那天放學後，我撞見有同學在學校後樓梯敦倫: 57 - 操場爭執

「你好呀，我係行動組嘅負責人4D班鐘國鋒，好多謝你幫手設計呢塊連儂牆。你係邊班、點稱呼？」

「小事嚟嘅啫，我係1E班潘子鴻。個契弟政府正一垃圾，縮埋喺後面，淨係搵啲黑警上去打人，仆你個街，係都要搞到所有人都咁嬲先得嘅。」

「好少見初中同學落嚟幫手同埋參與罷課，多謝你先。你啲同班同學呢，面對咁大件社會事件佢哋點樣諗同埋點樣自處？」

「佢哋班蛋散，今日有得玩就玩㗎喇，不嬲都唔理，睇到都當睇唔到。佢哋鍾意抖音同小紅書多啲。」

「咁你同同學溝唔溝通得到？」





「部分都得嘅，但係講普通話嗰啲我真係自問溝通唔到，反而同高年班嘅同學會溝通得好啲。」

「有趣。其實去到而家唔係我想唔想企出嚟，係我哋冇得唔企出嚟。香港都就嚟玩完。」

「啱呀，其實...」

我和潘子鴻暫停了談話，因為我們聽到遠處的談話。

兩班人在對峙：
一邊是袁世傑、黃德勤、阿方




一邊是「波浪頭肥曾」、「肥拉」、經濟科彭老師

雙方氣氛劍拔弩張，情況顯示他們的情緒即將失控。

我看到這情況，立即衝過去詢問什麼事，及希望調停衝突。

「發生咩事？」

「佢哋無理取鬧囉。」





「好明顯係同學嘅問題。」

「我哋又有咩問題呀？」

「你哋做咩戴黑色口罩呀？」

「戴口罩又有咩問題啫？」

「總之算係戴口罩都唔可以戴黑色！」

他們的爭執越來越激烈，於是我決定打斷他們的爭吵。

「各位同學，三位老師，我係行動組嘅負責人4D鐘國鋒，請問老師有乜嘢問題或者要求需要提出？」

「我覺得你哋同學戴住個黑色嘅口罩係唔太恰當。」





「咁我想問學校有冇特別要求或者規定同學可唔可以帶口罩，如果冇嘅話，口罩需要帶咩顏色？」

「呢層我唔清楚，但係我認為同學咁樣帶住黑色口罩就唔係太好喇，我哋會保留追究你哋戴黑色口罩同學嘅權利！」

此時很多剛剛圍過來查看發生什麼事的行動組的同學開始躁動起來，阿方帶頭表達對幾位老師這番說話的不滿。

「有病去睇醫生啦，邊條校規或者學校邊條指引話唔畀戴黑色口罩，你講呀，你講畀我聽，你講到畀我聽我即刻除落嚟。」

「你同學咁唔尊重老師㗎，再係咁樣我要記你哋手冊。」

「好大既官威呀，我係咪要驚呀。」

現場大家情緒再度失控，我決定嘗試結束他們的這場衝突





「三位老師，幾位同學，喺呢度再繼續爭拗落去係沒完沒了、並無意義。不如我哋行動組正式發出電郵，書面詢問返訓導組校喺口罩方面嘅要求，好唔好？」

「你哋決定點做啦，總之我哋保留追究配戴黑色口罩同學嘅權利！」

三位老師離開後，同學在傾談和設計連儂牆時仍然在討論著這件事，並且認為相當不合理。其中一些同學則在研究手冊上的校規，看看哪一條是有關口罩方面的規定。

ig: marx_ice_