起舞吧!愛與舞蹈的感覺: 6
「但係香港…」媽咪第一個出聲，但其實都已經靜左差唔多成分鐘先出聲…
「我知香港係冇發展，但我真係好仲意…」我都知香港得一間APA可以讀。
「樂盈，如果你到中六都仲可以堅持到跳舞同讀書就比你去讀，你覺得點？」爹地好快就提出左呢個方案，即係黎緊呢三年我都要跳舞同讀書兩邊兼顧。
「冇問題」聽到爹地咁樣講之後我真係成身鬆哂，之後當然係同姊妹講啦。
「你決定左繼續要跳舞？，好辛苦喎」「冇問題喎，我仲兼顧到」「姐姐，呢題點解？」係呢個時候就收到依旋嘅訊息，當左我係24小時功課輔導熱線。
「呢個…」一邊答佢問題一邊諗緊星期一至五點樣分配時間，真係搞得掂？
好快就過左星期六日，同樣都係溫書之中渡過，呼，希望中四至中六冇事啦…
考試前嘅兩日，我地都爭取時間讀書問書，成班嘅氣氛好緊張，點知突然間…
砰…，一下好大嘅墮地聲，係我面前兩個位嘅同學突然暈低，成班都嚇一嚇…
「快啲搵老師」班長好快就反應過黎，而其中一位同學走去搵老師。
「放低佢先」一位好似係紅十字會嘅同學就拎左啲工貝過黎，個同學醒返。
「冇事呀嘛？」「我…我冇事」佢慢慢講左呢句出黎，而老師係呢個時候到左。
「同學，你冇事呀嘛？」「Miss Chan？，我冇事啦，差唔多上堂」「你跟我去一去醫療室先，班長」老師同班長交待左一聲之後就帶左個同學離開班房。
「岩岩咩事」之後果堂嘅老師見到呢個情況都問左一問，冇事就繼續溫書。
鈴鈴鈴…，落堂嘅鐘聲響起，我地去左食飯，之後就撞到麗晴同佢嘅同學。
「麗晴」「咦，不如一齊食？」同佢嘅同學講左一聲就六個人一張枱。
「我叫凌梓恩，係麗晴同班同學」大家介紹左自己就開始傾計，又幾岩傾喎。
「一陣黎唔黎溫書呀麗晴？」「當然啦，係唔係都係樂盈屋企等？」大家約好左放學嘅活動後就解散，我地番到學校果陣就見到果位女同學嘅屋企人。
「Miss咩事？」突然比老篩招手招左過去，好似因為今日件事家長黎左學校。
「樂紫儀同學要早退，一陣同點名老師講番，唔該你呀樂盈」老師交待左一聲之後就離開左，我呆呆咁望住果位同學，佢好似好攰咁攬住個書包。
「紫儀你冇野呀嘛」「樂盈？，冇咩嘅，岩岩嚇親你地真係唔好意思」「傻架咩，你番去抖下先，有咩功課上你都可以問番我，聽日見」同佢講左聲之後就番左班房，嘩…，其實岩岩都真係幾驚，仲以為佢會有咩事發生。
鈴鈴鈴…，上堂鐘聲終於響起，同老師講完之後就一直聽書聽到放學為止。
叮…，離開學校果一刻，手機上就收到個訊息，嘩…，影天佢搞咩呀…
「你係邊，好想見你」「WOWWOW」芝詩係我隔離睇完個訊息就大叫一聲…
「嚇死人咩芝士…」「咩喎，見到啲咁嘅訊息一定會有呢啲反應架啦」芝詩好似冇錯咁答左我一句，之後我地都慢慢行去我屋企，隔多十分鐘就聽到門鈴聲。
「我黎啦」麗晴好似小妹妹咁跳入黎，而跟係佢後面嘅係今日食飯見到果位。
「大家好，介唔介意我加入你地？」「當然冇問題啦」大家接受左之後就一齊溫書，有咩唔識嘅就拎出黎傾，好似成個溫習小組咁，直到門口有開鎖聲音。
「嘩，咁晏啦？」芝詩講左呢句出黎，佢地開始執野，媽咪係呢個時候返黎…
「原來你地都黎左，食唔食飯呀？」「我地走架啦」佢地執完野就走左去。
「阿女你溫成點？」「差唔多啦，爹地呢？」「佢仲做緊野，今晚得我地兩個食」媽咪咁樣講完之後就叫我換衫，落左樓下食飯，順便黎個Gril Talk。
同媽咪傾完計返到屋企都已經十一點，好快就到左星期三，考試開始當日…
「呼…，今次應該冇事」望住眼前份卷，咁樣同自己講左聲，好快就做完再到下一科，差唔多一個禮拜嘅考試，完左當日就係芭蕾舞練習，星期六就表演。
「歡迎大家返黎練習，星期六就係我地嘅周年表演…」聽到呢度就已經諗緊一陣嘅動作，希望只係一個禮拜冇練，仲會記得八九成就好，呼，高樂盈加油！
「樂盈同依旋你地要配合多啲，呢part黎多次」老師嘅指導下呢部份嘅合拍係提升左，只係同依旋好似有啲野唔夾…，唯有完左練習再同佢練多兩次。
「休息十分鐘」依旋聽到呢一句之後就跑左出去，好似係去洗手間…
「依旋」「姐姐？」「一陣落堂你得唔得閒，想同你夾一夾」「好…」佢拋低左呢句之後就跑左去洗手間方向，而芝詩同麗晴都走過黎問左兩句，繼續練習！
「今堂係咁多」老師講完呢句大家都開始執野，而我同依旋就係度夾緊舞…
「樂盈依旋，你地仲練？」「我地要夾多陣先，你同芝詩走先」就咁同姊妹講完之後就開始同依旋嘅練習，老師都有在場指導，直到影天走入黎排舞室…
「依旋，你仲要練？」「呀，唔記得左阿哥你黎添，等多我十五分鐘」依旋同阿哥咁講完就繼續練習，直到我地兩個都攰到攤係地下，抖一陣就去左換衫…
換完衫望一望電話，原來爹地媽咪兩個今日又要做通宵…，唯有自己食自己。
「姐姐你想食咩？」依旋咁岩望到我電話嘅訊息，就咁問左我一個問題…
「Er」突然間都諗唔到有咩想食，影天就講左間餐廳名，所以我地就去果間。
「你地望下餐牌先」「阿嫂你想食咩？」依旋係我耳邊講左呢句，我就望住影天，一啲都望過餐牌，差唔多成餐都係依旋叫嘅，呼…，終於都可以休息下…
「姐姐你食呀」練左三個半鐘嘅依旋仲咁好精神，仲可以幫我地分野食…
「依旋你唔攰架咩？」「嗯？，少少啦，今晚仲可以拉下筋」聽到呢度，我就知道點解依旋仲可以咁精神，可以追到我嘅進度，睇黎我都要好好咁拉下筋！
「我地星期五見」呼…，星期六就係表演，所以星期五加練左一節，咁聽日…
「呀…」行返屋企嘅途中就感覺到自己對腳痛一痛…，唔會嘅，唔會嘅…
一路同自己咁講住一路行返屋企，到左屋企樓下終於都鬆返冇再痛，但聽日…
叮…，升降機到就聽到有人叫等埋，而把聲就係媽咪，咦，已經十點架啦？
「阿女咁夜嘅？」「岩岩練完舞咪同同學食埋野先返，工作順利嗎？」就咁傾到返屋企，我隻腳終於都冇咁痛…，睇黎一陣點都要做多啲拉筋，頂埋星期六。
拉左半個鐘筋就覺得攰，又出左一身汗，唯有去沖多次涼就係床上面訓教…
鈴鈴鈴…，星期四係一個特別假期，本應可以訓到好晏，點知芝詩一個電話…
「死芝士，咁早打黎做咩？」「仲早，十一點啦盈盈…」佢之後講嘅野我都聽唔明，只係係睡意間聽到一兩個字，之後就話十二點係樓下食住飯傾，一個鐘…
「隻腳好似冇事，應該係琴日太攰姐」行左兩步之後就覺得係咁，所以好快就落左樓，同芝詩會合…，咦，原來麗晴佢地三個都係度，其實係咩事呢？