那天放學後，我撞見有同學在學校後樓梯敦倫: 30 - 天命最高

「電筒？點解嘅？」

「蘇家祺爆料，陣間應該會有啲嘢發生，帶個電筒好有用。」

「搞咩呀？」「神神化化咁樣。」

「袋埋先啦。」

「蘇家祺信唔信得過㗎？」





「唔知道，但係我哋冇任何選擇，聽天由命啦。」

台長在交給我們一人一個電筒後，便匆忙地走開了。

「講起蘇家祺，我諗番起佢中一嘅一件事。」

「咩事？」

「中一嗰年我哋班有個同學叫黃金凡，大家都叫佢黃金。記得有一次佢走返班房嘅時候話表白失敗。」





「同蘇家祺表白？佢點樣表白法？」

「佢直接走埋去家祺度，喺佢身邊話“我鍾意你”。」

「跟住呢？」

「跟住蘇家祺直接答返佢“我唔鍾意你”。」

「嘩，Kiki So好差。」





「子芊？」

「小息就嚟完喇喎，仲唔返上去？」

「就返㗎喇，就返㗎喇。」

「國鋒，陣間咩堂？」

「中史。」

「碌柒！」

xxxxxxxxxxxxxxxxx
「今日邊個冇帶書嘅舉手。





又係你啊阿方。我決定由今次開始，冇帶書嘅人都要出嚟唱首歌。」

「黃sir，有咩歌啱中史唱呀。」

「就尋秦記啦。」

「<天命最高>？」

「係。」

「放過我啦黃sir。」

「冇得傾呀，成日唔帶書要懲罰吓。你下堂出嚟獨唱！」

「吓......真係殘酷過一夜情。」





xxxxxxxxxxxxxxxxxxxxxxxxxxxxx
放學後，訓導主任吳sir站在樓梯口。

「“覺醒”嘅內閣成員同埋助選團過嚟呢邊，排好隊之後我哋就會上禮堂。」

在等待大家排隊的時候，我和阿方閒談着。

「我哋20個人帶20支電筒，究竟有咩用？」

「唔知呀，不過台長話陣間會有用，你就袋住先啦。」

「咁贏就係贏，輸就輸㗎啦。」

「係咪即係好似十二碼一係入、一係唔入咁樣呀。」





「你講嘢真係廢過燈神。」

「抄你啫阿方。」

「結果一早整定㗎啦，聽天由命啦。」

「係囉，天命最高！」

「你條友又抽水。」

「後面唔好傾計喇，我哋準備行喇。」

「係！」「係！」






Ig: marx_ice_
https://instagram.com/marx_ice_?utm_medium=copy_link