《藍藍》〈科幻/奇幻〉: 第七章 AOI 行星
第七章 AOI 行星
話說, 上一集講到藍藍去咗蟹仔屋企個書房度睇書 📚, 其中一本係講述有關藍藍所住嘅星球, 呢個地方嘅資訊。
以下係書本入面嘅小小內容：
書名：我們的 AOI 行星
AOI 係太陽系中☀️最後的一顆行星🪐, 位處响太陽系的邊緣, 是宇宙中其中一個住上過億人口, 物理人類🙉的星球。半徑約8萬公里左右, 比Earth更加大好幾倍。星球表面呈灰色, 自轉軸嘅傾斜角度係15.8134578度, 擁有一個人造的大氣層系統。AOI 同時進行繞著太陽公轉運動, 但由於 AOI 離開太陽實在太遠, 長期都唔會有陽光嘅照射, 星球嘅表面溫度非常之低, 人造的大氣層系統能夠發揮作用亦有限, 只可以令到星球能夠抵擋小部份的UV輻射同埋減慢殞石墜落帶來嘅打擊, 亦勉強都可以將氣溫保持生存所需嘅溫度。 AOI 圍繞太陽公轉一周💫就是 AOI 星歷一年。
在 AOI 行星裏奉行唯一統治集團🏴。 响呢個星球入面, 從來都唔會有人知道, 又或者冇人過問呢個集團是邊個响背後作主😈, 係因為由於生活質素相當平穩, 人民快樂感覺亦很好, 所以就算背後邊個做主, 其實都係唔會有人理, 十分相信統治者。
AOI 行星係一個環保世界♻️, 所有响星球上嘅行為都要經過中央環保標準📏📐去審查先可以落實去做。AOI 行星响好耐以前都擁有海洋、陸地、以及完整的天然大氣層, 星球係藍色所以取名「AOI」, 藍星的意思, 當時更係適宜各類生命繁衍。可是, 星球天然環境被不斷破壞, 導致生態失衡, 而且公轉軌道因為核污染而失衡, 軌跡越來越擴展開去, 而最後成為最未端嘅行星。一切都已經返唔到轉頭, 星球表面嘅顏色已經變得灰沉, 已經冇咗AOI 藍色呢個意思。 AOI 嘅統治者唯有以後以強行實施環保政策, 最後得以保持行星公轉軌道回復平衡, 但係失去的大氣層只有靠人造嚟代替。星球表面亦都冇晒水同埋氧氣, 所以各種生物都搬到地底居住, 包括人。
AOI 圍繞太陽公轉一周需要AOI 星歷的一年。AOI 上的人類年齡基本上係冇上限, 如果冇意外發生嘅話, 醫學科技發達, 細胞再生技術成熟, 係會令人民長生不老。行星响一年裏大約有十分之一嘅時間最接近太陽, AOI上嘅人類都會為接近太陽而做準備, 例如會派出有「宇宙尿袋」之稱嘅宇宙運能船, 駛進太陽表面landing, 繼而吸收大量核能量, 人民又會到其他行星的衛星上旅行, 以及同衛星上嘅人做啲貿易, 同埋親善探訪等等。衛星, 其實就係其行星嘅緩充區, 避免外星人直接到訪該行星。
AOI 行星表面已經冇晒水, 只有灰塵、灰風暴、灰雨。呢啲灰重衍生咗好多對人類冇益嘅生物自然繁殖, 令到環境越嚟越惡劣。細如例如灰塵型曱甴, 身體大部份嘅細胞由灰沙合成, 任何嘢都中意食, 生命力超強, 有時亦都見到爬到地下嘅民居搵食, 對居民做成滋擾; 亦都有大如大型水母嘅空中幽浮, 身體係全透明, 冇脊骨冇五感, 一般有一輛管道列車咁大, 理論上佢係可以無限咁長大, 所以佢嘅體積大到非常恐怖, 佢穿梭喺星球表面, 甚至乎走出大氣層外唔遠嘅地方搵食, 佢哋亦都係任何嘢都會食包括灰塵、二氧化碳呢啲氣體、宇宙中嘅任何物質, 甚至乎人類建造嘅列車水管都想食, 只係人類做咗一啲物料令到佢哋食唔到。仲有好多各種各類嘅變型生物, 不能盡錄。
雖然星球表面上係咁惡劣, 但係星球嘅內部係仍然有水。 地下嘅空氣同水都非常乾淨, 呢啲資源全部都收咗喺「 D」 以下嘅樓層。 本身人類居住嘅地方就係 「B 」層, B層所需要嘅水同埋空氣都係由D層經由運輸管送上, 人類只要喺自己屋企嘅水喉或者開空氣喉就會享用到。
至於天上面嘅人做大氣層, 由於係人造嘅關係, 其實長久以來都係抵擋唔到UV輻射🟣, 只係叫做有好過冇, 而且呢個大氣層重要定期修補, 而修補大氣層嘅物質係 AOI 呢個星球上面冇嘅, 要到外星搵返嚟。
地下龐大建築群：
B1 居所 (豪宅級), 畀一啲專業人士居住
B2 居所 (平民級), 畀一啲普通操作員居住
B3 街道, 衣食住行、娛樂、動物園等等樣樣齊
B4 車路/鐵路系統, AOI行星建有八角形交通系統🛑。有分州、市、區, 以分別乘搭唔同嘅交通工具就可以去到。
D1 水庫、空氣庫
人類：
為了環保嘅原因, 中央統治者係會控制人口在一億人以下, 非法嘅生育係犯法嘅！
醫療科技：
量子醫療床：將身體細胞激活重生, 令到身體自然返老還童, 繼而能夠將抵抗力自給自足, 所以理論上人類係會「不死」。
DNA改造工程：機密, 無可奉告, 只可以話會造福人類嘅政策。(不要問只要信)
人民日常生活：
中意打online game (沉迷), 上討論區 (吹下水), hea下hea下又一日。
建築物：
基本上在AOI裏面, 屬於一個龐大嘅地下建築。喺地底嘅不同樓層入面, 都有一個好有規劃嘅隧道系統結構, 設計概念係要以環保同埋防天然災害而建。B樓層係屬於一般市民可以到達嘅地方, 而D樓層只有專業工作人員先可以access到。專業人員係講緊研究級工作, 例如建築概念、醫療概念等等, 全部都係新概念、新科技一創新有關嘅職業。
旅行熱點：
通常都會去外星旅行, 佢哋特別中意去行星Earth的衛星Moon旅行。因為透過旅行, 人民可以感受下第二度嘅風土人情, 又可以食到當地的天然美食, 甚至乎有人去果到留學。
書入面大概就係講以上呢些啦！
至於職業方面, 藍藍睇咗一本「空姐日記」, 初步了解到蟹仔媽媽返工嘅情況。從書裏面大概得知空姐就係要著住整齊嘅制服返工, 要紮好特定嘅髮型, 响宇宙船上面返工。唔同嘅宇宙船會去唔同嘅地方, 宇宙船有好多型號, 有碟形、倒正方錐形、圓柱形等等, 軍方用嘅一啲大到成個 moon衛星咁大嘅宇航母艦都有, 係用宇宙中嘅巨型殞石改裝而成, 但筆者當然未乘坐過喇！
根據書裏面嘅插畫, 蟹仔媽媽著嘅制服係屬於機長室嘅空姐, 係機上面嘅空姐組長。佢負責管理所有機上面嘅所有事, 例如機上面嘅所有設施, 包括安排食物、座位、行李、分派工作、機上廣播等。書裏面嘅作者仲提到, 雖然機上工作繁忙, 但係好開心可以周圍去, 見識多咗, 唔會只係留喺自己嘅 AOI 星過住死板嘅生活, 食住一啲只係經 DNA改造嘅食物。而且佢最中意就係可以遠處望到 Earth行星🌍, 雖然未有機會 land過嗰到, 但係喺機倉入面遠望就已經好醉人, Earth係大陽系之中最靚嘅一個行星咁話添。
藍藍就咁望住 Earth嘅插畫都已經醉了, 真係好想好似蟹仔媽媽咁可以周圍去, 佢同自己講：「我大個成為"大人"後一定要做空姐, 去外星旅行, 食要食新鮮嘅食物, 而且要去睇大海🌅！」可惜, 藍藍根本唔知道自己跟本同"大人"係唔同嘅物種, 所以佢跟本冇可能成為"大人"呢！
待續~