起舞吧!愛與舞蹈的感覺: 3
「好似係喎，但你唔可以排除依旋都係出於關心姐姐嘅態度而黎嘅」一路傾一路傾，到師傅叫我果陣已經差唔多係下畫三點，而睇完跌打都要返屋企休息。
「真係冇野做？，我唔想阻住你地喎」佢地又返左屋企陪我，搞到我好似一個要人嘅公主咁，同埋今日星期日，佢地唔係有好多節目架咩，做咩全部留低？
「你就當係我地想陪住你一日，唔駛驚煩到我地架喎」好快芝詩就復我嘅問題，而大家都黎左陪我玩Board Game，第一樣玩嘅係最易冇朋友嘅UNO。
「轉藍色…」「UNO」係全部人望住芝詩手上面嘅牌果陣，佢好快就講左聲。
「差啲可以野芝詩」「你地呀」好快就玩完左一關，而之後果關就好笑囉！
「Drwa 4」「Drwa 4」不停有加4出現，最後出左差唔多五張牌，幸運兒係我？
「害人終害己」大家都笑住咁望住我出牌，嘿嘿，你地今次仲唔死得！
「停」「Return」不停出功能牌，大家都好似冇得玩咁停哂出牌，直到最後…
「轉黃色，UNO」最後我手上面，得番最後一張黃色3仔，過哂全部人之後…
「轉…紅色」呀呀…，點解你要轉紅色，點解你要轉紅色，點解你要轉紅色！
「盈盈個樣好好笑」望到眼前嘅結果，唯有接受現實，向住疊牌上面拎一張。
「UNO」係我旁邊嘅依旋，好快就講左呢個答案出黎，我…今次唔通又要輸？
「再見啦盈盈」易愛出左三張功能牌，係…係…係…Drwa 2呀，不過我…
「Drwa 4」哈哈哈，我都有隻Drwa 4，唔駛輸，不過就可憐依旋要拎10張牌。
「UNO」見大家望住我張手牌，所以即刻大叫左可以做嘅野，呼，應該可以..,
「姐姐蝦我」依旋望住手上嘅十一張牌，慾哭無淚咁望住我地五個，Sorry呀。
玩左差唔多十分鐘都未玩完呢一關，直到最後，我地都攰到訓左係地下……
「嘩，究竟玩完未架，好攰呀」「你地唔再draw未玩得完囉」大家你一句我一句咁開始炮轟對方嘅行為，直到最後就爆笑咁完左今日嘅Board Game之旅。
「差唔多六點啦，你地係唔係要返去食飯？」叮…，媽咪又傳左個訊息過黎。
「呢兩日都要處理埋啲文件，準備星期二嘅旅行，所以你要食自己啦乖女。」媽咪嘅訊息去到呢度就完左，但係…我自己一個可以係樓下食咩呢？
「盈盈做咩呀？」大家都各自問緊自己屋企人今晚係自己食定同屋企人食，而芝詩send完個訊息就問我呢個問題，但…我唔想同依旋同影天食飯，應該…
「今晚要自己食」係姊妹群傳左呢個訊息，大家都好快復左我呢個問題。
「咁…黎我屋企？」芝詩收到自己屋企嘅訊息就復左我呢句，但我唔想破壞佢地嘅家庭樂，所以就拒絕左芝詩嘅提議，唔好彩嘅四姊姊都要返自己屋企食。
「你地走未？」麗晴一邊執野一邊問，睇黎佢屋企人催佢返去食，而大家都一邊執野一邊傾計，而我…就呆左係度唔知食咩好，不過依旋好似知道啲咩咁…
「樂盈姐姐不如陪我食飯？」依旋講左呢句出黎，而佢亦都展示手上嘅電話…
「今晚我同姐姐食飯，唔駛等我」呢一句，令我覺得依旋呢個妹妹知我諗咩。
「好」爽快咁答應左今晚食飯嘅邀請，而四位姊妹執齊野果陣已經自己走左。
「依旋你想食咩？」「5…，不如呢間，我想傾下計」同佢坐低左之後唔駛一分鐘就落左單，而依旋亦都望住我，心入面好似有千千萬萬個問題但問唔出口…
「做咩呀依旋？」「姐姐，我覺得我跳舞冇你咁好睇，琴日個表演唔係姐姐你帶住我跳根本冇果個水準」佢一邊講一邊拖住我，想喊想喊嘅樣真係想保護佢。
「傻瓜，老師揀得你做領舞就當然係有實力，你唔係每日溫完書就會去練舞？，呢樣野姐姐都做唔到咁堅持去練舞，剩係呢樣野你已經贏哂我地五個」一路分析比依旋聽一路諗緊我隻腳應該點算…，咁樣會唔會連旅行都去唔到？
「鰻魚飯」叫左嘅食物一路一路上枱，見到食物後嘅依旋心情終於好返少少。
「不如咁呀依旋，你跳舞有咩唔識就拎你問我，雖然唔擔保我一定識答」好快就令佞旋點頭稱好，而我地嘅話題亦都由跳舞變左做另一樣令我更尷尬嘅野。
「阿嫂，你想點復阿哥？」「喂…，佢咩表示都冇就想我應承佢？」呢個係我個腦入面諗到嘅答案，但就算佢真係有表示，唔代表我一定要應承做佢女朋友。
「阿嫂你話架，一陣就同阿哥講先」佢好快就拎左部電話出黎，打完一段字就send左出去，呼，總算暫時解決左影天呢個麻煩，但呢兩日都係收埋自己算。
「唔駛送我返去，夜啦，你都早啲返屋企」同依旋道別之後就一拐一拐咁返屋企，呼…，聽日就係第一日假期，係平安夜之後先再努力溫書都係太過份啫。
「我返黎啦」返到屋企第一件事就係入洗手間沖涼，之後就發現兩老仲未返…
「十二點都黎近，爹地媽咪仲未返黎？」係個心度咁諗果陣，電話就響起左通知，哦…，佢地兩個要係公司做通宵，聽晚先會返黎，星期二一早就上飛機。
「唔諗咁多，訓教」係個心度諗左呢句之後就上床，攬住個攬枕就訓著左。
「呼…，嘩，十一點架啦…，呀…」想落床果陣，一下疼感令我落唔到床…
「嘩隻腳咩事？」望住我隻腳真係好似變左豬蹄咁，琴日睇完醫生冇理由架？
「我隻腳呀😭😭」就咁將張相放左上群組，之後佢地都復左嚇死emoji，但…
叮噹…，過左半個鐘就聽到門鈴聲響，點都要用龜速去開門，來者正是姊妹。
「你地做咩上哂黎？」「見你隻腳咁點可以唔上黎陪你」大家都入哂黎我屋企，之後就一人一個擁抱，坐低食住芝詩買黎嘅零食，究竟聽日上唔上機呢？
「係喎，樂盈你聽日點去旅行？」「我都唔知，希望今晚會消腫啦…」係度一路祈禱一路同姊妹玩，直到差唔多五點幾就收到爹地嘅電話，想係尖沙咀食飯。
「好，咁半個鐘後見」同爹地約好會合地點，開始用隻腳果陣先發現冇咁痛。
「咁咪好囉，旅行小心啲，唔好變左個殘廢返黎」比芝詩毒舌左一下就笑左…
「知啦，等我換衫先」姊妹們等埋我換衫送我去巴士站，半個鐘就係爹地媽咪公司樓下，一路等一路睇自己係app到買左嘅小說，直到爹地把聲傳到耳邊。
「Sorry呀阿女，我地搞埋啲手尾遲左，隻腳仲有冇事？」「冇咩啦，岩岩睇緊小說炸嘛，我地去邊度食？」一邊問左爹地呢個問題一邊諗緊果度有咩好玩。
「不如一陣有咩想玩？」聽日就係旅行日，但係直到依家我地仲未plan行程…
「好呀，不過我想去呢度」岩岩就係手機上面搵左個地方，係我一直都想去。
「嗯,,,」爹地好快就記低係佢部電話度，之後就食左餐比較豐富嘅晚餐。
「阿女你執好行李未？」「岩岩執好，仲有咩要帶？」問左之後就執入自己個背囊，Passport，身份證，叉電器…，執左已經差唔多十二點，開始plan行程。
個半鐘之後，一家三口訓左係主人房嘅大床，直到另一朝電話嘅鬧鐘響……