《藍藍》〈科幻/奇幻〉: 第九章 出走…
第九章 出走…
有一日, 各人都已經瞓晒覺, 咁啱藍藍喺自己嘅草茹屋入面, 用緊蟹仔送畀佢嘅閱讀器睇緊書📖。
藍藍正當睇得入神, 聽到外面傳嚟好微弱嘅聲音, 「噹…噹…噹…」🎵~ 類似係敲打金屬嘅聲音, 係咁不停咁響住。
藍藍走出屋外嘅 cube起居室, 細心聽聽, 好明顯係由地下傳出嚟, 於是佢一路望著聲音嘅來沿一路就跟住去。「我肯定地下有嘢行過, 實在太似腳步聲啦, 但地下嗰層應該都係自己屋企嘅範圍, 爸爸嗰啲秘室啵！！🤨🤨🤨」
佢繼續跟住聲音, 落咗下一層睇下, 發覺嗰些聲音變咗喺上面… 「咁即係聲音响兩層之間啦！! 🤔🤔🤔」
佢一路追聲音來源, 聲音去到牆裏面就追唔到喇, 但係又咁啱被佢發現到新嘅暗門開關制, 佢好順利就開咗, 行入去睇睇。
入到呢個暗房入面, 原來係一個大人用嘅洗手間🚾。呢度有一個大浴缸花灑🛁🚿, 一個馬桶🚽, 一個洗手盆🚰, 同埋一面鏡🪞, 基本上同人仔用嘅係一模一樣, 只不過係大人嘅size。
開始聽到聲音慢慢喺上面一路沿著牆身行落嚟。 到最後, 行到去洗手盆旁邊嗰個排出氧氣喉嘅管口, 管口有一隻人仔嘅手搭咗出嚟… 最後一個人仔成個人爬咗出嚟… 佢嘅形象實在嚇親藍藍 😲。
呢個人仔係著住件緊身黑色衫, 雙手手掌戴住咗一對黏貼膜嘅手套用以爬牆。呢個人仔見到藍藍之後就除低面部面罩…
原來, 佢就係嗰日被人追打嗰個阿風。
阿風戚一戚嘴角, 仲整個chok樣說：「surprise ??!! 不過我都好surprise, 估唔到我一出嚟第一個見到嘅人係你, 哈哈哈!! 😄」
藍藍就話：「我真係被你嚇死呀, 你唔係爬喉管爬到上嚟吖嘛… 你真係要改名叫阿「瘋」呀~ 😅」
阿風：「我有時做嘢就係咁痴線, 哈哈!! 記得你上次救過我, 我都唔係啲忘恩負義嘅人嚟嘅, 我應該都要報答下你！好, 你講, 你想我幫你做啲乜嘢, 我能力做到嘅我一定為你做！」
藍藍回想返嗰日發生嘅事, 都好明白阿風點解走得咁匆忙。 話就話當時佢個樣好老定, 但其實始終喺嗰度都係唔安全, 所以佢好匆匆忙忙咁走, 諗到呢度都冇怪佢了。
藍藍就問佢：「你喺空氣喉管度爬出嚟, 你究竟係邊度可以咁樣嚟呢…」
阿風：「哈, 問得好, 你呢啲被人包養嘅, 一定唔知道外面個世界係點。我係一個流浪嘅人仔, 冇人要, 四處漂泊, 每日都係為咗生存要拼命搵食, 梗係唔似得你, 有靚衫👗, 高床軟枕🛏️, 同埋唔休三餐啦🍜。」
雖然阿風表達出佢過緊一啲好艱辛嘅生活, 但佢面上嘅表情依然都係好樂觀, 一啲都冇埋怨過啲咩。令到藍藍錯覺覺得出面嘅世界好正。
藍藍就話啦：「你係咪咩事都應承我先…唔好口行行…啵~😍」
阿風：「你咁講, 我有啲驚喎, 咩事先…🤨」
藍藍話：「你帶我出去玩一日啦, 之後安安全全咁帶返我返屋企就得㗎喇！😊」
阿風：「咁就容易啦, 咁幾時呀？」
藍藍就話：「就依家啦…哈哈哈！」
阿風：「車~ 你真係搞笑, 好~我帶你去好玩嘅地方, 包你未去過!!😆😆」
阿風一講完呢句說話, 就伸咗對手去藍藍條纖纖幼頸後面:
藍：「喂~你做乜搞我~我嗌㗎~」
風：「我要幫你除咗條頸鏈先~」
藍：「點解呀, 爸爸送畀我㗎, 我一定要戴住㗎！」
風：「呢條頸鏈係追蹤器嚟㗎, 大人通常用呢個來睇住佢哋啲人仔㗎！如果你唔除咗佢帶住出街, 咁佢咪知你走甩咗囉！我將條鏈收起一個屋內隱蔽嘅地方先, 咁佢就以為你唔覺意卡咗喺somewhere, 佢好自然就會想辦法救你, 咁樣可以拖延到佢嘅時間。不過, 正常大人唔會呢個時間起身, 我哋會喺佢瞓醒之前, 自自然然會帶到你返屋企, 放心~♡」
藍：「好, 誤會咗你添, 咁我哋仲唔行♡, 風哥~😋」
阿風早已經預備咗多一套黑色緊身衣畀藍藍著上, 因為氧氣管入面嘅排壓力係好大, 所以一定要著上呢套特製嘅衫, 衣料係有黏膜, 係用嚟爬牆嘅工作用嘅。至於阿風點解會得到呢件特制衫就要賣個關子囉！
藍藍著上呢件衫之後身材激凸, 吓死阿風呀😱😱😱。
咁於是乎藍藍就跟住阿風沿住呢條管道一路爬出去, 好彩平時藍藍已經爬開上露台嘅樓梯, 佢嘅體能已經做得好好, 所以好順利就爬到出面, 外面嘅世界啦。
佢哋爬到出去之後, 藍藍發現佢哋係喺地上嘅坑渠蓋爬出嚟。企咗喺街角上面, 呢度好大好大非常之大, 係一個地下城市。
風：「我哋出嚟呢個位置呢, 就係人民廣場, 係我哋住呢個城市嘅市中心, 呢個廣場係有一個噴水池迴旋處, 呢度嘅交通四通八達。 而家因為所有大人都瞓曬覺嘅關係, 所以呢度冇乜車行, 我哋可以無顧慮咁周圍行喇~😊」
藍藍被呢度咁大嘅環境已經嚇驚咗：「呢度真係好大！ 向上望應該有幾十幾百個cube咁高嘅高度, 而且呢度係全天幕嘅無縫玻璃, 可以直接望出地面嘅列車水管, 同埋宇宙嘅星空, 比起喺屋企嘅露台玻璃罩睇嚟更加壯觀; 街道上面兩邊嘅店鋪林立但睇嚟已經閂曬門; 重有呀, 雖然啲車已經唔喐, 但係每一架都拍位拍得井井有條, 但係啲車🚗點解會浮喺半空嘅 🤔？」
風：「以我所知, 啲車全部都係用浮磁力量推動, 而且係智能駕駛, 又唔會做成污染同埋冇噪音, 而且仲好快添~ 依家啲車可能差緊電🤔」
藍：「你都真係識嘢唔係扮, 果然係一個好導遊!! 跟住帶我去邊度呀？😆」
風：「你好動靜定好靜先？」
藍藍諗咗一下：「我鍾意睇書, 我應該好靜…掛~🤔」
阿風就咁就帶藍藍去咗間舖去「睇戲」📽️。
阿風：「入嚟啦, 呢度係戲院。只要我一關上呢到門, 呢個巨型房間就會投影出電影🎥, 而呢個環境你會好似身處其中, 亦都可以同故事裏面入面某啲閑聊嘅角色傾計, 即係"茄哩啡"; 同埋套戲入面如果係關於食嘅嘢你都可以隨便拿嚟食等等, 總之唔影響套戲嘅進程就做乜都得, 係咪好好玩呢, 嘿嘿~😆😆😆」
套戲終於開始啦, 原來呢套戲叫做「上海灘」, 當 "丁力" 撞門入去搶婚嘅時候, 藍藍佢哋就係坐喺教堂嘅座席上, 藍藍睇得好肉緊, 想立即上前阻止丁力搶婚, 猛咁推佢走但唔成功…
「點解唔得嘅…😤😤😤」
「妹妹呀, 人哋係主角嚟㗎, 你唔好搞人啦, 電腦設定咗呢啲唔搞得㗎, 你去旁邊嗰啲茄哩啡度搞嗰啲算吧啦… 蠢成咁, 冇眼睇你~🙈」
「咁都唔搞得, 咁冇自由, 唔睇啦😡」藍藍就嬲爆爆一支箭咁走咗去。
風：「喂喂喂, 等等我, 跑咁快做咩呀, 一陣你蕩失咗路就麻煩喇, 快啲拖住哥哥啦！ 嘿嘿！😏 經過我嘅觀察, 你應該唔係好靜, 其實你係好動嘅, 我諗帶你去打機應該會好鍾意 🤔。」
之後阿風就帶咗藍藍去遊戲機中心, 呢度有好多game, 全部都係5D game, 即係除咗聲音同埋立體畫面之外, 重有互動, 例如可以觸碰、感覺同埋聞到 (駐: 由於呢個係兒童場, 所以冇H game的 🤪) 。
佢哋去咗玩時裝秀👗啦、打波啦🏀、跑步🏃game等等。
阿風：「插咗張卡先, 呢度係我儲返嚟嘅波鞋🩰同埋好多好運動衫🎽, 你是但揀一隻嚟著~」
藍藍：「餵~, 你嗰啲全部都係男裝, 叫我點著呀… 同埋對鞋太大啦… 依… 阿風阿風, 睇下呢個, 呢隻game好特別喎, 有個海灘嘅😱, 我好鍾意海呀, 我想玩下呀~ 」嗲~ing mode啟動了。
阿風：「er… 呢隻game係游水㗎喎, 我…er… 你識游水㗎？要著三點式泳衣架喎👙~」阿風諗到流曬口水🤤。
自從藍藍見到爸爸上次嘅藍天碧海就一直念念不忘, 所以好堅持去玩, 阿風亦都用咗些 i-coin 買咗一套超性感嘅泳衣畀佢著。
藍：「吓~ 咁少布嘅…」
風：「你自己話要玩㗎, 我唔理呀, 你嘥咗我啲錢, 我買咗, 你一定要著呀…😒」
藍：「著咪著~囉~ (伸脷)」
……… 換衫後, 兩個人仔就到在海灘咁嘅 5D 環境……
藍：「oh… 踩落啲沙嘅感覺好奇怪呀, 好幼細, 會輕輕沉一沉, 哈哈！😄 正呀！」
風：「我都係第一次玩呢個game, 又幾得意啵, 你都好得意啦…」阿風望望泳裝嘅藍藍繼續流晒口水~ing🤤。
藍：「睇下~ 嗰邊就係海呀？海係咪會食人㗎~？😨」
風：「哈~邊個話你知海會食人㗎, 你真係無知呀, 跟我嚟啦！蠢！」
阿風一手就拖藍藍向海嗰邊沖過去, 藍藍勁爆驚：「唔好呀~ 呀！!！😱😱😱」
最後沖咗落海…
藍：「咦… 個海… 其實即係水呀, 但咸咸地嘅…」
風：「係呀, 水呀 💧, 你唔係未沖過涼掛, 一係等我幫你沖… 嘿嘿嘿…🤤🤤🤤」
藍：「我咩唔知呀！我係話你個人咸咸地呀！😡」
阿風叫藍藍瞓响浮床上面曬日光浴。
藍藍瞓喺床上, 見到頭頂上面嘅「太陽」勁殘眼, 就問：「做乜呢盞大光燈咁鬼殘眼…依家望周圍嘅嘢都白曬, 我係咪盲咗… 啊~🥲」
阿風就話：「原來你真係無知成咁, 我應該一早提你, 嗰個係模擬太陽, 其實喺呢個game房入面嘅大光燈, 太陽一樣係一顆恒星, 我哋所有嘅行星都係圍住佢轉嘅… 就好似你啲男朋友s咁圍住你轉囉~！😏」
藍藍就係咁, 得知更加多嘅知識, 但係當知道沙灘原來真正存在响一個叫「地球」的行星就繼續追問落去…
阿風回答：「你唔好問咁多啦, 我哋呢世都唔會去到嗰度, 因為嗰度係非常之遙遠嘅星球。唉~ 講個秘密畀你知啦, 我聽我啲兄弟講, 我哋係喺嗰度嚟, 我哋根本唔屬於 AOI呢個星球的…🤫」
藍：「你講咩呀, 我哋點會唔係呢度出世, 我由細到大, 包括我哥哥姐姐都係呢度出世, 唔同你講呀, 我去換衫…😡」藍藍有啲嬲嬲哋, 覺得阿風呃佢, 所以走咗出去。
就喺阿風正要追出去嘅時候, 突然有班死飛仔出現喺佢面前…
班飛仔圍住阿風對佢又磨拳又擦掌：「上次你好彩俾你走甩, 今次你冇咁好彩, 哈！你死硬呀😏」
阿風仲好得戚咁答：「車~ 得你幾條友就上捉到我…吔啦你~」
藍藍見阿風冇追嚟, 好驚蕩失路, 就立即返轉頭, 點知就見到上次班飛仔啦, 佢立即跑上推開班飛仔, 捉住阿風隻手逃跑。之後就一班人係咁喺街道上面追逐, 中間阿風又推跌街上面一啲雜物, 又執起一啲硬物打班飛仔… 到最後佢哋轉咗入個後巷入面, 其中一個大廈嘅後門, 推門跑落樓梯, 而班飛仔都窮追猛打, 都跟埋追落嚟…
阿風一路都係拖住藍藍對佢講：「唔使驚㗎, 我哋就嚟走得甩㗎喇, 去到嗰度佢哋一定追唔到嚟~ 繼續跑埋落呢條樓梯就得㗎喇！！」 「哦~😱」
藍藍眼見呢條後樓梯又長又窄, 每一級樓梯其實都係為大人而設計, 所以基本上佢哋每行一級其實係要跳落去, 佢哋由 B3嗰層一路落落落, 落到 B4 都仲未停, 藍藍心諗「繼續跑落去應該係D層, 記得蟹仔🦀話過, 佢都未去過 D嘅樓層😨」。
終於都跳到落下一層, 但係呢度唔係寫 D1, 而係 C1呀~！總之佢哋繼續衝落去, 去到 C3為止, 就推門去咗出口嗰邊出咗去。
「跟我嚟！呢邊呀, 藍藍, 快啲快啲！」
佢哋入咗一個隱蔽嘅小密室匿埋, 之後阿風拿出之前黑色嗰套緊身衣, 畀一件藍藍著, 另外一件俾自己著。 呢個小密室仲有一個頭罩, 係全透明嘅, 佢就畀藍藍戴上頭, 仲有一個氧氣筒樽, 畀自己孭住。
佢喺小密室嘅一角嘅地上打開咗一道門, 見到下面有一個好大嘅「海」…
藍藍見到個海就好驚呼：「點解呢度有個海嘅, 而且仲係喺地下密室入面, 我哋而家要點做呀…」
阿風：「呢度係星球嘅地下水庫, 你哋家家戶戶用嘅水都係嚟自呢度, 我遲啲再解釋你聽啦, 我哋數123一齊跳落去, 1…2…」
藍：「好高呀~🙈 ~我唔敢跳呀~ 同埋頭先玩沙灘game 我被水濁親, 我到而家仲好驚, 我自知自己唔識游水, 依家我冇水泡我一定死梗…」
風：「有我喺度唔使驚, 我就係你水泡啦~！你記住, 有呢個氧氣罩, 啲水就唔會入到嚟, 同埋仲有個氧氣筒必要時可以攞嚟呼吸的, 相信我！！」
呢個時候班飛仔已經追到嚟門口, 所以都唔理咁多, 阿風拖住藍藍隻手一齊跳落去水庫, 班飛仔望住個水庫只好望塵莫及。
當藍藍落到水底之後, 發覺氧氣罩真係 work喎, 而且嗰件黑色緊身衣原來係防水。佢見到阿風好叻, 唔使用氧氣罩都可以堅持, 喺水中擘大雙眼, 拖住藍藍不斷咁游。呢度啲水非常之清澈, 但係似乎呢個水庫太大, 根本深不見底, 望左望右都全部係水嘅顏色👁️🗨️。
阿風吸住氧氣筒個口罩一路游, 藍藍雙手就搭住阿風嘅膊頭, 遊咗好耐好耐, 阿風似乎認到方向, 游到某一個地方, 佢就腳掌向下一撑, 撑到水面去。當浮出水面之後已經係第二個地方, 呢度似乎都係地底, 金屬牆邊寫住 D1 樓層, 呢個時候喺岸邊有一班人仔喺度玩緊, 佢哋見到阿風都大叫：「大哥, 你返嚟啦！… 依… 大哥帶住條女嘅… 我哋一齊救阿嫂啦！」「阿嫂！！」
响一班人仔嘅協助之下, 藍藍仲有阿風就爬咗上岸啦, 原來呢度係阿風嘅秘密基地, 亦都係佢同班兄弟住嘅地方…
待續~