起舞吧!愛與舞蹈的感覺: 4
「起身啦，差唔多要去機場」媽咪嘅聲音係我耳邊響起，我先發現已經夠鐘。
「係…」一路應住媽咪一路起身，呼…，隻腳好似冇咩事，應該夠去旅行。
係屋企出發去機場用左一個鐘，登機落機，去到大阪已經係下午時間，第一時間就去左酒店Check in，到附近閒逛，第二朝一早就去左哈利波特魔法世界。
「嘩，好靚呀」堝想黎呢度嘅我就即刻影左好多相，再同道具們都影左好多…
「差唔多時間啦，去第二度囉？」離開前都捉住爹地媽咪去手信店買啲野…
「5…，呢個芝詩好岩嘅，呀，呢個岩依旋呀」係度為自己嘅好朋友揀手信，之後見到個男仔用嘅野，個腦突然就彈左某個人嘅樣出黎，5…，冇事嘅冇事嘅。
「買齊啦，唔該爹地」好快就離開左魔法世界，之後就去左心齋橋觀光。
行左成日好攰嘅我地就係附近食左個下午茶，再去係附近一路行一路買野，好歡樂咁過左第二日，四日三夜之旅仲有兩日，而呢日…我地就去左環球影城…
影左好多相之後就係玩左一陣，再去黑門市場食左個好豐富嘅晏，再黎就係媽咪出手嘅時間，因為我地去左間好大嘅百貨公司，好似行極都行唔完咁…
「媽咪嘅戰鬥力會唔會太強…」望住眼前嘅媽咪，推住架車仔不斷周圍走…
「果邊有位坐，不如過去坐一陣先？」爹地望到附近嘅位置，就坐低左十秒…
「喂，你地兩父女過黎幫手睇下」冇錯，係十秒，因為媽咪嘅叫聲隨後就到。
「做咩呀老婆？」「呢個岩唔岩屋企用？」係我地眼前嘅一個高科技產品…
「…………です」係我地附近出現左一位售貨員姐姐，但我一個字都聽唔明，只可以憑佢最後兩個字知道，佢岩岩講嘅野已經完左，所以媽咪最後決定…
同個售貨員姐姐講完聲多謝之後就拎埋舊野離開左果個區域，轉戰食品部。
「媽咪想行到幾時？」我地已經係度差唔多兩個鐘，仲有三層未行，OH NO…
「我諗食晚飯之前都係度行…」爹地好似講左佢嘅無奈出黎，但係我地眼前呢個戰鬥力極高嘅媽咪，係唔會理我地嘅辛苦，一路戰鬥一路戰鬥，直到五點…
「終於行完，收獲豐富」係眼前係三架載滿野嘅購物車，而爹地就含淚埋單…
「今晚就食呢間」其實大家都攰，所以就揀左間附近嘅黎食，唔講唔覺，就算係邊間餐廳或者居酒屋都好，係日本好似搵唔到一間你會覺得唔好食嘅舖頭。
「岩岩啲野呢？」「我揀左送貨去酒店，聽朝就會到」好快就食完成餐飯，最後就係計劃下聽日嘅行程，呼…，咁快就要返香港，返到去一定要努力練舞。
係個心度咁同自己講完就訓著左，而第四日嘅行程好簡單，就係附近食同買…
「下畫五點機，買完食埋晏再番黎執野Check out」爹地咁講完就出左去食早，咁岩撞到個好熟悉嘅人影，原來係琴日間百貨公司嘅職員…，嘩，三大箱野？
「一陣間寄倉啦，返到去的士返屋企」爹地好快就搵左間車仔返黎，而今朝早嘅行程真係好簡單，簡單到我連買左咩都唔記得，只係知返香港果程好好訓。
「呼，終於返到黎屋企」叫左一聲之後行多兩行，隻腳真係鬆哂，聽日練舞！
叮…，手機嘅通知聲呢個時候響起，嘩，原來大家今日約左出黎食野架？
「搞錯，引我😖😖」「嘩，係盈盈呀」大家好似驚訝我返左黎咁嘅？
「你地唔知我幾點機咩😡😡」Tag返個訊息出黎，轉頭就唔想理班姊妹住。
鈴鈴鈴…，電話響起左熟悉嘅鈴聲，打黎嘅係麗晴，依個時候搵我做咩呢？
「樂盈你依家得唔得閒？」「得呀做咩？」「不如黎依旋屋企呀」同麗晴傾左幾分鐘就比佢拉左我去依旋屋企，佢地搞緊派對…，咦，主題係歡迎返黎？
「你地搞咩？」「雖然盈盈你係旅行完返黎，不過都值得慶祝下嘅，唔好講咁多，過黎食野啦」芝詩好快就捉住我埋社食野，過左個好快樂嘅夜晚…
「呀…，你地啲手信放左係屋企…」依家先記起成袋手信仲係個箱度未開過。
「唔緊要啦，我地仲會見架嘛」芝詩好快就幫我呢件事拋到腦後，繼續慶祝。
叮…，手機收到老師嘅通知…，吓，聽日跳舞室唔開…，等我仲想練舞添…
「姐姐做咩咁嘅樣？」依旋突然走到我身邊問左一句，我就比左個訊息佢睇…
「咁就岩啦，我都想跳下舞，不如姐姐你聽日過黎一齊練，阿哥得唔得呀？」依旋講完呢句之後就問左自己阿哥一句，而影天當然冇問題咁點頭。
「咁姐姐你幾點黎到？」「5…，大約十二點？」我都唔知自己會懶床懶到幾點，所以中午時分比較好，之後就同依旋約埋時間，好快就離開劉家大宅。
「你地聽晚有咩做？」大家都係條街度傾計，一路傾一路行返屋企，而最後…就約左聽晚出黎玩…，咦，原來聽晚已經係平安夜…，Oh NO，咁聽日咪…
係個腦諗緊聽日有咩要注意，媽咪就係廚房叫左我一聲，原來係冇哂豉油…
「我落去買」好快就換好衫，落去執行自己嘅任務，但係呢個時候就撞到佢…
「樂盈？」「我落黎幫媽咪買野，冇咩事我都係走先」好快就離開左佢視線，呼呼呼…，好彩冇係佢面前有咩問題啫…，聽日…聽日應該點面對佢好？
比左枝豉油媽咪，好快就返房睇下應該有咩要注意，同埋搵姊妹們比意見。
「傻架你，聽日自己一個去，叫埋我地呀嘛」「聽日下畫我唔得，你加油啦盈盈」好快就約定左姊妹嘅動向，亦都為自己打扮一下…，雖然練舞係另一件…
「阿女，你後晚得唔得閒？」「得呀做咩？」爹地又問我時候，最後落實左星期五約親戚食飯…，呼，下學期開始之前可唔可以比自己一個休息時間呢？
食完飯係房咁樣一路諗一路諗，個人唔經唔覺就訓著左教，直到第二朝天光…
「阿女早晨」「咦，媽咪你唔洗返工咩？」「老闆話比我抖下喎，不如陪媽咪食早餐？」「嗯」回應左媽咪後就去左路德圍果邊食早餐，亦都傾左陣Gril Talk。
「今晚唔洗煮我飯啦，一陣約左班姊妹去玩同食飯」咁樣同媽咪講左聲就出門口，雖然話係跳舞，但都應該要有一定嘅熱身先得，所以十一點半就到左……
「姐姐你黎啦，入黎先」依旋一身睡衣裝示人，好快就返左房換返跳舞衫。
「依旋你搞掂就開始先，我想熱一陣身」傾下傾下，另外三姊妹都到左。
「咦，原來你地都黎」「係呀，見好耐冇做過運動咪黎囉」大家都用眼神流左一啲信息，而呢個練習維持左三個鐘，同我地平時嘅跳舞堂時間差唔多。
「依旋，依度可唔可以沖涼？」「可以呀，管家…」依旋好快就安排左我地去沖涼房，而我地啲衫就交左比工人去洗，走之前就已經可以拎返，好方便囉。
「我地好似冇傾過係邊度等？」離6點仲有兩個鐘，依家先諗起呢個問題。
「我搞掂啦，係邊度搵你地？」芝詩嘅訊息突然出現係電話上面…