起舞吧!愛與舞蹈的感覺: 5
「我一陣答你」係群組度咁樣復左芝詩，差唔多半個鐘就番左房繼續溫書。
星期二同星期二嘅課堂都冇咩特別，只係開始幫我地溫考試，越黎越多野…
「樂盈，一陣放學你得唔得閒…」女同學為主嘅補習班要開始，放學時間…
「今日要跳舞喎…」叮叮…，跳舞班嘅訊息…，吓，考完試就係表演啦喎。
「做咩呀樂盈，你睇完個訊息就呆左？」「吓，呢個時間黎停排一個禮拜？」芝詩望完個訊息都呆左，而麗晴呢個時候仲係上緊堂所以仲未知發生咩事。
「得唔得呀樂盈」其他女同學仲係望住我，好似想我呢個學霸傳功力比佢地。
「可以嘅，但一陣係邊度溫書？」「係課室得啦，咁一陣放學係度等」帶頭果位同學一槌定音，就咁約成左我地嘅溫書之旅，而呢個時候依旋同佢啲朋友…
「姐姐，你有冇睇到群組訊息？」「嗯，做咩呀」依旋已經撲左落我度，佢兩個朋友慢慢走左入黎，好似有所求咁…，吓…，你地都想要一個溫習小組？
「不過我岩岩應承左同班同學一齊溫，咁樣…」「咦，你咪F1果個依旋，做咩呀？」岩岩帶位果個同學向依旋問道，而佢地交代清楚之後就話可以一齊溫…
「湘芝真係冇問題？」問左岩岩位朋友，佢就話可以識多啲朋友冇壞…
鈴鈴鈴…，食飯鐘聲響起，係呢個時候check返電話，麗晴岩岩係群組講…
「冇辦法啦，間間學校都差唔多時間考試，你地放飯未？」「放啦，你想一齊食？」麗晴學校隔我地幾個街口，所以我地就約左係中間果個商場度一齊…
「C1，5位」五姊妹就去左間韓式野度食飯，同傾下遲啲嘅表演應該點好。
「依家仲有兩個禮拜就要表演，但好似咩都冇排過咁」「唔緊要，我地應該兩日就可以排好，麗晴你幾時考完試？」大家好似傾閒計咁不停傾，直到打鐘前…
「嘩，差啲遲到」「同學你仲係度做咩，快啲返課室」訓導主任就咁趕左我地返課室，而放學時間轉頭就到，我地一行六個人就砌左啲枱做一個小組討論形…
「姐姐？」「黎啦，入黎啦」等依旋佢地到埋之後就開始嘅溫習小組，其實用意係解決佢地係溫習上面或者聽書上面遇到嘅困難，就咁都用左成兩個鐘。
「嘩，明哂，唔旋樂盈」「盈盈姐姐」依旋就係呢個問左我一個比較難嘅問題。
「你自己解唔解到一半？」用左兩分鐘問左佢呢個問題，佢就點點頭。
「做一次比我睇」好快就睇住佢做，但去到尾三果部就停左落黎。
「去到呢度」問左佢困難嘅地方就引導佢一路做一路解決問題，用左十分鐘…
「其實樂盈你有冇諗過做老師？」同班嘅同學好快就問左我呢個問題，其實…到呢一刻我都仲未知自己想點，自己對自己前途仲係一臉迷茫。
「呀，有冇人記得學校咪話有生涯規劃架咩，不如我地聽日去諮詢下囉？」芝詩呢個時候提出左呢個唔錯嘅方案，大家都同意，而且都攰所以就離開學校。
「咦，樂盈同芝詩你地仲係學校嘅」「今日唔洗練舞咪留低溫書，老師你仲未走？」「差唔多啦，但點解你地好似好煩惱咁？」將岩岩嘅題目同老師分享左之後，佢就比左啲意見我地，叫我地今晚搵左資料再同規劃師傾下，嗯，咁呀…
「想做嘅職業？」係度問緊自己個心，阿媽叫我都聽唔到，之後就問我咩事。
「係度計劃緊將來炸嘛」係度諗緊點同姊妹傾呢單野，咦，呢個課程幾好喎。
鈴鈴鈴…，第二朝一早，我比個鈴聲整醒左，嘩，芝詩打黎做咩？
「芝士做咩？」「我諗左成晚都唔知點做，有冇時間傾下？」「岩岩起身炸，等我十分鐘」快快手換好衫同芝詩傾住電話行返學校，係門口就撞到易心。
「易心」「盈…盈」易心應我嘅聲完全係冇心機，芝詩岩岩係門口拍左我一下…
「芝士」「易心你做咩咁down…」「我都未搵到想做咩，點算…」「一陣搵老師諮詢下先啦，反正仲有三年」同易心一路行一路返課室，之後老師就到課室。
「黎緊就係考試，之後就係開始準備揀科」老師一路講一路派模擬揀科表…
「係喎…」芝詩係我隔離講左呢句，而我讀咩都冇所謂，因為我想繼續跳舞…
「好，琴日」開始左班主任課，而全日做緊嘅都係考試前復習，大家都好攰…
「Goodbye Class」最後一堂嘅英文堂終於都上完，之後到我地約左嘅規劃師。
「邊個先呀？」「盈盈先啦」四個人企左係門口再決定邊個入去，到最後就…
「高樂盈同學？」「係」「坐低先」慢慢咁了解左我想做咩之後就同我搵資料…
「想做舞者嘅呢幾間學校都岩你，香港發展太細…」一路講住我琴晚搵到嘅答案，但…我唔想離開屋企人，唔想離開香港，仲有一班好姊妹係度…
「好啦，你仲有冇其他問題？」「冇啦，唔該」講完呢句就離開左面談室。
「到芝詩啦」佢地兩個就推左芝詩入去，之後就捉住我係度問岩岩傾左咩…
「咁盈盈你嘅意思係點…」「我暫時都想係香港讀，但舞蹈呢科真係…」將琴日搵到嘅資料同佢地講一次，以我嘅學科成績去邊讀都冇問題，所以就…，嗯。
鈴鈴…，手機響起左為媽咪設定嘅鈴聲，依個時間打比我嘅，唔係有咩事呀？
「媽咪？」「阿女你仲係學校？」「係呀」「我同你阿爸今晚要係出面做野，一陣你出黎尖沙咀食飯好唔好？」傾左大約十分鐘，芝詩出左黎就到易心入去。
過多三十分鐘樂愛都係出埋黎，四姊妹一路行一路傾，直到麗晴嘅電話…
「麗晴？」「你地係邊呀，唔係約左去樂盈屋企架咩？」「有…係喎」約左五點係樂盈屋企傾計，點知我地完左都五點十五分，所以大家都跑去我屋企。
「我今晚會出去食飯，不如一路做功課一路傾？」大家都同意左我嘅提議，之後就一路做功課一路傾計，再黎就係溫書，得番唔夠兩個禮拜炸…
鈴鈴…，芝詩嘅電話響起，望左一眼係佢媽咪打黎，我諗係叫佢番去食飯。
「嗯嗯，我依家番黎」叮叮…，一路聽住芝詩傾電話，其他三個都收到訊息。
「我都要番去啦」大家都講住差唔多嘅說話，望望時間原來都已經七點半…
「好啦，聽日見」話咁快就到星期五，大家都好唔捨得咁道別，係呢個時候…
「盈盈，我同爸爸差唔多搞掂，你依家出定黎尖沙咀，係我地公司附近等」媽咪一句話就係我換衫嘅時候，之後就到左尖沙咀站，慢慢行去佢地公司樓下。
「阿女」「媽咪爹地」唔到五分鐘嘅時間就見到兩老落黎，好快就行去食飯。
「差唔多考試啦喎，阿女你掂唔掂架？」「嗯，岩岩學校仲派左選科表，仲頭痛緊」係我考慮範圍嘅都係理科，文科黎講我唔太想背野，所以就向兩老提出…
「讀理科唔錯」兩個都讚成左，但再傾落去就係大學嘅選擇，咁我應唔應該…
「其實…」我講啲唔講啲，其實我都仲未知自己係唔係真係想讀跳舞，但係…
「我想讀芭蕾舞」一分鐘後我都係講左出黎，唔理兩老係唔係支持我嘅想法！