那天放學後，我撞見有同學在學校後樓梯敦倫: 90 - 可能性

煙？

紙皮箱中有一盒盒的東西，然後劉朗然從箱中拿出它們。

「你哋包煙喺度，每人二十蚊。」

然後，大家也排着隊向劉朗然付款。

很快，學校天台變成了大型的吞雲吐霧現場。





我摙著自己的鼻子，希望自己不要發出任何聲音。

這個場面真壯觀，但我完全不明白為什麼這個場面會在學校內出現。

過了十分鐘後，大家都離去了。

我和阿方爬起來，坐在水箱上談話。

「好難頂呀。」





「我覺得我就嚟要窒息。」

「為咗成大事，呢啲挫折小事嚟啦。」

「嘩，不愧係阿方，未來一定係大人物。」

「希望係啦，唔好走咗去做黑社會大佬就好。」

「唔係呀，嗰陣時初中嘅時候有個英文老師，佢喺影學校profile嗰一張相影到成個黑社會大佬咁，跟住好多人都叫佢做Leader of Crime。」





「我記得呀。等陣先，我哋上嚟咪講正經嘢㗎咩，唔係上嚟吹水。」

「梳，唔好意思。頭先你覺得最值得記低嘅係啲咩？」

「紙皮入面成箱都係煙！仲洗問，梗係呢個係最重要嘅線索。」

「我覺得當中有一樣嘢更加奇怪。阿方，有冇見到佢哋畀幾多錢？」

「佢哋咁多人，我數唔到總共收咗幾多錢。你係指總共定每人畀幾多呀？」

「每人。」

「我記得係廿蚊。」

「啱呀，一包煙點會廿蚊呢。」





「呢層......」

「呢個奇怪過所有嘢，睇嚟呢件事真係唔係咁簡單，好鬼複雜。」

「一係就友情價收平啲，不過聽落都覺得好荒謬；一係就...」

阿方帶着顫抖的聲音，小聲地說：

「私煙...？」

「阿方，呢單嘢已經去到一個好高好高嘅層面。我哋咁樣查落去可能會好危險，你願唔願意冒住呢個風險同我繼續查？」

「驚條毛咩！學校選舉舞弊、記缺點、向我哋家長作出恐嚇、甚至話要踢出校，喺之前蘇sir、反修例調查嘅時候我有邊次縮過？咪又係見招拆招！呢個煙剷朗牙擦擦咁，如果佢喺學校入面咁樣搞嘅話，影響太大。就算有咩危險，我都一定要同你一齊去繼續查落去。」





「有你呢句就掂晒，我哋返去同佢哋講，再商量。」

xxxxxxxxxxxxxxxxxxxxxxxxxxxxxx

「容許我嗌你一聲傑哥！！！」

「袁世傑！！！多謝你！！！」

「效率好高，痴線。」

「大家過獎喇，咁喺籃球第一段時間點都覺得有啲唔對路。」

「咁應該同我同國鋒今日喺天台睇到嘅嘢契合。成班人喺度攞煙同埋畀錢，煙鏟朗直頭成個紙皮箱搬入嚟。」

「紙皮箱？」





「係啊芊芊。」

「有咩可能，除非係一個供應商或者集團咁樣入貨。」

「又係喎。頭先國鋒亦都有同我提到呢一樣嘢。」

「唔該阿方，頭先我就係留意到劉朗然收每人廿蚊。宜家好複雜，有冇人要退出，而家退出都唔遲，牽涉在內去調查嘅話可能會有危險。」

「退乜嘢呀。」

「唔係要驚佢呀嘛？」

「都開咗個頭，梗係要查到底。」





「好，多謝大家先，我哋之後再講。」

xxxxxxxxxxxxxxxxxxxxxxxxxxxxxx
放學回家的路上，我們仍然探討著這件事有甚麼可能性。

「咁多人牽涉在內，點解學校會唔知。」

「係咪佢哋隱藏得好。」

「之前我都係咁諗，但係宜家見到佢成個紙皮箱搬埋上嚟，學校唔知？」

說著說著，突然子芊站在原地，抬頭望著我說：

「鋒鋒，我諗到一個都幾恐怖嘅可能。」

「係咩可能呀？」

ig: marx_ice_