有人話陪人釘耳 下一世都會見到佢「真人真事 一直連載直至放下」: 「8」飲醉酒真係唔好出聲…

佢返到嚟之後，佢問咗我一個我估唔到佢會再問嘅問題。不過佢今次有講原因。
佢問：「其實我一開始以為你想溝我。但我就諗唔好咁多ff，同自己傾吓偈就話人想溝自己。定其實你真係有目的㗎？」
喺呢個時候冇錯我用咗你的朋友就是你嘅講法答佢：「errrr，唔知㗎，點講呢，我有一個朋友一開始個朋友介紹咗個女仔比佢識，咁我個朋友就問佢個朋友喇，你諗住追㗎？佢個朋友答佢唔係，唔鐘意，當佢fd。咁我個朋友同佢講，我想追喎…你真係唔鐘意？佢個朋友就答佢係。」
之後我問佢：「但係佢個朋友突然間同個女仔一齊咗，雖然宜家分開咗，但係你覺得佢仲應唔應該追佢呢？」
佢答我：「睇佢係咪真係鐘意囉，如果佢過咗咁耐都仲鐘意嘅，唔洗理人點睇㗎。」
佢又問：「嗯？所以你都冇答我，有定冇啫。」
就喺呢個Moment我真係懷疑自己痴撚咗線，我答佢：「其實我講完出嚟，你仲未明咩？有冇聽過你的朋友就是你？」
佢諗咗都好一陣，之後佢答我：「咦咦咦，我get喇！」
出奇地，佢並冇抗拒我，只係同我講：「可唔可以比啲時間我，始終我都未放低佢，你都唔會想我未放低佢就同你一齊㗎…
「嗯…」