我們是在自修室開始的: 長洲篇(五)

阿欣沒等我開口，便帶著衫褲和毛巾進去廁所。
她關了門，隨後還有一聲按下門鎖的聲音......原來她會鎖門的。

我開門給她進來之後，我一直都坐在床上睇電視。
就在她進去不久，依聲音推斷仍未開水的時候，廁所裡面的阿欣大聲叫我：「Calvin!Calvin!」

於是我走到廁所門外......
我：乜事呀?
阿欣：個爐點開架?
我：你長禁白色粒制啦!


阿欣：我試左幾次喇，你入黎幫手啦!

講完之後，她就打開門。
她早已除下衫褲，身上剩下內衣褲，和一條毛巾包裹住自己。
我凝望著她.....頂咩，妳係咪想引死人呀?

阿欣：望夠未呀咸濕仔?快d開爐啦!
我：你......好心就著翻衫褲啦，想引死人咩? (冇錯，我講了真心話)
阿欣：開爐呀!



我長按白色制，一次就成功開火。
阿欣，你扮蠢定真係蠢呀?

我：你係咪玩野呀?我一開就得左喎!
阿欣：咁你捨得出去未呀?

與此同時，阿欣已經把我推出門外。
她一路沖涼，我就一路睇《烈火雄心3》......
忽然，廁所傳來一陣歌聲，很溫柔很甜美，聽起來就知道是女神。
冇錯，就係阿欣唱歌，真係好好聽!


她一直唱到沖完涼，到走出來的一刻......仍然在唱歌。

沖涼之後，阿欣穿著吊帶背心和短褲，身材原形畢露。
wow!正!
她出來之後，跟我講了幾句說話，教我不知怎樣反應過來。

「今朝俾你果盒野，你明架啦!」
「聽晚等你」
聽完我已經呆了，沉思了一會，又是「哦」一聲就算了!
究竟阿欣乜野意思?


雖然很多人、事、物都變了，周邊都發生了很多意想不到的事情(包括阿欣所講的話)......
但我卻不會因為它們而不能入睡，因為我真係好攰!



Zzz...Zzz...Zzz…

「起身喇!夠鐘起身喇!」阿欣和Rebecca坐在床邊叫醒我
嘩，佢兩個點入黎架?

我：幾點呀?
阿欣：十二點正!
我：起身喇起身喇!

刷牙洗面之後......我的習慣是開手機。
一望，再望，手機的時鐘是八點九。

我：老實答我，依家幾點?
Rebecca：八點九
我：頂咩，做乜咁早嗌醒我呀?


阿欣：去食早餐! (她的微笑，真係好迷人)
我：okok，我都冇得say no啦!
我：話時話，你兩個點樣入黎架?
Rebecca：我地同樓下阿姐講，話你訓著覺會拆屋，佢就拿拿聲俾左條鎖匙我地喇!
我：大話都有人信，唉!
阿欣：你仲唔快d換衫出去?
我：你地唔出去，我好難換衫喎!
Rebecca：懶理啦，你入廁所換啦!

最終，我還是屈服在強權之下。
過了一會，我們出去食早餐。

我：唔洗嗌另外果兩隻野?
Rebecca：佢兩個訓得好舒服!
我：咁依家去食乜野呀?


Rebecca：唔知你!
我：咁去飲茶啦!
話說我由細飲茶飲到今日，是一個很喜歡飲茶的人，所以有人會話我似阿叔。

阿欣：唔係掛......
Rebecca：唔好啦!
我：咁你地話事啦!

結果，我們去了茶餐廳食早餐......還好，都好過食老麥!

食早餐的途中，我與阿欣和Rebecca都有傾計，但阿欣的臉今天給我的感覺特別怪，好似......冇平時咁樂天!

我：阿欣，你冇事嘛?點解你今日俾我個感覺特別怪?
阿欣：er…
Rebecca：你唔方便講，我幫你講喇!


阿欣：唔洗喇，我自己講。
阿欣：琴晚有個男同學打黎追我......
我：咁你應該開心先係架!
阿欣：但係個男仔有d背景呢
我：係咪冇料扮四條呀?
阿欣：應該唔係，所以我唔識點覆佢!
我：咁你點諗......
阿欣：佢唔係我的心上人，就係咁先麻煩!

聽見阿欣有男仔追，更要有自己的心上人，其實我同樣是不知所措。
我不知道應該怎樣面對，因為我曾經有喜歡過她的時候，雖然很短暫，而且她並不知道。
這一刻不再是過去，我不再像過去般喜歡阿欣，但畢竟，我曾經喜歡過的她今天有心上人，這一刻我承認我忍不住，有種想哭的感覺。
這次我輸得很失敗，一瞬間好像失去了希望，沒有了自信，一句話能夠把我擊碎，眼前好像只有黑白......

遙遙萬哩那個人  已有愛人  我卻是個路人