《藍藍》〈科幻/奇幻〉: 第十章 kiss to connect
第十章 kiss to connect
阿風响水庫游咗好耐🏊, 最後將藍藍帶到去佢同班兄弟响水庫旁嘅一處地下秘密基地。兄弟齊心之下大叫「大哥、大嫂~！」令到藍藍霎時超尷尬。
阿風就解釋：「你班死仔唔L好亂講嘢呀！係咪想死呀~🤨」
吳知哥：「我唔知道咁多喇, 總之淨係見到大佬帶條女返嚟🤤!」
吳覺哥：「我唔多覺係囉…呵😏！」
吳聞哥：「我聞到陣味呀, 係甜味呀😍！」
吳問哥：「唔使問都知大佬被人溝咗啦！哈哈😆！」
兄弟之間你一句, 我一句, 阿風都冇佢哋符, 只好對藍藍講聲：「sorry, 班死仔我一定會教訓佢哋！！你過嚟呢度坐下先, 除低件黑色防水衫, 休息下, 我去煮啲嘢畀你食 😉！」
藍藍扮大方話：「唔緊要, 佢哋都幾得意♡… 不過你住嘅地方一眼睇曬, 我唔覺得有煮食爐喺度嘅…🤔🙄」
阿風：「我呢度都有廚房架, 嗰邊轉個彎入去就係。你等我一陣, 好快就出嚟~ 😉」
藍藍一直坐喺岸邊, 雙腳fing fing, 望住嗰個一望無際、冰冷無色嘅地下水庫。至於嗰班兄弟呢, 就喺佢後面支吱浸浸, 似乎係攞佢同大佬阿風嚟講緊笑。 佢見自己一個無無聊聊, 就走過去同班兄弟傾計：「Hi~ 你哋幾個都喺度住㗎？你哋真係冇屋企㗎 😯？」
吳問哥：「唔使問都知, 你一定係個矜貴嘅大小姐啦！唔好話我話吖, 你有個溫暖嘅屋企就快啲返去啦, 你跟住我大佬… 我都係咁話㗎啦, 你高床軟枕慣, 你跟住佢冇咩好處, 以後會好辛苦㗎…😔」
吳知哥：「你一定係唔知道, 我哋全部都係被大人遺棄, 就連阿風大佬都係。想當初, 我哋幾個被人揼出街時, 都係畀大佬收留, 佢教識咗我哋好多求生嘅知識, 例如點樣要匿埋啲生活, 因為係街上面有好多大隻過我的動物會捉我哋、食我哋, 亦都好多大人唔知點解鍾意捉咗我哋嚟虐待😫, 好多流浪嘅兄弟都被人打到殘廢, 最後病重而死😔。 大佬亦都教咗我哋喺邊度搵嘢食啦, 同埋點樣生火煮食等等, 佢真係好勁。」
藍藍聽到"生火煮食"好好奇：「"生火"🔥？？？係乜嘢嚟㗎, 煮嘢食唔係用電磁爐或者電鐵板嘅咩 😦？」
吳聞哥：「我以前都唔知道係乜嘢嚟, 跟咗大哥先知道, 口說未為實, 你自己入去廚房睇下佢點樣整嘢食啦！」
藍藍於是走入廚房, 見到阿風嘅背影就好似爸爸煮嘢食嘅背影一樣, 好有男人味 😍。佢慢慢行近, 就開始聞到濃烈嘅燶味, 超級攻鼻。再行近啲, 見到阿風原來揸住支燒烤叉喺度燒緊一塊肉, 心諗： 「吖~ 咁樣煮嘢食嘅, 呢個又紅又黃又會喐動嘅嘢就係火啦… 同埋會發出熱力, 吸到黑煙搞到抖唔到氣咁濟…😵💫😵💫」
藍藍「cam~ cam~」 咳咗兩聲, 踎咗喺地下嘅阿風擰轉頭望一望藍藍, 好溫柔同佢講：「我就快燒好㗎喇, 呢塊肉叫叉燒, 喺呢個星球度好難先有嘅肉, 我好辛苦先偷到出嚟, 平時慶祝先攞嚟食。不過見係你, 我就整畀你食啦 😉！」
吳覺叔聞到叉燒嘅香味就立即衝入嚟就話：「大佬竟然整叉燒畀你食呀, 睇嚟你哋唔覺唔覺…好快就…嘿咻…嘿咻囉~🤤」
阿風突破口大罵佢：「死L開啦, 死仔, 信唔信我唔畀你食呀~ 🤬」
「唔好唔好, 我走先, 唔阻你兩位, 咔咔~」
當阿風燒好出嚟, 就將嗰嚿叉燒攞出嚟放上枱, 用大刀(大人用的餐刀)一片一片咁切開, 分畀大家食。
藍藍話：「咦~ 冇刀叉嘅~ 點食呀~ 同埋點解冇麥包做嘅碟🫓㗎 😵💫？？？」
吳聞哥就喺廚房嗰度左摷右摷, 就話：「麥包碟呀🍞~聞所未聞！ 唔知係咪呢塊呢, 攞畀你啦！」
藍：「吓… 都唔係圓形嘅, 同埋似乎係畀人咬過, 咁樣點食呀…😑」
吳問哥就話：「唔出奇呀, 我哋都係喺垃圾袋度搵返嚟, 唔使問都知畀人咬過, 食淨咗啦…🤔」
呢個時候, 藍藍開始感受到佢哋嘅生活的確好慘, 佢用手揸住塊叉燒食落去, 味道不同凡響, 無論軟硬溫度都非常適中, 從未食過咁好食嘅嘢, 一路食一路喊, 因為覺得大家都好可憐, 而自己原來一直生活喺 comfort zone, 可知道無家可歸嘅可憐。
藍藍心情感到好無助, 響呢班人面前自己根本咩都唔識, 根本冇辦法幫到佢哋, 無耐覺得自己好冇用, 說：「sorry我太感觸啦, 呢塊叉燒實在太好食, 多謝你哋嘅熱情款待… 我諗係時候返屋企啦, 可唔可以送我？」
阿風就立即送藍藍返屋企。
阿風送到藍藍去到家門之前…
藍藍唔敢再見阿風：「多謝你今日帶我去玩, 你畀我見識到外面嘅世界, 同埋你嘅世界… 我覺得好開心, 你… 應承我, 一定要加油呀！… 我要返去喇, 再見！」
風：「哈, 你唔好講到好似世界末日咁啦, 我哋以後都有機會再見的😉！你同我雖然生活喺唔同嘅地方, 但係… 我哋都係存在喺同一個星球, 同一個城市, 同一個空間。以後, 我希望都可以見你, 可唔可以？」
藍：「真嘅！嗯~ 我會聽住屋企嘅空氣喉管嘅聲音, 第一時間嚟接你！😃」
風：「哈, 唔使咁麻煩㗎! 😆」
講完呢句嘢之後, 阿風拖住藍藍隻手仔, 拉藍藍到身邊, 然後… 錫咗佢額頭一啖……😘
阿風之後行後幾步, 合埋眼睛, 用心靈💞同藍藍溝通：「我哋已經connect咗喇, 以後我哋可以隔空, 用心靈connect傾偈啦！😘」
藍：「咁神奇嘅, 你頭先kiss我一啖, 原來就可以connect, 點解咁神奇嘅…😱」
風：「哈！笨！我走喇, 再見~！」
藍藍返到屋企之後, 一邊淋住花灑🚿, 一邊諗返起今日嘅事, 雖然係好開心, 但係實在太大衝擊啦。相比起呢個屋企, 外面真係好大好大, 佢自己由細到大都只係舒舒服服咁享受, 過住無憂無慮…卻…無聊嘅生活 。
關於connect, 究竟係咩嘢嚟呢, 被阿風kiss咗一下嘅藍藍未係覺得浪漫, 反而好奇呢種「超能力」係乜。係呢個屋企入面, 根本冇人教佢做呢件事, 佢幾可肯定哥哥姐姐同埋爸爸都唔會識。
嗰晚, 藍藍又再上露台, 約咗一天一會的蟹仔相見💕~！
依舊, 佢哋兩個相見嘅時候都係含情脈脈咁撳住塊玻璃罩, 互相望住對方, 有一種似近唔近, 似有但冇嘅感覺。
藍藍首先開口：「話你知呀, 我出咗去外面玩, 我發現外面個世界好唔同, 有……」藍藍講咗好多出面嘅事。
蟹仔驚奇問：「你咁大膽自己走咗出去玩… 你唔驚蕩失路咩… 如果返唔到屋企點算呀, 咁樣……會擔心死我㗎！！😱」
藍藍解釋：「唔係唔係, 仲記唔記得上次喺遊樂場俾人追打嗰個男仔呀, 佢唔知點解好犀利搵到我住邊, 跟住佢就帶咗我出去玩咗一日啦！！呢啲都係其次, 你知唔知佢畀咗一個超能力我, 就係 "connect"！我依家可以唔需要見到佢, 就可以同佢隔空用心靈感應溝通💞喇, 係咪好神奇呢！」
蟹仔聽到藍藍原來同咗另外一個男仔出去玩, 即時變得勁嬲, 勁呷醋：「你… 以後同人去街啦, 而我… 喺你心目中跟本就係 nothing, 再見！」
蟹仔講完後就嬲住咁跑返落去, 而且接連幾日佢都冇再上過嚟露台, 而每日都見唔到蟹仔嘅藍藍就一日比一日寝食難安。
Lice哥哥見到個妹咁, 都走嚟問佢咩事：「你呢幾日做咩呀？悶悶不樂咁！」
藍藍：「佢唔見我, 我個心好痛呀~ (嗚嗚嗚😭😭😭)」
藍藍都嘗試第一次connect阿風成功, 同樣, 亦都去表達佢心情畀阿風聽👂。似乎Lice,都理解唔到藍藍依家嘅心情, 都唔知點樣安慰佢好; 但阿風知道藍藍有心上人, 雖然都一早已經知道嗰個蟹仔🦀係勁敵, 只係自己都難免控制唔到自己嘅心情, 就暗地裏獨自消愁。
藍藍幾日消愁後終於忍唔住, 佢自己一個人走咗出去門口, 經過等Lift嘅走廊, 去到蟹仔屋企門口大力拍門…
「砰砰砰」「蟹仔~蟹仔~ 求你應下我啦~」藍藍冒住畀人發現嘅風險都唔理, 好大力咁拍門, 不斷拍…不斷拍…
最後, 終於得到蟹仔隔住門回應佢。
蟹仔就隔住度門同藍藍講：「好喇, 好喇, 唔好再拍啦, 咁大聲會被大人發現, 你會被人捉咗。我冇嬲喇, 我都諗過, 我又唔係你邊個, 我冇理由要嬲…😔」
藍：「我呢幾日見唔到你我真係好唔開心, 我發覺我唔可以冇咗你！蟹仔, 以後我哋唔好再咁樣, 好唔好？」
蟹仔：「但係… 如果佢(阿風)再搵你呢？」
藍：「其實我當佢只係普通一個人, 雖然佢真係好靚仔, 但我完全對佢冇feel, 而你畀到果種安穩感覺, 佢係冇可能有的。不過佢應該唔會再搵我, 上次係因為佢話還我人情, 係我自己主動要求佢帶我出去嘅, 所以你放心啦！」
蟹仔：「咁的的確確, 佢响外面生活, 求生技巧係豐富, 我都羨慕佢嘅。」
藍藍醒起一件事：「啊！係啦, 你有冇試過kiss connect呀？只要一kiss咗, 大家心靈就會連上…」
蟹仔心諗, 藍藍作為女仔竟然咁有勇氣提出kiss嘅要求, 佢自己都面紅：「我… 只有媽媽kiss過我。我嘅kiss… 我可以…下次畀你…的…」
「好呀~ 我好期待~♡」
待續~