真人真事改篇﹕師生戀﹕《最接近的陌生距離》: 第四章之一
「匡哥接波!」
嘭——!
「哎吔——!」
Lunch, 操場上，我一不留神就食咗個波餅。
我吃痛跌低咗，籃球喺我身邊一彈一跳。
「喂你搞咩呀匡哥?」阿偉走上嚟扶返我起身:「今朝開始就神不守舍，撞邪呀你?」
「冇事。嚟啦，開波!」我執返個籃球，繼續同隔離班玩3 on 3。
我自問打籃球唔算叻，但頭先已經係我呢場波中犯下第三個低級錯誤，食咗幾個波餅。
係嘅，阿偉講得啱，我唔只神不守舍，我仲被一個影像纏繞住。
.
「你男仔嚟架嘛。要堅強啲！」
.
今早Miss本來應該要罰我，最後竟然變成關心我。一提屋企人我流晒馬尿，佢仲比咗紙巾我抹眼淚。唉，搞到好老尷。
我唔單只未感受過被老師關心。我更加被Miss⋯⋯Miss⋯⋯可惡！我想講我被佢氣質同外貌所吸引！
點解會咁架？內心有份感覺我好似感受過但又好陌生咁，到底咩事呢？
除咗呢份感覺令我無法專心打波外，我雙眼亦都不自覺咁四圍望，好似想搵人咁。一唔留神就比阿偉醒咗個波餅食。
直至我望去看台時，我就知自己點解會失晒神。
「Miss Wong 午安！」
「午安呀！記得一陣要默書呀！」
看台上嘅Miss就好似一張黑白相裡面惟一一點嘅彩色。呢一刻我終於知點解我會神不守舍。原來我掛住搵Miss⋯⋯
短短開學幾日，Miss已經成為咗一眾男生嘅女神。本來佢想喺看台上面一邊食三文治，一邊睇波，可能想好好休息一下。但係啲男仔好似蟻嬲蜜糖咁，圍住咗Miss搭訕。可能lunch比較輕鬆，Miss比喺教書冇咁嚴肅。嗯，佢對學生都算親切同溫柔。
「喂，匡哥！你望邊架，又比人入一粒啦！」
「Sor 呀！」
唉⋯⋯專心啲專心啲！但⋯⋯我就係專心唔到嘛！即使我隻眼追緊粒波，但係眼角總係瞄到Miss！
「喂！我屌你老母！匡哥接波啦！出撚咗界啦！」阿偉燥撚到好大聲爆粗。
「黃佳偉！」Miss聽到阿偉爆粗後即刻企起身指住佢鬧
阿偉做咗個sorry動作，算係道咗歉。
「頂你個肺呀仆街仔。𥄫女呀？」阿偉埋嚟頂我手爭：「想害撚死我呀？輸咗受靶架！」
「咩靶？」
「一個月自由斟呀仆街。」
哇，好彩你唔係賭J咋。如果唔係我點賠得起呀？
不過經阿偉一提，我係專心咗，慢慢搵返個狀態，仲入咗兩粒。
嗖——！！穿針！
我聽到場內外人都為我呢球歡呼咗一下。但更令我留意係當我穿針一煞，有一把好特出嘅歡呼聲——「嘩——！」
Miss為我拍掌，唔知點解我心入面有一種飄飄然嘅感覺。Miss咬住佢嘅Lunch, 塊面鼓鼓咁，有啲似蒼鼠⋯⋯仆街，點解我會覺得佢好可愛架？
「班長！」Miss隔好遠咁對我比個姆指。
「嗯⋯⋯」我難為情咁點一點頭。
吓？難為情⋯⋯？
「繼續呀！靚波呀！」
「得啦！幫你追返！」
我同阿偉拳頭撞拳頭。
繼續比賽。
唔知點解，我心入面嘅飄飄然感覺比咗我力量，令我好專注。而家有啲似打街場時嘅感覺。當時係點嘅呢？
啊——！我記得，當時係好多MK妹睇我地點威。啲女仔每每見到我同阿偉喺籃板下移形換影，合作無間咁屠殺對家，班MK妹就叫晒春咁。飄飄然⋯⋯好撚飄飄然⋯⋯同而家呢刻感覺好似。
因為呢間男校入面，惟一一個女性好留心咁睇我打波。
我係佢班入面嘅學生，所以佢點都打從心底支持我。
即使我理性講我知，我對Miss應該唔會存有多餘嘅好感。但係我——
.
但係我真係好想喺Miss面前威一次啊！
.
於是我同阿偉發揮出兄弟同心嘅默契，將對手耍到團團轉。原本呢場只係A班同B班嘅私人比賽，但喺我同阿偉表演下，比賽都精彩起嚟，吸引左好多同學圍觀。
「咦？4A嗰個麻煩師兄喎！佢咁好波架？」某師弟
「匡師父同偉師父係我地紅社嘅精英嚟架！」某我地社嘅師弟。
「吓？匡爺有返學咩？」某好憎我嘅阿sir.
全場人都喺度議論紛紛。好驚訝我今日做咩突然返咗學。
不過呢啲聲音及唔上Miss嘅凝視。
雖然我知道佢唔係剩係睇我一個，佢只係想為自己班打氣，但佢嘅凝視同微笑已經係我最大動力。
Miss真係識魔法，琴晚我仲嬲到佢仆街。過咗今朝，我竟然咁留意佢。頭先我見唔到佢時，我掛住四圍望，望下啲走廊、教員室、雨天操場睇下佢係咪度？當我一見到佢，我就成個人定晒。
也許係因為佢係第一位願意關心我嘅老師。我不知不覺間覺得Miss帶比我安全感。
嗖——！我又入一粒！
「嘩——！」Miss歡呼！
呢次我回望過去，腼腆咁點一點頭，佢又比個叻我。
喺一輪攻守之後，兩班分數打成平手。而家睇下邊個最快拎到21分就贏。
圈內圈外，我地兩班對峙中。對家表情有啲氣急敗壞，我就同阿偉講：「佢地輸咗會點呀？」
「佢地賭J呀。」
「咁撚 戇 鳩？」我擺咗個拳頭出嚟。
「就係咁戇 鳩。」阿偉又擺個拳頭出嚟。
「閹 撚晒佢地啦！」
「就咁話啦！」
碰拳！
對家喺圈外開始進攻，我無視Mark我嘅對手直奔籃板底下。阿偉成功搶波，喺三分線外傳波比我。粒波從我身後、頭上飛過時，我跳起接實。左右兩邊黑影壓近，被我扭身閃避。
跳起，我將籃球往目標射出。對家球員紛紛跳起攔截！但係已經於事無補——
嗖——！ 穿針！
「Yeah!!」
支持A班嘅同學一同歡呼。
阿偉亦都走嚟擁抱我，大笑：「匡哥！唔該晒！！」
呢個時候我自然地望去觀眾席，嗰一個好似黑白相裡啲彩色——Miss拎住杯啡，好欣賞我咁點頭微笑。
「喂！B班，願賭服輸呀！」阿偉不忘向B班揶揄一番。
「賭還賭，賭嘢飲未算囉！」我喺旁邊加把嘴：「J得一條就學人賭J。」
「找數切J呀喂」阿偉得勢不饒人咁再踏多步：「哈⋯⋯哈⋯⋯成班都係太監！」
「喂！你咪咁撚串喎！」對家突然發難，想撩交打。
「咩呀！輸唔撚起呀！隻揪呀！」凶鳩阿偉，我唔屌返佢邊係兄弟呀？燥燥地一個波掟落條撚樣度。
對方其中一個同學塊谷到紅晒，一怒之下執起腳邊嘅籃球，向阿偉猛力擲出！
阿偉見佢有所動作早就識避。但令我大吃一驚嘅係，根據粒波嘅路線，係會掟中場外嘅Miss架！斃啦！Miss被同學問緊功課，佢根本就避唔切！實中波餅！
我唔知邊度嚟嘅勇氣，直奔去Miss度！然後飛身一跳，伸手將籃球撥開！但因為我跑得好快，喺落地嗰時一個失足，我就跌低咗，強大嘅衝力使我喺地上滑行，更擦傷埋手肘。
噗——！我成個人碌到去Miss對黑絲腳，撞到佢一下。
「哎呀——！」Miss叫咗一聲，佢失一失衡，手上嘅咖啡捉唔實就成杯兜頭淋落嚟。
「哇——好撚熱呀！！」我喺地上掩面痛叫！
幾下掙扎後，我聽到Miss好溫柔咁講：「你點呀？」
我將掩面嘅手挪開，見到Miss蹲低咗慰問我。
「冇⋯⋯冇事。」
Miss聽到我嗌冇事之後先微微一笑，但好快佢就嚴肅起嚟：「班長，你頭好似講咗粗口喎。」
「sor….sorry。」我口講sorry, 但眼睛卻忍唔住將注意力放去第二度——
——Miss蹲低咗嘅黑絲腳同埋「神秘三角地帶」。
雖然咩都睇唔到，但係——
.
.
我啲血又集中喺某個地方。
= = = = =
IG: ar_hong_91
#小說 #文字 #文學 #愛情 #故事 #師生戀 #講故佬#小甜 #miss故