那天放學後，我撞見有同學在學校後樓梯敦倫: 47 - 唔好再逃避喇
「準備好未？」
「冇問題啊。」
「咁陣間唱完就郁。」
「收到。」
xxxxxxxxxxxxxxxxxxxxxxxxxxxxxx
今天早上我們學校將於禮堂進行訓導講座，全校的學生也會增加。是我們學校一貫的傳統，就是頭幾個上課天中最無聊的一個環節。
但是今年發生的事與以往不一樣。
在所有同學都入座後，我們一起站立唱校歌，由學校合唱團領唱。
在唱校歌環節完結後，我和其他行動組的成員立即高呼口號，全場大部分同學和應。
「光復香港！」
「時代革命！」
「五大訴求！」
「缺一不可！」
「香港人！」
「加油！」
此時我和阿方在禮堂按照預定好的計劃大叫。
「唔好再逃避啦，出嚟面對件事呀肥拉！」
在我們叫喊口號後，陳校長上台發表講話。
「頭先，有同學喺禮堂呼喊政治口號，甚至有一啲同學對住老師發動人身攻擊。同學喺完全唔了解發生咩事嘅情況下進行未審先判，講出含血噴人嘅言論。
作為校長，當任何一件事情係未被調查清楚，我唔方便發表任何評論。但係，我能夠以校長嘅身份重申一次學校最近事情嘅立場。
汕頭工商總會中學入面發生嘅任何事情都應該以教育學生為原則。起初我哋收到一啲學生對於社會動亂發表偏頗立場，並且希望大肆喺學校宣傳，呢一件事並唔恰當。
另外亦有本校學生自發組織未經學校批准同埋唔屬於學校嘅團體，希望派發宣傳單張去表達佢哋嘅意願。喺確保佢哋嘅單張唔煽動仇恨同埋秉持客觀中立嘅原則之下，校方批准佢哋派發傳單，但唔可以強迫學生接收，一定要係學生自願取閱。
由於近日校園醞釀著政治仇恨嘅氣氛，為咗方便調查近日發生嘅事情同埋減低衝突發生嘅風險，我哋將會同相關負責嘅未經學校批准組織商討問題，希望透過和平理性嘅手段去進行談判。喺商討有任何成果同解決方案之前，所有相關派傳單等等嘅活動將會被校方視為非法。
大家應該退一步海闊天空，因為我哋都同為汕頭工商總會中學嘅一份子。」
xxxxxxxxxxxxxxxxxxxxxxxxxxxxxx
（阿方視角）
「起身啦！起身啦！同學你係咪昏迷咗呀？」
我隱約聽見有一把熟悉的聲音在對著我說話。
在我睜開眼睛和腦部開始清醒後，我看見中文老師站在我面前，手上拿著一張通知。
「阿方，點解你成日上堂都瞓覺？唔好再瞓喇，同埋學校有張通知畀你。」
一張通知被放到我的桌上，我清楚看到通知上的文字。
“第一個小息到副校長室去。”
（阿方視覺完）
Ig: marx_ice_
https://instagram.com/marx_ice_?utm_medium=copy_link