那天放學後，我撞見有同學在學校後樓梯敦倫: 24 - 停電

「個主持根本亂嚟！」

「死你個去啦亂咁cut鐘。」

「個問題唔止喺呢度呀，個傻仔拎咗舊年張名單呀，我哋幾時仲係中二㗎。」

「係囉，不過再偏幫都冇用啦。琴日嗰個質詢疾到“安榮”成日都dead air。」

「笑死，佢哋每一條問題都使出“不正面回答之術”，唔講仲以為佢哋玩緊閃避球。」





「阿方，做咩咁串？」

此刻我和子芊同時說出陳sir在課堂上批評阿方的金句。

「兩個咁鬼齊心，都話你哋拍緊拖㗎喇。」

「唔好啦，條友開口埋口都係歷史，佢做人男朋友一定好悶。」

「邊個要做人男朋友呀？」





「台長！投咗票未？」

「投咗，但係我而家有少少擔心。」

「點解啊，上次辯論之後你哋個民調領先8-10%喎，驚咩？」

「國鋒，上星期我哋內閣所有申請咗做監票員嘅成員都不獲接受。」

「雖然有啲唔對路，但係唔緊要啦，今日應該問題唔大。我覺得比較離譜嘅就係“安榮”嘅義工直接喺票站門口拉票，太過份。」





「搞到佢哋好似有特權咁。」

「唔講住喇，我要準備今日放學之後主持校園電視台嘅開票節目。」

「冇問題，咁放學見啦。」

xxxxxxxxxxxxxxxxxxxxxxxxxxxxxx

「歡迎收睇今日嘅開票現場，我係主持人鐘國鋒。今日學校每五分鐘更新一次嘅任何消息，我哋都會即時報告，等我哋一齊嚟睇下邊個內閣可以笑到最後喇。

根據消息，暫時開咗16%票，候選內閣“安榮”得票為76票，候選內閣“覺醒”得票為82票。我哋校園電視台會一直為你帶來最新更新。

根據消息，暫時開咗31%票，候選內閣“安榮”得票為146票，候選內閣“覺醒”得票為160票。雙方嘅得票都係咬得難分難解，我哋校園電視台會一直為你帶來最新更新。

根據消息，暫時開咗50%票，候選內閣“安榮”得票為223票，候選內閣“覺醒”得票為272票。我哋見到“覺醒”稍為拉開優勢，我哋校園電視台會一直為你帶來最新更新。





根據消息，暫時開咗70%票，候選內閣“安榮”得票為318票，候選內閣“覺醒”得票為374票。暫時“覺醒”領先，我哋校園電視台會一直為你帶來最新更新。

暫時開咗86%票，候選內閣“安榮”得票為405票，候選內閣“覺醒”得票為472票。暫時“覺醒”優勢好大，我哋校園電視台會一直為你帶」

突然，多媒體室的直播房間漆黑一片。

在家中觀看直播的子芊不斷reload Youtube，但是畫面上只顯示着「直播已結束」。

在現場直播的觀眾不明所以，大家也議論紛紛。

「各位同學請注意，兩分鐘之前，校務處啱啱接到消息，了解到學校突然停電。工作人員正在努力搶收，大家請見諒。」

幾分鐘之後，在清楚了解情況後，我向現場觀眾發表講話。





「喺多媒體室入面睇現場直播嘅同學你哋好，我係主持鐘國鋒。鑑於學校出現停電嘅情況，直播短期內都冇可能重啟，大家趕時間嘅可以先行離去。好抱歉有咁嘅事發生。」


Ig: marx_ice_
https://instagram.com/marx_ice_?utm_medium=copy_link