我們是在自修室開始的: 長洲篇(四)

Rebecca和她的好姊妹(可能冇人當過佢係姊妹)講了幾句之後，我們與她們就在碼頭附近分開。

--------甜品舖--------
Rebecca：喂，你睇下!呢個好似好好食咁
Rebecca：仲有呢個，好似幾特別呀!
我：你鍾意食就嗌啦!
Rebecca：好呀好呀

見到甜品，她不斷微笑，睇黎佢真係一個好鍾意食甜品既女仔
其實係咪所有女仔都鍾意食甜品......



邊食邊傾計......
我：其實係咪個個女仔都鍾意食甜品?
Rebecca：應該都係......因為真係好好食
我：睇得出，你食得好開心!

我：其實你覺唔覺得......我地之間仲有距離?
Rebecca：你想做乜呀? (佢應該都係諗歪左)
我：我指我地兩人之間既關係，點解好似仲有隔膜。其實......你係咪未放得低前度?
Rebecca：唔係呀，我已經放低左之前一段感情 (我都預左你咁講)


Rebecca：我都覺我地之間有少少距離，其實你覺唔覺我地冷淡左?當初喺自修室大家都好想見對方，為左對方而想返去自修室，但係耐左就慢慢開始冷淡，你寧願陪阿欣都唔陪我......
(我睇得佢有少少想喊)
我：其實，我都覺得冷淡左，我都唔想搞成咁!
我：係咪我做得唔夠，仲未令你感受到，彼此之間仲未相信對方?
Rebecca：我唔係唔信你，只不過阿欣，佢人又靚，講野又好聽，身材又好，我樣樣都唔及佢，我好驚，好驚有一日會失去左你......
(佢講到流淚)
我：我揀左你，唔係單單因為外表，更重要既係你本身既特質...... (點都要氹佢既)
我：如果我揀阿欣，阿欣都未必揀我啦!
本來食甜品好地地，最尾搞到佢喊晒口。
我：唔好喊啦，傻妹!


Rebecca：你唔好行差踏錯呀!
(點解連佢都學埋渡假屋阿姐講)


當我們準備離開甜品舖之際......
「高溫燒滾了我一切　無論宇宙壓力都將我壓低」，這是我的電話鈴聲，亦是Rebecca的鈴聲。
我們兩人都迅速地拿出手機。
這次是她的電話響起，上面寫住「阿 欣」

她倆講了幾句便收線，內容可以用三個字概括：碼頭等。
去到碼頭，見到阿欣和另外兩個女仔。
(題外話，阿欣拍埋阿怡同細A身邊，顯得阿欣特別可愛，特別靚!)

阿欣：點呀你兩個，飲飽食醉未呀?
我：飽喇飽喇，佢食飽喇!


阿欣：哦，有人食兩份!
Rebecca：你唔抵得咩?
阿欣：得得得，我call你地過黎，其實係想一齊邊行邊睇野!
阿怡：欣姐佢怕黑呀!
我：錯，佢係怕有色魔捉住佢 (越講越hyper)
Rebecca：唔洗驚啦，咁大個係你側邊(佢指住我)
阿欣：佢邊度敢掂我喎?
Rebecca：你睇下佢...已經諗緊點樣捉住你啦!
我：我冇!
阿欣：實係咁啦 (呢句好似好mk)

我們三個(係五個)行下行下，就回到渡假屋。

到渡假屋樓下，一路被忽略的阿怡講了句：「今晚Rebecca過隔離房啦，唔好同我地爭地方訓!」
我：唔好阻住我訓教!


Rebecca：咁一陣搵個人過黎沖涼都得掛......
我：點解要咁做呢?
Rebecca：我地四個人有排沖，派一個過黎方便d
阿欣：唔爭在過去訓埋啦!

Rebecca：睇下點!
講完之後，Rebecca便跑了返房間，準備第一時間去沖涼，而女子組仝人都唔執輸。

最後，她們還是派了一個女仔過來「佔領沖涼房」，我幾乎明天一早就想去反佔中街站簽名，要反對佔領沖涼房。(不過我先唔會咁無恥，嘈佢都嫌浪費時間)

不過，過來的女仔不是Rebecca，而是阿欣。
阿欣正呀喂!
阿欣入來講了句「打搞晒」，就衝了進去廁所......