那天放學後，我撞見有同學在學校後樓梯敦倫: 45 - 副校長的要求

「梁副校長你好！」

「你好。睇番先，你係4D班鐘國鋒同學吓話？」

我微微點頭。

「冇錯。為免浪費時間，我都係開門見山。我今次係以負責人嘅身份，代表行動組去畀學校審閱我哋將會喺學校派嘅單張。」

「冇問題，等我搵埋訓導組嘅老師過嚟。你介唔介意喺度等我一陣？」





「好。」

說罷，副校長離開了副校長室十分鐘。

十分鐘過後，副校長帶著四位訓導組的老師進入副校長室，其中包括訓導主任吳sir。

他們五人逐字審核，並且花了短時間討論。副校長率先向我開口。

「經過訓導組對於你哋宣傳單張嘅審閱，我哋批准你哋組織嘅同學派發呢一啲中立同埋有教育意義嘅傳單。」





「唔該曬副校長。」

「未完住，我哋搵佢你哋派傳單係有前提。

我哋希望所有索取傳單嘅同學都係自願嘅，而並唔係出於強迫或者人哋遞畀佢哋。所以喺派發傳單嘅時候，必須要喺同學自行取閱，而唔係強行塞畀佢哋。

好希望你哋可以真正做到教育同學嘅呢個目的，如果你哋唔遵守我哋經過讓步之後嘅要求，校方有權採取任何行動。」

「冇問題，我返去再同組員商討。」





然後，我便離開了副校長室。

「佢提出嘅條件根本並唔合理，乜叉嘢要同學自行取閱，咁樣就唔係派傳單啦！」

「冷靜啲先阿方。雖然係咁，但係學校而家企喺一個道德高地上面，一副“我而家不斷讓步你哋接唔接受”咁嘅樣。」

「子芊講得有道理，國鋒其實我哋可以試下一日先。咁我哋真係就咁擺啲傳單喺度俾人拎？」

「子謙，我哋可以搵一兩個人企喺擺傳單嘅位置附近，然後叫有興趣嘅同學可以過嚟拎。」

「黃逸軒果然係策略家。冇問題嘅，既然學校想玩，我哋就陪佢玩大佢。」

「不過老實講，你覺唔覺得唔對路？」

「台長，點解咁講？」





「你唔覺得學校突然之間好順攤咩？之前一直態度強硬，甚至恐嚇關注組嘅同學。而家就突然之間讓步？」

「我覺得學校可能睇到如果唔作出讓步或者唔順應民意嘅話，將會有好多人不滿。」

「老實講我覺得怪怪哋，不過既然學校扮到咁有誠意，咁我哋點都要禮貌上同佢玩返一兩日。就咁決定啦！我哋開始做準備。」


Ig: marx_ice_
https://instagram.com/marx_ice_?utm_medium=copy_link