起舞吧!愛與舞蹈的感覺: 2
「爹地媽咪」「阿女你食左飯啦？」「係呀，岩岩同芝詩食完飯」同兩老一邊閒談一邊行返屋企，而呢個時候手機不斷嘅震動，返到屋企先發現有廿個訊息…
「聽日加油」第一個係影天傳黎叫我加油嘅訊息，其他就係姊妹群嘅閒談…
「聽日就係匯演，姊妹們加油！」「樂盈你小心啲隻腳呀，聽日完左去睇醫生」芝詩無啦啦爆左我個秘密出黎，其他兩姊妹聽完就係咁問我發生咩事…
「冇事，你唔好嚇襯佢地啦芝士」為自己搵窿之後就去左沖涼再上床玩電話。
差唔多一點鐘對眼已經自己合埋，好快就到左另一日嘅十點，電話已經冇電…
叮叮…，個電話開番之後就一陣又一陣叮叮聲傳到耳邊，之後就係有人打黎…
「樂盈，你去左邊呀？」芝詩嘅聲音好快就係耳邊響起，我仲以為發生咩事。
「下，我咪係屋企囉，兩點集合綵排呀嘛」「我話琴晚呀，WhatsApp你又唔復，電話又唔聽」「一點幾果陣訓左嘛，之後電話自己熜左機」同芝詩傾左差唔多十分鐘就梳洗同落樓食早餐，好好享受呢四個鐘Me Time，不過撞到依旋…
「依旋早晨」「姐姐早晨，一陣大會堂見」佢好快拖住影天行左去，好似有野做咁跑去自己屋企嘅方向，之後我都冇理到佢地，好好咁行下成個海之戀商場。
「呼，嘩，十二點架啦，返屋企執野行過去啦」同自己咁講之後就到屋企執齊野到大會堂集合，集合完就為自己個傷調整一下，嗯，今晚要有最好嘅發揮。
「Good Afternoon Girls，今日係我地嘅大日子，照平時咁發揮就得，依家大家試下個場先」老師好快同我地開始試場，試聲，試燈光，務求今晚有完美表演。
「樂盈你要放鬆自己，唔好比自己太大壓力，你做到嘅」老師係空閒嘅時間走過黎同我講，但係…我果陣已經緊張到唔識諗任何野，只係緊張自己嘅表現。
「照平時咁做就得架啦樂盈，唔洗驚，唔洗擔心」四位姊妹都係旁邊支持同鼓勵我，而依詩亦都係旁邊好似開籠雀咁講野，搞到我都唔知尷尬定好笑好。
「笑番先似我地識果個樂盈架嘛」「喂，即係話岩岩你唔識我？」聽到芝詩果句真係笑左出聲，同呢班姊妹一齊真係好開心，希望可以一直行落去。
「樂盈，老師叫我地」芝詩講完我地就行出去，易心同樂愛就做左加油手勢。
經過大約半個鐘嘅排練，對今晚嘅表演都多左信心，希望唔會令屋企失望…
「今晚good show」大家幫大家打完氣之後就出左去食飯，為求最佳表現。
「今日唔好食太多，不如就呢間？」其實我地七個人坐左張大圓枱，傾番岩岩嘅表現有咩好有咩唔好，好快就食哂叫左嘅食物，離總召集仲有一個鐘…
「番去拉下筋熱下身，今晚good show」番去之後就要開始換衫set頭，搞搞下已經冇左半個鐘，今晚嘅司儀已經講緊開場白，準備迎接第一隊BB嘅表演。
「佢地好得意呀」「阿嫂，你會唔會想生番兩個？」呢個時候依旋爆左呢句出黎，姊妹們聽到都望左我兩眼…，咩…咩…咩呀，我…我幾時做左你阿嫂…
「咩…咩呀嫂呀…」我面紅紅咁回答左依旋，佢就一面問號咁望住我，喂呀！
「易心、樂愛」係遠處有把女聲叫住易心同樂愛，十五分鐘後就係佢地主場。
「你幾時先肯接受阿哥呀」依旋係我耳邊問左呢個問題，但係我都唔識答…
「唔好諗住啦樂盈，今晚要good show」聽到問題嘅芝詩好快就幫我解左圍。
「高級二班」一個工作人員叫住我地班名，呀，係時候要熱身啦。
「good show」係臨出場之前都想大家振奮一下士氣，所以係後台輕輕叫左聲！
「岩岩嘅表演好精彩喎，快樂不知時日過，去到最後有請高級二班嘅同學…」司儀叫到我地班名嘅時候就已經開始出神，音樂響起，我隻腳就開始郁……
係平排視覺果度，我見到媽咪同爹地，佢地兩個拎住部相機係度不斷咔咔咔…
跳到一半，我隻腳開始有痛感出現，死，係唔係果個位已經頂唔順？，唔得…
勉勉強強支持到結尾，但我已經大汁疊細汗，再唔休息下雙腳應該會頂唔順…
「good show呀各位」老師表演完就入左黎排練室鼓勵我地，我就開心加痛…
「盈盈你冇事呀嘛，岩岩跳到一半你好唔自…，嘩老師」芝詩係我隔離望住我除左對鞋，再除走隻物，隻腳已經唔知係咩時候有一大片紅腫，有啲似豬腳…
「樂盈你行唔行到？」「嗯…，今日我爹地媽咪都黎左，一陣可唔可以麻煩芝詩你送我返去？」講出屋企人黎左嘅消息，係希望佢地可以避開兩老嘅耳目。
「但係你咁嘅情況，係唔係通知佢地你接你返屋企比較好？」「唔好…，我唔想之後都跳唔到舞」好快就講左個原因出黎，希望芝詩可以明白我嘅心情。
「我知啦，易心、樂愛你地都黎幫手」「今晚大家都攰，下次排練係聖誕後」老師講多左一句就放左我地返去，而我地五姊妹加上依旋姊妹八個去左食飯…
「慢慢…」「聽日洗唔洗陪你去睇醫生？」坐低左之後芝詩一路望電話一路講。
「好…」一路諗緊我個旅行一路答住姊妹嘅問題，旅行旅行，下個禮拜就啦！
「呀，好想去旅行呀」係佢地面前開始發起煩功，希望佢地開解下我。
「唉呀，做咩今日咁麻煩架盈盈」講左差唔多半個鐘，佢地開始嫌棄我啦！
「哦，好囉，聽日唔好見啦」食完飯之後我自己一個慢慢拐下拐下咁返屋企。
「我返黎啦」返到屋企，爹地媽咪兩個好開心咁係度睇緊我跳舞嘅相…
「阿女，做咩行路拐下拐下？」「冇，岩岩興奮得濟扭襯，聽日會去睇醫生架啦」同媽咪交待左一聲後就行左返房，望住電話卻發現姊妹群一個訊息都冇…
「搞錯呀，聽日自己去睇醫生算…」自己的咕一陣就行去沖涼，轉頭就訓著…
叮噹叮噹…，一陣又一陣嘅門鐘聲傳到耳邊，呢個時候兩老都應該去左返工。
「邊個呀？」拐下拐下咁去開門，眼前見到嘅就係四姊妹另加一個依旋。
「你地黎左嘅，芝詩你唔係要補習咩？」「你傷左咁慘咪黎陪你囉，快啲去刷牙洗面啦，gogogo」呢個過程都唔駛三分鐘，但係我個心已經甜到唔駛落蜜糖。
「去睇跌打定去醫院？」「盈盈呢個情況都係跌打穩陣」好快到左附近嘅跌打館，不過排隊都要下畫先有得睇，唯有去食個飯先再返黎。
傾左十五分鐘應該食咩好，之後決定都係食開嘅韓國野，傾左差唔多一個鐘。
「我陪樂盈得啦，一陣黎搵你地」麗晴呢句打發左其他三位姊妹同依旋。
「好啦，依家得我地兩個，有咩唔怕講喎」「吓」比麗晴咁問，我突然都唔知想講咩，其實…我係唔係真係有野想講，定係麗晴本身有啲野想知？
「係唔係咁唔坦白呀，影天喎」一講起呢個人名，就已經知道麗晴想問咩。
「做咩而講佢…」「咁依旋都做咁明顯，同埋今日黎陪你，應該係阿哥嘅主意」麗晴咁樣講一講，我都覺得依旋今日黎嘅時間真係捉得太準，會唔會係咁？