《藍藍》〈科幻/奇幻〉: 第六章 另一個Cube

第六章 另一個Cube

蟹仔聽到樓下走廊嘅腳步聲🐾, 就知道一定係好耐冇返嚟屋企嘅媽媽已經返到, 所以立即飛奔去到門口迎接。 但係, 第一個上到樓梯嘅竟然唔係媽媽, 而係同佢一樣咁高嘅, 令佢發夢都會甜笑嘅, 藍藍… 👤

蟹仔和藍藍大家眼定定望住對方, 第一次近距離相見, 瞬間觸電嘅感覺🤯！媽媽就跟住後面上咗嚟…

「蟹仔好乖喎~ 知道媽媽返嚟就喺個門口度等我, 抵錫~ 😘!! 我頭先喺㗎 Lift嗰度執到個人仔, 我見佢應該係走失咗, 好慘呀~, 所以我帶咗佢返嚟先, 你同佢玩住先啦, 幫我照顧一下小妹妹…😉」

啱啱落機返到屋企, 正想去沖涼換衫之際, 本想離開嘅媽媽, 突然擰返轉頭話：「都係唔得…你哋一男一女共處一室… 🤔 萬一…」 於是媽媽就攞咗一條特製嘅皮帶畀蟹仔著住, 之後先離開cube去沖過靚涼 🚿。





「你…原來都幾高大喎~, 之前隔住個玻璃罩喺對面望你都唔覺得, 睇落都幾…~♡」藍藍對住蟹仔心心咁眼😍。

「你都嚇咗我一跳呀！冇諗過你會喺我面前出現, 啱啱瞓醒起身都未梳好個頭…哈哈哈！ 😅」蟹仔衣衫不整、頭髮凌亂, 覺得好尷尬。

「係呢, 啱啱你媽媽幫你帶咗條皮帶幾靚, 一定係佢新買畀你嘅, 好羨慕你🥺, 我爸爸成日都買啲我唔鍾意嘅衫畀我著… 唉~😥」
蟹仔心知道呢條係貞操帶, 因為蟹仔已經係青春發肉期嘅男仔, 生理上佢知道自己想點, 而媽媽喺呢個時候用呢條皮帶綁住鎖住🔒佢, 當然知道用意, 所以響藍藍面前顯得好尷尬。當然, 天真無邪嘅藍藍唔知咩事…

藍藍四周觀察後好奇咁問：「你呢個 cube起居室, 同我住嗰邊係一模一樣, 唯一唔同嘅地方係呢度冇上露台嘅爬梯… 咁其實你係點樣上去㗎？🤔」
「嗯~ 跟我嚟, 我帶你去！」





蟹仔當時著住件格仔恤衫好飄逸, 藍藍就扯住蟹仔嘅衫尾跟咗去。當行到去天花板地面嗰個位置, 呢度真係冇好似藍藍嗰邊嗰個牆梯可以爬上, 反而有一部專為人仔而設嘅 Lift。呢部 Lift係藏喺牆身入面, 而且係全透明, 可以睇清楚全部 Lift嘅運作, 包括裏面嘅磁力推動系統。蟹仔就撳嗰 Lift掣啦, 等㗎 lift落嚟, 「叮~」一聲, 部 Lift就到咗開門, Lift入面有幾個掣, 阿蟹仔就撳咗最頂個掣🆙上露台去。

藍藍好好奇咁問：「你呢度咁先進嘅, 有部 Lift畀你上露台, 即係你媽媽係畀你上去㗎啦~ 我嗰邊嗰個牆梯爬到我死呀… 哎！係呢, 呢度仲有幾個掣, 其實係去邊㗎？」

蟹仔就解釋呢部 Lift 其實就同大人用嘅係一模一樣, 只係人仔迷你版, 藍藍就大概知道 Lift嘅概念啦。佢仲講到, 唔同嘅掣就去唔同嘅樓層, 會去到唔同嘅房間, 呢啲細小嘅房間全部都係為咗蟹仔而設, 包括有睡房、衣帽間、洗手間、廚房同埋書房, 呢個設計係喺裝修時已經利用嵌入式嘅設計裝好咗, 而藍藍住嗰啲就係移動式嘅屋仔。

Lift入面嘅電磁力系統按照蟹仔撳嘅掣而啟動。眨下眼, 部Lift 已經攝咗上露台嗰層了。佢哋兩個行出露台, 藍藍試下敲響玻璃罩, 睇下爸爸會唔會咁啱就喺對面見到佢。可惜對面嘅屋企一個人都冇, 藍藍等咗好耐都係見唔到有人嚟, 就開始越嚟越擔心… 🥺 蟹仔見到藍藍咁心急就上前安慰佢：「你又唔使咁擔心嘅, 既然我媽媽帶咗你返嚟, 就算你爸爸唔知你喺度, 冇辦法搵返你都好, 我諗至少… 你都可以留喺度住……er…我意思係留多幾日(就好了)！」蟹仔紅都面埋…🤒

藍藍就話：「多謝你關心, 之前我一直都好想同你見面, 而家願望成真見到你, 我反而好擔心自己返唔到屋企, 我真係好掛住爸爸…😭😭😭」
藍藍真係好掛住爸爸, 佢講到都忍唔住喊咗出嚟, 喊到唔停, 成個身都震曬, 呢次係藍藍有生以來最驚嘅一次。





蟹仔唔係好識安慰人, 唯有走上前抱住藍藍個頭, 畀藍藍喺自己心口度喊, 一邊撫摸著佢嘅頭髮, 最後終於諗到辦法點樣氹佢開心：「藍藍呀, 你知唔知我呢度係唔使搭番個Lift落去, 因為係牆身入面裝一咗一個旋轉滑梯, 滑梯可以滑到去任何一層房間之外, 仲可以直接滑到頭先 Cube嘅地面, 你想唔想玩呀？😇」

藍藍抹抹眼淚, 就跟咗蟹仔去玩了。蟹仔走到滑梯隧道口前, 叫藍藍坐佢前面, 蟹仔就喺後面攬實佢條腰, 大家一齊數「123~」就滑落去。條滑梯裏面係迂迴曲折, 又轉左又轉右, 又旋轉空翻, 隧道入面仲有好刺激嘅音樂, 玩得佢哋好開心。佢哋玩完一次搭返 Lift上去又玩一次, 不斷重複咁玩, 玩咗好耐, 令到藍藍已經唔記得咗唔開心嘅事🥳🥳。

玩得耐咗, 之後蟹仔又帶藍藍參觀佢嘅睡房。藍藍入到睡房後四圍觀察就問：「點解你個睡房冇毛公仔, 但係有好多模型嘅擺設, 可唔可以介紹下呢😋？」

蟹仔覺得有人讚佢, 即刻好有自豪感咁去介紹佢啲珍藏模型：「嗱, 呢幾部就係平時我哋搭嗰啲tunnal rail, 你都知有紅、綠、藍, 以及機場快線嘅銀色啦…」

藍藍第一次見到tunnal rail覺得好神奇, 就答：「原來我上次搭嗰個列車係咁嘅樣🤔」 tunnal rail列車外型就好似一粒子彈, 外面睇係圓柱體, 入到去喺四面平穩嘅, 藍藍仲記得嗰次車箱入面好迫, 有個女人個身體壓落佢個背囊度。

蟹仔又好自豪咁指住第二件模型：「嗱~ 呢個犀利喇, 佢就係我媽媽返工搭嘅工具呀! 呢㗎係維珍號, 係珍珠白色, 畀你拎上手睇下！☺️」

藍藍又對呢件交通工具好奇咁就話：「呢個交通工具形狀, 成個白麵包餐碟咁嘅🤔, 而且佢有好多細細個窗口, 下面嗰一度有一個圓形嘅入口, 設計幾特別, 我以為係我哋平時可以食用嗰些麥包餐碟添 😝…」





蟹仔：「呢架飛碟🛸算細啦, 我睇書講佢能夠活動嘅範圍只係局限喺太陽系☀️內, 而且應該唔可以穿越其他維度, 只係可以喺普通嘅宇宙之間穿插。 至於佢嘅推動力就係利用星球之間嘅磁力引力, 係被動式咁被星球拉扯過去, 本身自己係冇推動力的。」

藍藍：「嘩~ 你真係博學多才, 估唔到你識咁多嘢…」
蟹仔：「其實我都係自己睇書學返嚟啦, 我帶你去我個書房, 我諗你一定鍾意☺️！」

玩完睡房佢哋就轉場, 經過滑梯就滑到落書房了。呢度果然有個好大個書櫃, 好多類型嘅"電子書籍卡"都差唔多有, 包括有蟹仔最終意嘅交通工具圖鑑, 同埋一啲關於動物、關於佢哋住緊呢個星球嘅事。

蟹仔叫藍藍自己隨便揀選自己鐘意嘅書卡睇, 咁佢各自都攞咗啲書, 坐埋一角各有各睇。

藍藍揀咗動物書同埋自然書, 但佢唔知道點睇, 除咗插圖啲圖畫好靚之外, 另外仲有好大堆字响書上… 由於佢由細到大都冇學過文字, 佢根本唔知道點解, 所以唯有走去問下蟹仔。

蟹仔就話：「原來你唔識字同埋唔識睇書㗎, 你爸爸冇畀啲學習機器你咩？」
「"學習機器" ？？？🤔🤔🤔」

蟹仔就行開咗, 去書枱個櫃桶度攞咗一部機器出嚟, 放咗去藍藍面前, 說：「你將書卡打開佢, 然之後插入上呢個機器嘅窿窿道, 然後撳呢個play掣▶️, 咁呢部機器就會將書嘅入內容, 包括文字同圖畫呈現响畫面, 亦以大人用嘅語言讀出, 都可以揀人仔語言。而且讀出嘅時候會highlight相關嘅字, 咁你就可以從中學習到呢啲字點讀！」




「哇！蟹仔, 你好勁呀~」
「不過大人用嘅語言同發音, 我哋人仔應該冇可能讀出… 不過你可以try try！」

藍藍之後就根據蟹仔教嘅方法, 就係咁樣喺度靜靜睇書了。佢睇咗好耐, 一世人都未試過睇書, 重要一次過睇咁多書, 所以雖然當係故事咁聽, 但係都聽到已經好攰, 開始冇睇住畫面, 而側住一邊頭伏咗喺枱面度hea聽, 眼睛就望住正睇得入神嘅蟹仔…

「原來佢睇書個樣都得意…😍」藍藍被蟹仔認真嘅樣沈醉咗, 一時間沈晒船咁。蟹仔又似乎注意到藍藍望住佢, 所以眼睛一轉, 轉到去藍藍度, 藍藍就立即合埋眼扮瞓著。蟹仔望住又傻又萌的藍藍, 亦都覺得可愛, 一直望住, 視線冇離開過。

最後, 佢哋去咗樂器室果層, 呢度有好多樂器🎹🎻。雖然藍藍已經掉低鋼琴好耐, 不過都走咗過去果個三角鋼琴度, 輕輕揭開琴蓋, 雙手放响琴鍵上面, 開始彈起佢唯一一首重有少少記得嘅樂曲。佢開始彈咗一段, 就已經傳來小提琴聲同佢伴奏, 蟹仔用佢一貫感性嘅姿勢, 側起一邊頭夾住小提琴, 另一手就喺度拉, 合上眼睛感情豐富, 企喺三角琴嘅側邊。二人嘅二重奏將整個房間充滿浪漫氣氛, 呢個時候大家互相欣賞對方, 亦都已經不知不覺咁愛上…

媽媽終於沖完涼換好曬衫敷完mask, 佢準備咗好豐富嘅茶點🍰🧃, 就叫兩個人仔落嚟食喇。

「睇落好好味咁噃, 爸爸好少會買西餅畀我食㗎… 蟹仔你就好啦, 你媽媽對你咁好, 好羨慕！！🥺🥺」藍藍見到精美嘅茶點好開心, 非常羨慕蟹仔有嘅媽媽。

「呢啲西餅唔係買㗎, 全部都係我媽媽整㗎, 而且每一層每一個都係有唔同嘅味, 再試埋呢個 Earl grey茶, 都好飲㗎！☺️」蟹仔好樂意分享美食。





「不如幫你哋兩個影張茶點相…」空姐媽媽眼睛一眨「卡喳~」, 就影低咗佢哋食茶點嘅情景, 之後就將檔案傳送去牆邊內藏嘅小機器打印出嚟, 張相就馬上印出, 一張佢自己收藏, 另一張佢畀咗藍藍留念… 因為, 呢個時候藍藍嘅主人已經到咗門口嚟咗接佢啦。

蟹仔目送藍藍到門口, 兩個人呢個時候真係好依依不捨, 千言萬語都係個心♥️入面, 因為今日分開咗之後, 唔知道仲有冇機會再咁近距離見面, 以後只可以隔住玻璃咁見對方…

藍藍好有勇氣咁, 豁出去大叫：「今日, 玩得好開心, 多謝你, 蟹仔！」
「… 我都係… 一世人最開心就係今日…」
「再見啦！」「嗯~再見！」

藍藍同蟹仔嘅主人都聽到佢哋大叫, 雖然唔識得佢哋嘅語言, 但係都知道佢哋兩個人仔都依依不捨~
藍爸爸說：「今日真係麻煩曬你~」
蟹媽媽說：「客氣~ 大家鄰居應該守望相助… 」
藍爸爸說：「如果得閒的話…你可以帶蟹仔過嚟玩…」
蟹媽媽說：「好呀…😉」

當門閂上咗之後, 兩個人仔都忍唔住喊咗出嚟, 各自攬住自己嘅爸爸/媽媽喊。





待續~