有一晚，我打飛機打到條jer斷左: （23）

我哄近銅鏡仔細一望，的而且確，係有一股氣包圍住成碌嘢。

「呢啲係喺隻鬼身上發出嘅陰邪之氣，平時用肉眼睇唔到，要用銅鏡先反映到出嚟。我諗隻鬼生前，一定係帶住深深嘅怨念含恨而終，因此死後先會化作厲鬼。」

「你講到隻鬼咁猛，咁咪好難對付？」我問Kevin。

「唔洗驚，實搞得掂嘅！」對方拍曬心口，胸有成竹。

有佢呢句，我個心都定啲。



「話時話，睇真啲，你碌嘢又幾大抽喎。」Kevin拉開條褲望一望，對比緊自己條嘢。

其實啱啱喺朗豪坊我已經留意到，碌鳩比之前長左同粗左。

本來係得14cm長，家陣起碼長左兩cm，兼且粗左成個碼，直頭變到成碌矮瓜咁。

我同Kevin講，碌嘢變粗變長左，對方就話：

「照咁睇嚟，呢隻鬼透過不停嘅插入，借此嚟採陰增陽，假如俾佢再壯大落去，到時要收拾佢都幾棘手。」



呢頭Kevin講完，嗰頭就喺銅鏡之中，見到隻「撚屌鬼」急速撞爆兩部無人機。

眨眼間，兩部機化成廢鐵墜落地下，相反，「巨龍」則絲毫無損，我亦一啲都唔覺得痛。

可想而知，條嘢除左長度同闊度增加左之外，硬度好明顯都提升到一個好強嘅地步。

（jer jer變大左，絕對稱得上係巨龍。）

「我上網查到，呢個楊家成原來係自殺死。」



Cathy啱啱無乜點出聲，原來喺度揾隻鬼生前嘅資料。

佢喺Google將個人名打上去，揾左一陣就查到楊家成四年前自殺嘅新聞。

喺呢個網絡時代，要揾出一個人嘅背景確實唔難。

「新聞話呢個楊家成為情服毒自殺，臨死前留左一封三千字嘅遺書，俾佢嘅前度女友。」

「為情自殺，難怪怨念咁重。」Kevin回應Cathy。

「雖然新聞無話佢受咩情傷，不過自殺前留左封遺書俾個ex，我估應該係佢求復合不成，一時受唔住打擊而睇唔開自殺。」

Cathy繼續講：「其實諗落佢都幾慘，居然咁癡情會為左一個女人自殺。」

明明兩個鐘之前佢先話要捉隻鬼嚟算賬，家陣又咁同情隻鬼。



女人果然就係善變。

而我就唔理呢個楊家成生前有幾慘，反正我淨係想攞返條子孫根返嚟。