《藍藍》〈科幻/奇幻〉: 第八章 生日會

第八章 生日會

「今日, 平時唔係好點理我嘅爸爸, 一早就嗌醒我… 人哋瞓到咁冧, 都唔知搞乜鬼…嬲爆~！！😤」藍藍被爸爸鑑粗搞醒咗。「爸爸今日做乜鬼呀, 人哋瞓緊覺就敖醒人, 仲擺咗件靚衫出嚟要我著…」

旁邊嘅 Coco見到件靚衫就眼金金昅實, 而且心有不甘嘅表情表露無遣。而 Lice 依然好佛系咁款, 賴得理咁坐喺一二角, 好似知道事不關己。

爸爸對住藍藍話：「今日你生日呀, happy birthday!! 🎂快啲換咗件靚衫先啦, 爸爸帶你出去, 我為你預備咗個生日會!!」又對 Coco同 Lice講：「你哋都快啲換衫啦, 我哋一齊去生日會, 慶祝妹妹1歲嘅生日~！☺️☺️」

佢哋三兄妹雖然聽唔明白爸爸講咩, 總之意會到要佢哋即刻換衫啦。 於是就拿拿林換好晒衫, 爸爸就將佢哋逐個逐個咁放入三層高嘅行李拖喼裏面, 每一層都有個玻璃罩可以望出外面。





藍藍被困住咗入個喼之後就好驚慌, 問下哥哥：「Lice哥哥, 今次爸爸又搞咩呀… 佢咁樣困住曬我哋三個, 唔會係出賣我哋掛… 好驚呀~!🥶」唔好睇 Coco平時好似好巴辣, 佢呢個時候都驚到震, 一粒聲都唔敢出, 好似知道反抗都冇用。

Lice就用好平靜嘅語氣搭嘴喇：「err……我都唔知發生咩事㗎！呢個三層高嘅皮喼, 我都係第一次坐, 之前都係未見過… 不過咁, 我信得過爸爸嘅, 佢一定唔會出賣我哋, 可能想帶我哋去旅行呢, 佢次次都冇先兆㗎啦, 懶神秘~😝」

就係咁, 爸爸拖咗個喼, 帶住三個人仔就出咗去。佢又去咗個好擠迫嘅列車🚈入面, 經過幾個站之後落車, 喺街道上面行咗一陣, 就到咗一個商場裏面其中一個店舖啦🏦。

爸爸喺個店舖門口見到佢啲朋友啦, 就好開心咁走去向朋友打招呼。 所有佢啲朋友都帶咗各自嘅人仔出來。 當店舖個職員為佢哋帶路之後, 就畀咗一個包房佢哋。呢個包房就算對大人嚟講都係非常非常之大, 呢度有好多人仔嘅遊樂設施, 而且有畀大人嘅座位同埋食物。話就話係包房, 其實只係喺個店舖裏面間出一個area畀佢哋開生日會。

藍藍佢哋就被逐一放出嚟, 眼前嘅環境靚到吸引咗藍藍即刻跑過去：「哇~哇~哇~呢度係咩地方嚟㗎, 超正呀！有好似走馬燈嘅旋轉木馬🎠, 又有糖果盒子似嘅摩天輪🎡, 嗰邊重有個少女心波波池🎪……😍😍😍」除咗藍藍已經急不及待跑去玩之外, 爸爸其他朋友嘅所有人仔無一個唔立即衝入去玩, 就係除咗Coco 同Lice兩個已經見慣玩慣, 所以都冇乜興趣同感覺, 兩個人肩並肩咁慢慢行個去少女心波波池裏面浸粉紅波波浴, 池邊放上果汁🧃🍿慢活去。





响遊樂場嗰邊, 人仔大部份人都好識守規則, 都識得去排隊玩嗰些遊樂設施🎢。响排緊玩旋轉木馬隊期間, 排喺藍藍後面就係有個大肥仔。個大肥仔一手攬住一桶大爆谷🍿🧋, 另一手拍一拍藍藍個膊頭問佢：「你食唔食呀？」藍藍擰一擰轉頭, 見到嗰大肥仔, 全個身都又圓又大, 成個棉花糖感覺得佢好可愛😄, 就答佢：「哈哈哈, 你咁肥仲食咁多嘢, 等我幫食啲, 幫你減下肥啦！」

肥仔好樂意share畀藍藍, 又對佢微笑咁話：「我覺得你又高又瘦好靚, 可以話係今日全場最靚, 嗯~！🥳」
藍藍：「你咁識講嘢嘅, 咔咔~ 好啦, 我批准你坐我隔離嗰隻馬, 陪我玩, 嘻嘻~😘」

排喺藍藍前面亦都有個又瘦又高嘅男仔, 佢聽到後面二人嘅對話就擰轉面話：「我都想同你哋一齊玩, 我屋企得我自己一個炸, 我都冇朋友…🥲」
二人同聲就話：「梗係可以啦~！」

人仔有人仔玩, 大人有大人喺餐桌嗰邊傾計, 遠遠咁望住人仔。藍藍爸爸同緊一個女性朋友講嘢：「睇嚟我嘅藍藍好快好合群喎, 哈哈, 反而我嗰兩個大嘅就唔多玩, 坐埋喺波波池一邊, 可能始終年紀大咗…😄」
女性朋友答佢：「係呀, 我個肥仔都玩得好開心, 我都係第一次帶佢嚟呢啲活動, 你搞呢個生日會好成功呀😄😄！下次等我都幫肥仔搞返一個先, 哈哈！」





呢個時候, 出面有一個熟悉嘅賓客到咗, 佢就係蟹仔媽媽🦀。

蟹仔媽媽一到咗就畀咗一份禮物比藍藍爸爸, 說：「唔好意思呀sorry sorry😲！差啲趕唔到嚟, 如果班機delay咗, 就要等下次的星際磁場到來時間, 就有排都返唔到嚟😵。」
藍藍爸爸話：「梗係明白啦, 做你呢行周不時都有航班delay, 見到你趕到嚟都好開心, 坐低唞下先啦, 幫你叫嘢飲~🍹！fruit punch啱唔啱？」

蟹仔媽媽到達時, 藍藍正响度玩緊摩天輪🎡, 佢同緊新認識嘅一堆friends玩緊。佢搭到去最高峰時望返落地下就見到蟹仔了。「啊~~~佢都嚟咗呀~ 有冇鏡呀~ 我頭髮有冇亂到~😲😲😲」藍藍不知所措, 暗戀嘅男仔就係面前, 想見到佢但又驚見到佢…心卜卜跳❤️…

摩天輪終於停低咗, 藍藍就同啲friends講要行開一陣, 自己就跑咗去溝仔啦 🙄!!

蟹仔🦀當時坐响人做草地上的一個鞦韆, 一邊遙遙下咁睇住書, 佢似乎對遊樂場完全冇興趣咁。佢feel到有人一步一步慢慢咁向佢行過去, 眼角一屑🙄, 原來嗰個係佢發夢都想見到嘅藍藍呀~ 於是就放低本書, 企喺度迎接慢慢行緊過嚟嘅藍藍。二人對望, 大家都顯得尷尷尬尬。

藍藍行到蟹仔面前, 揼低頭同佢講：「你又會嚟咗嘅…」
蟹仔側側地身, 都唔敢直望藍藍咁答：「呀~ 我都估唔到媽媽帶我嚟呢度… 原來你都係到呀~…我… er… 你…今日好靚, 件衫好襯你!! ☺️」
藍：「係咩？! 你中唔中意呀~？… 我講我件衫…」




蟹：「哈…中意 (心諗：好中意你添啦, 蠢~)」
藍：「咁就好啦~❤️ 你出嚟玩都帶住本書嘅…」
蟹：「我真係超鍾意睇書, 我對書係因為…(下刪1000字, 因為佢一輪嘴係咁講書本好處, 真係聽到打喊露…🥱)」
藍藍插咀：「我都想多多向你學習, 最衰我冇書本閱讀器… 又唔知點同爸爸講…」
蟹：「如果你唔介意, 不如我送咗個閱讀器畀你, 呢個閱讀器入面已經download咗成1000本書, 而且我屋企仲有, 請笑納☺️。」
藍藍接過蟹仔嘅禮物格外開心：「唔會唔會, 梗係唔介意啦, 多謝你, 我會珍惜用佢☺️！…係呢, 難得你今日出到嚟, 可以見到面, 不如…我哋一齊玩遊樂設施… 好嗎？」
蟹仔開心都嚟唔切, 記得之前喺佢屋企度一齊玩, 回憶一下子就返晒嚟。

之後佢哋兩個就旁若無人咁一齊去玩, 藍藍連啱啱識嘅朋友都全部已經唔記得曬, 真係重色輕友。蟹仔同藍藍好珍惜大家好一齊嘅時間, 盡量有乜嘢都一齊玩, 一齊做, 除咗去廁所之外🚻… 佢哋兩個嘅行為都畀佢哋嘅爸爸媽媽見到晒…

蟹仔媽媽就對住藍藍爸爸咁話：「你睇佢兩個幾投契, 係咪應該要將佢哋結婚呢, 哈哈！」
藍藍爸爸就話：「咁有咗係咪你負責任先, 哈哈哈！」
蟹仔媽媽帶有挑逗性嘅咁答：「你都知我係一隻冇腳嘅雀仔, 成日都周圍飛, 我梗係唔會負責任啦, 除非……有個男人肯同我負責任咁~」
藍藍爸爸一本正經咁答：「政府實施人口管制, 你唔驚犯法咩…」
蟹仔媽媽風趣咁答話：「我哋應該講緊人仔吓嘛, 哈哈哈！」




藍藍爸爸串串咀得戚嘅表情答：「sure 啦~」

正當爸爸媽媽傾得興起, 而蟹仔同藍藍亦都玩得好開心嘅時候, 外面傳來一啲碰碰撞撞、追追逐逐嘅聲音, 所有人聽到都好好奇, 不過好快就冇理啦, 做返自己嘅嘢, 唯獨藍藍就覺得好好奇, 佢依然繼續望出去外面嘅情況。原來出面有一群人仔嚮度打鬥, 似乎係一大班人追打一個, 藍藍見到咁嘅情況, 竟然奮不顧身咁走咗出去, 想救嗰個被人圍毆嗰個男仔。

被突然掉低咗嘅蟹仔都呆咗, 心諗做乜事走咗去。佢呆咗一陣先追出去, 已經太遲喇, 藍藍不知所踪喇~

藍藍一路追, 眼見前面嗰班人就一路跑。佢哋跑得太快, 藍藍跟本好難追上。追追下, 嗰班人追到轉咗右邊嗰條窄路, 藍藍追到正想跟住右轉時, 突然有人由後面伸手捉住佢手腕, 隔硬拉扯咗佢去另一邊嘅窄路匿埋。

個男仔捉住藍藍, 一手揞住佢個咀仔, 就好惡咁就側問佢：「你邊個呀, 做乜跟蹤我呀, 吓！😡🤨」
藍藍好用力咁試圖fing甩佢隻手：「好痛呀, 放開我呀~…」個男仔就放手。
藍藍：「我頭先見到你被成班人追住嚟打, 我好擔心你, 所以我咪衝出嚟諗住救你囉~ 好人當賊！😡😡」
男仔串咀：「你又唔識我, 做乜咁擔心我, 你呢啲咪多管閑事囉~😒」
藍藍嬲嬲地：「哈, 我好心追出嚟幫你你仲咁樣話我, 你咩人嚟㗎!!😡」
呢個時候個男仔攬住藍藍條腰, 將佢貼近自己身體, 然後壓埋一邊牆匿藏。
藍藍畀佢嚇親😲：「餵~ 你做咩乜攬到我咁實呀~」




男仔一手揞住佢個嘴, 叫藍藍唔好出聲, 嗰班追打男仔嗰班人就喺出面跑過, 完全見唔到佢哋兩個, 之後就鬆咗手啦。 藍藍反而拖返住個男仔話：「你跟我嚟吖, 我帶你去個安全嘅地方。」
男仔猶一猶疑之後都跟住藍藍走。

藍藍帶返佢去生日會嗰個area就放手, 同個男仔講：「你到呢度應該安全㗎喇, 呢度呀, 係我爸爸同埋佢好多嘅朋友都喺度, 我相信打你嗰班人應該唔會夠膽追上嚟, 你畀我睇下你塊面有冇事, 好似腫曬咁, 好可憐~! 🥺」
個男仔就撥開那隻手話：「放手啦, 唔使人可憐我, 我只係一個四處流浪嘅人, 呢啲小事啦… 係呢, 睇你呢個環境, 睇嚟你應該係個有錢女, 你住喺邊度㗎?」
藍藍就老實答佢佢住喺咩咩咩站嘅B1層…。
男仔就話：「果然冇估錯, 果然係有錢女！」

蟹仔呢個時候追到嚟, 腳步停在二人前, 就問藍藍：「佢係邊個嚟㗎？」
男仔就粗聲粗氣答：「咁你又係邊位呀, 你係佢條仔呀😏, 車~」
藍藍好怕醜就幫答：「唔係, 佢唔係我男朋友, 佢係我鄰居咋嘛, 係啦, 你叫咩名~？」
男仔就用手指整個心心畀藍藍, 答：「我叫阿風, Nice to meet you, 靚女~♡」
蟹仔見到佢咁花fit嘅男仔, 一手就扯咗藍藍埋去佢身邊：「我話你知呀, 有我喺度你唔好諗住蝦藍藍 😡!!」
藍藍輕輕力搭咗蟹仔一下膊頭：「冇事冇事, 雖然佢係粗魯啲, 冇禮貌啲, 公平啲講句, 佢都冇蝦我, 就算佢想蝦我都未必蝦到啦, 哈哈！」





阿風笑一笑： 「哈~ 我都唔係隨便會蝦人嘅, 你想畀我蝦, 諗都唔好諗呀！靚女, 我走先啦, 呢度似乎都唔會好歡迎我呢啲人, 之後我再搵你！！」阿風講完即刻向門口嗰邊走咗去, 藍藍追都追唔切：「哈, 呢個人真係冇禮貌, 救咗佢都唔多謝我一聲…😡」

反而蟹仔安落晒, 出於雄性本能, 好想保護藍藍嘅安全。

待續~