那天放學後，我撞見有同學在學校後樓梯敦倫: 88 - 久違再聚
「芊芊...」
我擁抱着她，任由她在我的懷中哭泣。
「妳唔使擔心我會怪妳，因為妳先係受害者。」
「我好驚...你會唔要我...」
「唔會，首先冇人想件事發生，仲有宜家係廿一世紀嘅香港，唔會名譽處決或者活火燒死。宜家情況好危險，因為佢有妳把柄，所以佢有籌碼。」
「咁點算。」
「我好鐘意一套劇：美劇<紙牌屋>。入面講述嘅係主角點樣不擇手段去奪出權力，再講述點樣濫權去保住權力。知唔知我見到宜家呢個情況，我諗起啲咩？」
「但係，我哋有咩可以做啊，你都識講啦，籌碼係佢度，個局面好不利喎。」
「所以，我諗起主角法蘭克•安德活特(Frank Undereood)所講嘅臺詞：If you don’t like how the table is set, turn over the table.」
「即係？」
「主動出擊改變局面。君子報仇，十年未晚。我哋需要扮冇嘢、沉住氣，然後......」
「然後任由自己俾佢羞辱？」
「我哋搜集佢違規嘅證據，我哋有籌碼先改變到局面。」
「違規？」
「之前台長有提出過佢嘅一啲猜測，要做嘅就係搵罪證。」
「好。」
...
xxxxxxxxxxxxxxxxxxxxxxxxxxxxxx
第二天上學的路上，我迎面碰上一個熟悉的老友。
「國鋒！」
「阿方，咁啱啊，咁早嘅。」
「我都唔知。我今日竟然早過個鬧鐘響就起咗，我自己都覺得難以置信。」
「Oh my god，奇蹟啊。」
「係喎，你氹返阿嫂未？」
「冇事喇。」
「咁至係㗎嘛。」
「係喎，有啲嘢想拜託。」
「咩事，喺我能力範圍之內嘅我一定幫手。」
「你知道邊個係劉朗然？」
「梗係知啦，串柒柒嘅死煙剷。」
「我同子芊準備收集佢嘅罪證，然後一嘢送佢落去，可唔可以幫下手。」
「嚟硬，預埋我。」
接下來，我也找了黃逸軒，他也決定仗義幫忙。而阿方也找來了袁世傑，原因是因為袁世傑在幾天前的比賽無端被劉朗然拔除了正選，對其心生怨恨。
就這樣，我們在這天放學後到多媒體室開會。
「嘩，我哋幾耐冇上過嚟一聚。」
「上次應該係社運喇阿方。Anyway，我哋要搵出大家會喺學校邊度食煙先。冇location，咩都做唔到。」
「係喎國鋒，記唔記得我哋上次喺學校廁所發現咗啲乜。」
「梗係記得啦黃逸軒，廁格入面有煙頭。」
「即係廁所係一個地方啦。」
「仲有冇其他地方？」
「天台。」
「點解咁講呢袁世傑。」
「有時籃球隊集訓之後我問佢哋去邊，佢哋都話去天台，九成係放煙break。」
「好啦，咁聽日我同阿方親自去視察一下天台。暫時大家知唔知道有啲咩人會買煙？」
「我可以畀個籃球隊嘅list你，但係你畀一晚時間我。我mark低邊啲有食煙，邊啲冇，邊啲uncertain。」
「好，麻煩曬喇袁世傑。」
「國鋒，我覺得你局限咗自己個範圍。」
ig: marx_ice_