有一晚，我打飛機打到條jer斷左: （21）

一秒後，隻鬼似乎意識到自己去錯地方拮錯窿，第一時間「肛底抽身」。

雖然只係一下，但呢個一下已足夠令我畢生難忘。

碌鳩「𠽌」一聲，轉眼間就飛落商場最底層，並穿過側門離開。

我想追出去，不過Cathy拉住我話：「算啦，追唔到架啦，不如睇下Kevin有無事。」

無啦啦屎忽開花，Kevin痛到企唔穩，攤左落地下。



「Kevin，你無嘢呀嘛？」

「Cathy…？點解你會喺度嘅？」Kevin掩住後欄，聲音有啲震，痛苦似乎還未完全消散。

「揾得你就梗係揾你捉鬼啦。」Cathy答。

「咁隔籬呢位係你朋友？」Kevin捽一捽籮柚，等無咁痛就慢慢起返身。

「朋友又唔算嘅，不過頭先隊你屎忽嗰碌嘢，就係佢條jer。」Cathy回答。



「咩話！係你揾條嘢隊我屎眼？」Kevin怒睥住我。

而我必須承認，睇住一個將秋山澪cosplay得咁神似嘅男人講嘢，感覺真係有啲奇怪。

我就答Kevin：「唔關我事，我條撚俾隻鬼上左身，係嗰隻鬼隊你，我都控制唔到。」

「俾鬼上左身？」

「係呀，你係驅魔道士，你剛才應該都睇得出。」



「啱先我無開法眼，所以睇唔到。」

呢個時候，Cathy就拎部電話出嚟，播一次隻「撚屌鬼」到處拮人嘅片：「你試下睇片，睇下見唔見到隻鬼？」

Kevin細細聲念左幾句咒語，然後法眼一開，瞳孔即時變成藍色。

睇左兩秒，佢就話：「你地無講錯，碌鳩真係俾鬼上左身，之前我仲以為只係啲無聊嘅惡作劇。」

「原來碌嘢真係俾鬼上左身。乜啲鬼除左識上人嘅身之外，連就咁一碌賓周都照上到？」我問、

「其實正常人有陽氣護身，就算係幾猛鬼，一般都好難上到人嘅身，除非你嗰期行衰運，仲要衰到貼地。」

Kevin繼續解釋：「至於賓周係人體一部分，脫離身體之後，陽氣被分薄左，隻鬼趁機上到身都唔出奇嘅。」

「哦...原來係咁。」



解釋完一輪，Kevin問返我轉頭：「我反而有嘢樣覺得奇怪，點解你『細佬』會無啦啦斷左？」

「係咁嘅，早兩日我打飛機，chok下chok條嘢就唔知點解斷q左。」我照直回答。

Kevin當堂眉頭一皺：「竟然有啲咁嘅事？睇嚟以後我都唔好打咁多飛機。」

聽見「秋山澪」話自己有打開飛機，我感覺自己嘅童年被摧毀左。