那天放學後，我撞見有同學在學校後樓梯敦倫: 89 - 紙皮箱

「點解咁講呢黃逸軒？」

「件事一定冇咁簡單。點解我哋要局限喺籃球隊嘅名單入面捉人。或者咁講，點解買煙或者食煙或者買煙嘅唔可以係籃球隊以外嘅其他同學。」

「係喎。」

「仲有一個可能。」

「係咩可能呀啊方？」





「唔一定係同學㗎嘛，點解唔可以有老師參與？」

「我唔會排除呢個可能性啦，但係要有證據至好喎。」

「黃sir上堂親口講㗎，學校入面有啲老師食煙。」

「吓？係咪即係唱一人之境嗰個。」

「係呀。」





「唔理啦，夜啦，今日講住咁多先。」

第二天小息時間開始後，我和阿方到了天台。

「喂，國鋒，我哋要喺度睇下佢哋搞咩都要搵個位，而家邊叉度有位。」

「抬高個頭。」

「做咩呀，今日唔曬喎，仲有啲風添，幾好。」





「妖，我係講緊見面個天臺呢度有個水箱，我哋爬上去好唔好。」

「爬上去係咪就睇我哋唔到？」

「唔知呀。阿方，我哋爬到上去之後趴低，咁應該難啲見到我哋。」

我們透過小型樓梯爬了上水箱頂部，然後趴在水箱上。

在蹲點途中，我詢問了阿方：

「有冇聽過藍可兒事件？」

「冇。」

「搞錯呀。」





「咩事件嚟㗎？」

「大概係個cctv影到呢一個女仔喺入𨋢之後做咗啲詭異嘅動作，然後就喺閉路電視度消失咗。冇人知佢去咗邊，直到幾十日之後佢個屍體喺水箱入面畀人發現。」

「屌，唔好講落去喇，好撚恐怖。」

「唔係呀，嗰陣時啲酒店住客話啲水喉水同沖涼水怪怪哋...」

「shhh...樓梯嗰邊有小小聲。」

劉朗然走了進來天台，身後還有許多看似是籃球隊的隊員。

然後最後進來的四個籃球隊隊員抬了一個紙皮箱進來。





紙皮箱為什麼會無緣無故出現在天台？究竟是什麼葫蘆賣什麼藥？

劉朗然打開紙皮箱......

ig: marx_ice_