那天放學後，我撞見有同學在學校後樓梯敦倫: 29 - 革職

「蘇副校長涉嫌操控前學生會內閣，作出挪用公款嘅行為，嚴重違反教師嘅道德標準。

由於蘇鴻強副校長嚴重失職，汕頭工商總會中學即日起將會撤銷其職務，並且解除其合約。

至於今日放學後嘅新一屆學生會嘅就職典禮將會推遲。由於雙方票數接近，差距不足0.001%，我會推翻代理校長先前嘅決定，並接受內閣“覺醒”嘅重新點票要求。今次點票，學校亦批准內閣“覺醒”嘅閣員以及其助選團成員入內監票。今次點票嘅勝出內閣將會喺明天早會宣誓就職。

昨日，學校發生咗暴力衝擊副校長室事件。我對於事件中嘅暴力行為感到痛心。部分同學仔作出暴力行為係因為當中有唔公平嘅事情發生，過去一年，訓導主任同埋全體老師喺蘇副校長嘅帶領之下，褫奪咗同學和平表達佢哋諗法嘅機會。因為蘇副校長種種失得嘅行為，令到仇恨嘅種子以喺校園入面散開。

過去一年所發生嘅所有事情，前因後果好複雜。好多要求追究老師剝奪同學表達意見嘅機會，亦有好多人要求懲罰所有擾亂學校秩序嘅同學。公義需要被彰顯，但如果我哋沒完沒了咁追究落去，只會使到仇恨嘅土壤滋生。





蘇副校長將會承擔佢嘅責任，而我決定唔追究所有老師同埋所有參與表達自己意見嘅同學。我哋要欣賞呢啲同學勇於表達自己嘅意見，呢個係成為一個良好公民嘅重要質素。佢哋大部分人都係和平咁講出自己嘅concern，勇於講出所有唔合理嘅事。

喺蘇副校長離職之後，我哋會全力調查蘇副校長所有濫用職權同埋虧空公款嘅行為，還學校一個清白。

最後，我再一次譴責暴力，琴日係我哋汕頭工商總會中學史上最黑暗嘅一日。喺蘇副校長離職同埋嚟緊新嘅學生會就職之後，我希望可以修補同學同學校之間嘅撕裂，用愛去取代仇恨，謝謝大家。」

全個操場掌聲雷動。

「今朝嘅早會結束，請同學返回課室，開始班主任堂嘅時間。」





#####################
「台長，我搵咗你好耐！」

「蘇家祺同學？做乜搵我？」

「你可唔可以幫我自修室嗰件事上面求情？我唔想畀人記缺點。」

「我點解要幫你？」

「我老豆畀學校調職，學校清算完佢就會清算我。我唔會要求你無緣無故幫我手，但係我有一個絕密情報可以提供畀你，希望作為交換你幫下我手。」





「講嚟聽下？」

「好啊。事源就係咁嘅......」
######################

「今日校長嘅演講好得體，估唔到原來佢嘅胸襟係咁廣闊。」

「我就唔信呀。」

「點解呀阿方？我認同子芊喎，佢個演講好有高度，並且佢真係畀我哋入去監票，今次應該冇咩問題啦啩。」

「學校搞咗我哋成年，佢而家咁好死突然之間應成曬所有要求？個校長睇落好有誠意我，但係我唔覺得佢係真心，我總覺得我哋仲有好長嘅路要行。」

「阿方，你會唔會擔心過......」





「傾緊啲咩咁開心呀？」

「台長！」「台長！」「台長！」

「我收到啲絕密嘅情報，所以今日我哋入去監票嘅時候，全部人帶一件秘密武器入去，好有用。」

「搞咩呀？」


Ig: marx_ice_
https://instagram.com/marx_ice_?utm_medium=copy_link