那天放學後，我撞見有同學在學校後樓梯敦倫: 28 - 校長康復

「我喺現場啊，今日個情況真係好混亂。不過我冇乜事，你放心。」

「我擔心你呀嘛。」

「唔使擔心我喎，我死咗之後，只會成為一個無名嘅人，我甚至懷疑冇人會諗起我。」

「咁我做第一個諗起你囉。」

「多謝曬喎。」





「話說今日學校eclass出咗通告，提到校長已經好番，聽日會返嚟，並且喺聽朝早會上面為到學校嘅局勢發表重要講話，你有冇留意到？」


「冇呀，一返嚟就喺度背篇垃圾文！」

「篇文好簡單啫，使乜咁燥？睇嚟你唔明人間嘅悲歡離合。」

「最好明啦，而家又唔係8、90年代移民潮。」

「你點知幾年後會唔會有同一件事發生啫。係喎，話說今日搞到咁大單，最後會點收科？」





「我同阿方都好悲觀，覺得即使已經好努力咁嘗試去改變，似乎都改變唔到啲咩。聽日放學嗰陣時，一個唔係由我哋選出嚟嘅內閣就會宣誓就職。」

「盡咗力，起碼唔會後悔呀嘛！你哋都盡過力，何必懷憂喪志呢？」

「除咗台長仲喺度不斷諗計仔之外，大家都冇乜心機。」

「你學下台長啦，唔好咁易失去信心，有盼望先可以堅持信念㗎嘛。你戰鬥嘅精神去咗邊？」

「望到個現實咁樣真係幾灰心，見到台長係呢個情況之後仲嘗試諗辦法真係好強，可能佢真係天生嘅領袖。」





「任何人都會經歷低潮，但如果你心態調整得好，你就會係一個合格嘅領袖。有一句說話台長成日掛住喺嘴邊，你記唔記得？」

「你係指“在艱彌厲，戰鬥到底”？」

「冇錯呀，記住台這呢一句座右銘，提起精神呀！」

xxxxxxxxxxxxxxxxxxxxxxxxxxxxx
今天早會前大家較平日更多傾談，因為他們很好奇校長會表達什麼，是否與先前副校長和學校的定調一樣。

在早會開始前，今天老師在搜查廁所方面特別落力，找出了一些匿藏在廁所裏不想參加早會的同學。

其中，我們班的黃逸軒被捉了出來，睡眼惺忪的他不情不願地走到操場。

我問他是什麼回事，他向我指出往常躲藏在課室和廁所逃避總會並不會有人巡查，想不到今天老師竟然發現了他。





看來，這次早會真的非常重要。

在早會開始時，首先有奏唱校歌的時間。

再校歌結束後，輪到副校長向全部同學介紹手術後痊癒的校長，整個操場響起掌聲，以表達我們對於校長克服手術困難的尊重。

校長坐在輪椅上向全校同學發言。

「各位老師、各位同學，大家好。我已經有一年時間離開咗呢一間學校，途中亦都發生咗好多事。雖然過去一年我都喺病床上面，但係我密切留意住學校事態嘅發展。因此，我返嚟嘅第一日立即作出以下嘅決定......」


Ig: marx_ice_
https://instagram.com/marx_ice_?utm_medium=copy_link