真人真事改篇﹕師生戀﹕《最接近的陌生距離》: 第九章之八

Miss唔出聲，唔知係嬲到冇晒返應定被我嚇親。而我繼續話：「見到你比人蝦，我好難受，我好嬲呀！我忍受唔到『人渣添』仲可以咁囂張當你冇到！我更怕嘅係⋯⋯」
 
.
 
「我好驚會冇咗你⋯⋯」
 
.
 
 
「我驚你有一日會有唔知係咩原因，比人炒？唔續約？定係你頂唔順要辭職⋯⋯總之！」




 
我講到好激動，兩隻手揸實晒拳頭。
 
「總之！我好驚會冇咗個好老師！」
 
「你係第一個會關心我嘅老師⋯⋯」
 
「Miss Wong 我⋯⋯我⋯⋯其實⋯⋯」
 
理性與感性又再拉扯⋯⋯總覺得有種魔力唔比我再講落去。但Miss嘅說話，令我全身血液都凍結起嚟——




 
.
 
「唔洗擔心我。」
 
.
 
我見佢一面嚴肅冷漠，對比我情感嘅急躁⋯⋯唔知點解呢一刻令我耳根發熱起嚟！
 
「唔洗做咁多無謂嘢！」




 
佢呢句說話好似充滿咗好多意思。感覺上⋯⋯佢好似知我鍾意佢，但呢一刻佢藉呢句說話去⋯⋯拒絕我？
 
「上次Matthew 件事。我知周Sir迫你要屈Matthew。但你冇咁做，我好欣賞你仲識得明辯是非。呢排嘅相處，我了解到你唔係其他老師口中講得咁差！不過⋯⋯」Miss面色一沈，緊閉嘅雙眼深吸一口氣。佢表情話我知接下嚟嘅說話都令佢覺得難講出口。片刻，佢厲住我——
 
.
 
「今日你真係好令我失望！」
 
.
 
呢句說話簡直判咗我死刑！
 
我開始唔敢直視Miss，而且成個世界好似崩塌緊。
 




「你係我學生，你出事我一定救你。阿添都係我學生，即使佢唱我、敵視我都好，我都一樣會救佢。」Miss嚴厲咁講，言下之意，佢對我嘅好唔係因為我喺佢心目中有特別嘅地位。而係單純因為佢真係一位好愛錫學生嘅好老師。
 
「如果你為咗私心而告發佢嘅，唔代表你啱！係代表你心地差！」Miss:「你逃學、打交、食煙都唔緊要。但你唔可以心地差！」
 
佢每一句說話好似鐵釘咁打入我心。
 
我世界崩潰緊。連日嚟我同Miss所經歷嘅一切，我喊嘅時候佢比紙巾我、喺醫療室幫我包扎、單對單補課、為咗佢而整蠱「中毒陳」⋯⋯一切一切都崩塌緊。
 
「呢件事我會記你缺點！我要你知道你做人唔可以心地差！」Miss露出疲累嘅表情，然後佢匆匆忘忘咁執拾教師枱上面嘅嘢。
 
呢個時候我忍住泡眼淚上面幫佢。當我拎起佢本行事曆時，Miss伸手想搶返。我心底有一句吶喊「比我幫你。」想衝口而出。我同佢有少少拉扯，最後Miss佢搶返本行事曆。
 
「你唔洗過嚟留堂。做少啲無謂嘢！」
 
好冰冷，唔存在任何感情。睇住佢離開嘅背影，我再忍唔住啲眼淚。




 
.
 
我同Miss Wong，曾經靠近過，如今卻又疏遠了。
 
即使親近，仍感覺疏離。
 
最接近的陌生距離。
 
.
 
 
喺我落漠地低頭飲泣之時，地上有一張紙吸引咗我注意。
 
咦⋯⋯？咁熟口面嘅？頭先都唔為意呢張紙⋯⋯難道係Miss喺嘅行事曆跌出嚟嘅？就係剛才同佢爭緊嘅時候跌出嚟嘅？




 
我執返起佢時，記憶被刺激。內心都激動起嚟！我翻開張紙仔，入面啲字好熟悉——
 
係我嘅字跡——
 
 
.
 
「Miss，我擔心你。」
 
.
 
 
點⋯⋯點解嘅？
 




點解Miss仲Keep住我留比佢嘅紙仔架？！

= = = =

ig: ar_hong_91

#小說 #文字 #文學 #愛情 #故事 #師生戀 #講故佬#小甜 #miss故 #紙言 #penana #校園 #校園愛情 #青春 #成長 #初戀 #戀愛 #中學