那天放學後，我撞見有同學在學校後樓梯敦倫: 48 - 調查委員會

「終於見到你哋兩位同學啦，恭喜曬，你哋好出名喎。」

我和阿方並沒有回答梁副校長的這一句說話。

「不過，通常出名有兩種，一種就係大家千秋萬世會記得你做過嘅好事、揚名立萬；一種就係大家千秋萬世記住你做過嘅衰嘢、臭名遠播。你哋知唔知你哋做錯咗啲咩？」

「你對住塊鏡講嘢啊？」

此時梁副校長火冒三丈，把兇狠的目光投射向講這句說話的阿方。





「你講咩話！你試下再講多次？」

「做乜嘢呀，睇嚟你係撞聾㗎。嗱，係你叫我重覆㗎，我話你頭先問知唔知你哋做錯啲咩，問你係咪對緊塊鏡講嘢。」

「同學，你知唔知道你係同緊邊個講嘢。你頭先講嘅嘢係唔尊重老師嘅表現。」

「尊重，係一個人值得人哋去尊重嘅時候，人哋自然就會畀佢。」

看到場面開始失控，我決定開聲打斷他們。





「不如咁副校長，我哋入去正題。」

「好，夠曬簡單直接。你知唔知你哋兩個個問題喺邊度？」

「不如你指點一下我哋喺邊一方面犯咗一啲毛病？我哋都希望對話可以直接啲㗎嘛，係咪？」

「你哋兩位同學喺講座嘅時候喧譁，唔尊重場合。最重要嘅係你哋叫喊一啲朋友仇恨成份嘅政治口號，煽動全場嘅氣氛。」

「副校長，我覺得你呢個係對鐘國鋒同學有領導能力呢一點嘅讚賞。」





「呢位同學我覺得你捉錯用神喇，個問題係全場瀰漫著仇恨嘅政治氣氛，呢個唔應該係喺學校出現的場景。我唔希望學校係一個樣到有心人士散播仇恨嘅地方，我哋校方希望學校嘅學習氛圍係健康嘅。」

「我理解校方有佢嘅憂慮，但係你哋可唔可以交代校方對於呢件事嘅立場。

我哋前一日喺走廊派發經學校審核嘅傳單，所有取閱單張嘅同學都係出於自願嘅。所以，點解3D班班主任會沒收所有相關嘅傳單。」

「我哋校方已經成立咗一個獨立嘅調查委員會，希望可以查出呢一件事嘅真相。至於派傳單方面，校方喺同相關人士搵到解決方法之前，希望同學唔好再喺學校派傳單。有啲乜嘢最新消息，我哋會同鐘國鋒同學聯絡。」


Ig: marx_ice_
https://instagram.com/marx_ice_?utm_medium=copy_link