有一晚，我打飛機打到條jer斷左: （22）

時間嚟到下晝兩點半，cosplay嘉年華未結束，不過Kevin都無心情再留喺度，於是就帶我同Cathy返屋企。

佢就住喺山東街，所以行幾步路就到。

佢屋企係一間前鋪後居設計嘅舊唐樓單位。

客廳中央擺左一個壇，壇上面擺放住幾樽神像，仲有一沓黃符、一把桃木劍以及一塊銅鏡。

而四面墻就貼滿各種ACG人物嘅海報，又有兩個放滿figure嘅層架，間屋整體感覺上好南轅北轍，格格不入。



Kevin入廁所卸妝兼換衫。大約二十分鐘後，佢就換上一件黃色道士長袍行出嚟。

佢真人係一個麻甩佬，仲要喱喱啡啡好麻甩嗰隻。

見住「秋山澪」由可愛少女變成左個佬，我嘅童年再一次受到衝擊。

Kevin喺壇前拎起一塊銅鏡，問我：「不如你講下事發經過，你碌嘢係幾時同喺邊度俾隻嘢上身？」

「時間應該係琴日朝早九點左右，地點就喺和合石墳場。」



「你唔係話俾我聽，你喺墳場打飛機打到斷jer下話？連死人你都j？」 Kevin碌大對眼，露出驚訝嘅表情。

「梗係唔係啦，其實件事有啲複雜，一開始我係屋企斷jer，跟住因為一啲原因，就去左Cathy手上，再跟住呢就…」

講到呢度，身旁嘅Cathy一嘢批我手踭，再睥住我，明顯示意我唔好口快快，爆佢啲嘢出嚟。

我停一停再講：「Er…總之最後就係去左墳場，另外仲有一件事，當時我條嘢喺個墳頭屙左督尿，唔知係咪因為咁而驚動左墳頭嘅主人，導致到佢上身。」

「你都幾夠膽喎，係人地個墳屙尿咁不敬嘅事都敢做。」



「人有三急，我都唔想架。」

「咁你記唔記得，嗰塊墓碑係屬於邊戶人家？」Kevin問。

「呢個我有啲印象，我記得嗰塊墓碑刻住嘅人名。」

Kevin拿拿臨攞出紙筆叫我寫低。

認真回想左幾秒後，我喺紙上面寫低：楊家成。出生日期1990年3月2日。死亡日期2018年6月10日。

Kevin睇左一眼，跟手用打火機燒左張紙條，再一手將火團放入口，「good」一聲吞埋。

然後佢手指一指，指向銅鏡，嘴裡念左幾句平常人聽唔明嘅咒語。

下一秒，銅鏡就將我碌鳩呢刻嘅位置同畫面反映出嚟。



佢依家喺空中飛緊，身後有幾架無人機追住佢。

睇嚟啲人為左捉我呢條飛天賓周，已經出動到無人機。

Kevin同我講：「你講得無錯，就係呢個叫楊家成嘅鬼魂，上左你條嘢嘅身，而且呢隻鬼仲好猛，你見唔見你碌嘢有啲氣散發緊出嚟？」