起舞吧!愛與舞蹈的感覺: 第五章:裂痕的感情線 1
叮噹…叮噹…，門口傳黎嘅鐘聲令我轉醒過黎，係我眼前嘅係劉影天，嘩…
「嘩…」過於驚訝嘅我即刻砰埋左度門，即刻係群組入面求救，咦，依旋？
「我阿哥過緊去你度呀阿嫂，把握機會啦」嗯？…，今朝八點幾send過黎…
「咁你點呀？」芝詩好快就係溫習中清醒過黎，而我個腦仰係一片空白…
「Er…Er…」係咁send個Er…比佢地，過左十五分鐘仲係諗唔到點做…
叮…，係手機上面傳來另一個通知，係影天傳過黎嘅，嗯？，佢落左樓下？
「佢叫我落餐廳搵佢…」我隻腳係呢幾日好似又好左啲，其實聽日係要去復診，但係姊妹冇一個得閒，而依旋當然唔係太靠得住，咁搵邊個陪我去好？
「落去囉，你自己都未食早餐」好快就收到四個意見，但全部都係叫我見佢。
「十五分鐘」已經十分鐘之後先復到影天，而我同佢就係一間茶餐廳坐低左…
「Er，你今日做咩過黎搵我？」已經唔知講咩好，就用呢個問題黎做開場白…
「見你呢個禮拜都冇去跳舞，所以想黎關心下你」大家嘅對話都好平淡，冇咩感情可言，直到我係群組再問聽日有冇人可以陪我去復診，點知個重書忘友…
「做咩呀？」「冇」個腦仲有啲意識，但十分鐘之後影天就問可唔可以陪我去…
「下…，Er…吾」諗左差唔多成五分鐘都冇一個定案，我係好想，但會唔會…
「唔駛驚麻煩我喎，你幾點係度復診？」好快就同佢交待我復診嘅細節，而早半個鐘佢黎我樓下接我，直接車埋我去復診，呼…，希望唔好發生咩事就好…
「嘩，樂盈終於肯出Pool啦」「咩…咩終於呀…」夜晚係群組同姊妹吹水果陣佢地突然咁講…，嗯…，其實聽日算係第一次嘅約會？，但只係去復診炸喎…
同姊妹吹左差唔多兩個鐘，兩老都買左外賣返黎比我食，食完都差唔多要訓…
鈴鈴鈴…，一陣又一陣嘅鈴聲打斷左我嘅睡眠，係影天打黎嘅，咦，十點半？
「係，等我十分鐘…」拖著一拗一拗嘅腳去梳洗，用左十五分鐘先出到門口。
「咦，唔係樓下等咩？」「黎啦公主，我拖坐你落去」佢…佢叫我咩話，公主？
「唔…該…」聽到呢個稱呼之後塊臉開始發熱，開始感覺到有戀愛嘅感覺。
「高樂盈小姐請到5號診症室」好快聽到廣播叫我個名，而佢亦都撐扶我去到診症室門口，慢慢走到去位置，又要上床做檢查，用左差唔多二十分鐘先完。
「得啦，呢兩個禮拜都要小心啲，兩個禮拜後再返黎檢查」「醫生，我想問我呢兩個禮拜可唔可以跳到芭蕾舞？，因為已經冇練好耐，我怕…」「如果仲想跳嘅話就要好好休息，呢兩個禮拜盡量比隻腳休息下，最多拉下筋就好」聽完醫生講嘅野唯有乖乖服從，而走到影天隔離就開始扁哂嘴咁，變左做一個細路女…
「做咩呀？」「冇…，係呢兩個禮拜冇得跳舞啫」將岩岩醫生同我講嘅野全部都講哂比佢知，之後就去約埋復診時間，離開嘅時候已經係差唔多下畫四點。
叮叮叮…，電話收到唔少訊息，原來係姊妹群嘅問候，佢地都問我結果係點…
「呢兩個禮拜都未可以跳舞住…」「咁你咪好好休息下囉」「但好想返跳舞學校呀」係個群入面同姊妹吹下水，唔駛十五分鐘就返到屋企樓下，呼，返去嚕…
「樂盈」「嗯？」「你有咩開心唔開心都可以搵我，我真係24小時待命架」「噗…，知啦，我有咩野要幫手都會搵你」「不如…去食個下午茶？」下…
「Er，都可以嘅」比佢突如其來嘅一問，我好似個腦Hand左機咁就答應左。
係餐廳入面大家都望住部電話，好似一對陌生人食野咁，其實係諗緊有咩講…
「下次復診我陪你去」食食下野果陣，佢突然爆左呢句出黎，果日係放學後。
「我地放學時間都唔同，而且果日芝詩同麗晴應該得閒，我可以搵佢地陪我」我將成句野完完整整咁講比佢知，之後個氣氛好似好尷尬咁，我係唔係…
「唔緊要啦，你真係需要果陣早一晚同我講」之後佢拎左張復診卡影左兩三張相，仲見住佢係個手機日曆上面mark左「樂盈復診」四個字，好似提醒佢…
「點解…點解要對我咁好…」呢個時候我好奇心爆棚，即刻問左呢個問題…
「因為因為你係我仲意嘅女仔」佢怕怕羞羞咁講左呢句出黎，完全合乎性格。
「嗯，我飽啦，下次再見」唔知點回復佢嘅我，立即拎起枝拐杖想行返屋企…
「等我送你」呢個時候佢叫左埋單，而且放低左錢就支持住我行返去屋企。
「送埋你上去？」「嗯…」親耳聽到佢再講中意我果刻，個腦完全hand機…
「你休息下啦」砰…，佢送左我入屋之後就閂埋度門，個世界又得番我一個。
噗噗…噗噗噗…，個心不斷嘅跳動，令我知道我對呢個男仔嘅心意，係時候…
鈴鈴鈴…，電話嘅鈴聲打斷左我嘅思路，咦，係芝詩同麗晴嘅聯合來電喎。
「你兩個咁得閒打比我？」「岩岩呢…」麗晴講左岩岩佢望住影天扶住我返屋企，好似好sweet咁，係唔係拍拖…，Er…，我同佢…我同佢仲係朋友關係…
「咩呀…，我幾時同你地講我同佢拍拖？」我把聲不知不覺放到好大，連隔離鄰舍都可以聽到我把聲咁濟…，死啦…，咁講法，我個心好似仲跳得亂左。
「知啦知啦，係呢，今日發生左咩甜蜜事呀？」芝詩聽得出弦外之音，所以…
「范芝詩你係唔係想死呀」越黎越面紅嘅一路講一路係張床度轆黎轆去…
「呀…」想再炸死芝詩果陣，隻腳好衰唔衰咁撞左落張枱，好痛呀…
叮叮叮…，係呢個時候聽到手機收到三個訊息，咦…，影天佢影左咩比我？
「比你補補腦」What…，佢影左啲戀愛金句比我，仲要係sweet到爆果種…
「你…你…」一直係度打緊唔知咩，我個腦真係比佢搞到hand左幾次機…
「盈盈？」係耳機入面傳黎一把聲音，我先記得係同麗晴芝詩傾緊電話。
「係…」「你冇野呀嘛」「冇…，岩岩見到個訊息有啲唔知點好…」再係姊妹群度send左兩張圖上去，又有一陣騷動…，呢次電話團持續左差唔多兩個鐘…
「阿女食飯啦」係廳度傳黎媽咪把聲，再望一望電話，嘩，原來九點架啦…
「原來已經九點啦，我去食飯先」好快就掛斷左電話，再望到影天個對話框…
「我…我遲啲再答你呢個問題」佢應該明我咩意思掛…，依旋你阿哥想點…
食完個飯就返房慢慢溫書，仲有兩三日就要返學，咁我應該申請搭升降機定…
「媽咪，你可唔可以打返學校…」同媽咪傾左幾分鐘，就決定聽日打返學校。
「好啦，咁我訓先，早抖」好快就返到房做自己野，亦都開始準備返學要用嘅文具等等，直到差唔多十二點，大家都係群組度吹水，好似仲想約出黎添…
「你地想去邊…」「睇戲同掃街？」「喂芝士…」好似想反對都唔得，但係…
「聽朝再諗啦，我訓先啦」麗晴好快就下線，而各位都講左聲早抖，但係…
「冇問題，我會一直等你」呢個訊息突然出現係我眼前，影天你係度諗緊咩…