你有嘢瞞住我地就真係唔夠義氣喇。阿杰少，我地四個識左幾耐？」

「小學到而家。」

阿偉貴為我地四條腸粉之首，佢嘅氣勢同智力真係我、杰少同阿波比唔上。所以我真心當佢大哥，平時有咩難搞嘅野都會搵佢幫手。

阿偉份人唔會擺款，而且好重視我地四兄弟感情，從來都唔會鬧我地。但惟一可以令佢發嬲嘅原因，我相信係因為信任問題⋯⋯哎呀！我一直對Miss戀情講啲唔講啲，一定因為咁激嬲左阿偉。所以而家佢咬住我唔放，睇黎我都係走唔甩。

但係我應承左Miss唔可以爆我同佢已經一齊左。





友情同愛情，可以點簡？

諗左一陣⋯⋯我相信友情。

「偉哥！」我樣變得好認真：「我同你最有默契，你一定知點解我會咁緊張。如果你知點解嘅話，希望你知道我唔係有心。你就當係關照下我呢個細佬啦！」

阿偉諗左一諗，好得戚咁笑，話：「得啦。brother黎架嘛！」佢一手攬住我，再喺我耳邊好細好細聲咁講：「你先係我大哥呀！」佢好大力拍我肩，再錫左我面龐一啖！

阿偉放開左我，我見到佢兩眼好欣慰、好尊敬同好感動。

「Bravo! 」阿偉拍住手講：「respect!」

杰少同阿波個樣好似知咩事，又好似唔知咁，就跟埋風拍掌。於是阿偉同佢地講：「玩夠啦，唔好再喺Miss面前提阿匡拍拖嘅事啦。」





「點解呀！Miss頭先聽到好開心咁喎！」真心波又發功。

「食屎啦你！」「又唔識規矩！」「跟大隊啦！」我地又「圍毆」阿波。

「喂⋯⋯喂⋯⋯我隻雀！我隻雀呀！」

總算保得住兄弟，但唔知保唔保得住Miss呢？

Miss見完副校之後，心情明顯唔多靚。佢帶左我地去教員室嘅雜物房。呢個時候見到有幾袋中文週嘅活動物資已經準備好。好大件，一個人搬應該相當吃力。

「好啦！見你地咁積極，咁不如搬多少少啦！」Miss慢慢收返起見完副校嘅情緒，嘗試寬容啲。

Miss指派阿偉佢地三個分別拎走啲物資。惟獨係得我一個冇物資要拎。

「Miss,咁我嗰袋呢？」我。





「😊」

Shit! 咩意思？！

阿偉佢地三個離開左之後，得翻我同Miss喺雜物房。我拿拿聲同Miss解釋同道歉。

「阿盈！對唔住呀！」

「😊」

「我冇講過啲咩出黎呀！」

「😊」





「提都冇提過你添呀！」

「😊」

雖然Miss一直保持微笑，但一句野都冇同我講，真係令我好不安。

佢係咪唔再信我呢？

Miss個死亡微笑一直喺我個腦入面揮之不去。

短短十分鐘內，我同Miss原本仲偷偷打情罵俏緊，就一下子變返未拍拖前咁。頂！今日仲要係我同Miss一齊後嘅第一個返學日，我原本仲諗住會有幾美好，可以喺校園偷偷咁kiss、借啲意拖下佢、Miss準備Lunch Box 比我⋯⋯一切都變成泡影！唉，邊諗到會咁快出事？ 我數下手指，我同Miss都只係剛剛開始左三日都未夠呀！ 唔通⋯⋯我個初戀就咁玩完？

= = = = 

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學 #女教師