有人話陪人釘耳 下一世都會見到佢「真人真事 一直連載直至放下」: 「9」感情升溫

屌….飲酒真係累事，仲要懶型唔比佢飲一次過飲撚晒剩低嗰啲。
傾到朝早8點鐘，佢已經咩都醒曬，而我就開始連直線都行唔到。
最後走嘅時候，送完佢返上去，我就嘔到七彩…..
瞓醒之後…
我見到佢無端端話：「多謝你琴日聽我廢up。」
我就答佢：「小事啦，幾開心吖」
之後開始不斷傾
一日兩日三日 每日都由朝傾到晚
中間我開始變得大膽，我開始約佢出嚟食飯，睇戲。
佢都好奇怪地嗰一日之後開始出街嘅時候會撟住我




我有問過點解，佢話因為慣咗同熟人出去會撟住人
佢仲話「唔鐘意咪唔撟囉…」我即刻好緊張咁講「唔係啊，我好奇問下咋。「
有一日，我地食完飯….
講講下嘢嘅時候，佢話：「我成日都瞓過站….勁瞓得，好似唔理喺邊到都瞓得著咁。吖，係喎，話說我一陣要去尖沙咀搵媽咪啊，你一陣去邊啊。」
而我其實一陣係冇嘢做，但聽到佢講搭巴士成日都會過站，我決定講個大話：「我都約咗fd去尖沙咀喎，一齊吖。」
佢有啲覺得出奇嘅樣問：「真係咩」
我好快就答：「係」
咁但係呢個大話，當然一去到我就同佢講返啦：「其實呢，我冇約佢囉，只係聽到你講你成日會瞓過龍所以先陪你一齊嚟。我送埋你去媽咪到先啦，之後我就可能自己周圍行吓或者返去囉。」
佢就話：「吓，咁你特登陪我入嚟？你自己一個人周圍行..？errrrr 一係咁吖，你返去先，我夜晚陪返你，我地去睇戲？」
我好開心咁話：「好啊～咁送完你去就返去等你啦～」




佢話：「不過睇咩好啊」
我答佢睇「詭屋驚凶實錄3」
拿你地唔好話我為啲咩所以揀鬼片啊
我係因為記得佢有提過想睇咋