那天放學後，我撞見有同學在學校後樓梯敦倫: 25 - 球場

「唔好意思，頭先因為學校停電嘅關係，出現咗技術問題，而家直播繼續，我係主持人鐘國鋒。

根據消息，暫時開咗99%票，候選內閣“安榮”得票為534票，候選內閣“覺醒”得票為521票。暫時“安榮”反超前，內閣“安榮”已經自行宣佈勝選，稍後內閣“安榮”嘅主席會發表講話。

根據消息，開票結束，候選內閣“安榮”得票為535票，候選內閣“覺醒”得票為534票。學校正式宣佈“安榮”勝出，內閣“安榮”嘅主席會發表講話，等我哋切換過去現場先。」

「大家好，我係校園電視台記者張子謙，呢度係學校禮堂，我哋將會現場直播當選內閣主席嘅講話。」

「好開心我哋可以成功當選，我哋當選有乃同學廣泛嘅支持，好多謝同學投票支持我哋。我哋希望喺嚟緊一年努力服務同學，做更多有建設性嘅事情。」





xxxxxxxxxxxxxxxxxx
「笑死，今日歷史老師講述法國大革命嘅斷頭台，解釋嗰個原理嘅時候整咗個真人版示範。」

「點樣示範法？」

「黃逸軒個頭俾佢㩒咗落張凳到，跟住佢拎咗把鐵尺去代表斷頭臺嗰一把刀，當然冇真係斬落去啦。」

「正。」

「你今日成日都好少講嘢，唔似你喎，搞咩啊呀方？」





「點會有心情呀，琴日根本就係亂嚟。」

「我明白好多人都唔甘心就咁就輸咗，嚟緊我哋校園電視台嚟緊嗰集汕頭透就係關於選舉舞弊疑雲。我哋收集緊證據。」

「離曬大譜，停完電之後就即刻狂追80幾票，你知唔知佢重點係咩呀？」

「吓？講到邊度sor」

「你唔好掛住昅女住，我想講今屆個投票率真係驚人。我計過啦，今年投票率係108%!」





「嘩，農曆七月未完咩？」

「學校係一定要畀一個答案，而家好多同學見到佢嘅情況都好燥。」

「講開又講，平時少落嚟呢個球場，原來真係幾多靚女。By the way，頭先你昅緊嗰條女係我哋學校好出名嘅一個ptgf嚟喎。」

「真心咩？除咗女之外，我哋宜家行到去足球場中間，我諗起舊年我哋上科學堂買多咗隻牛眼，最後我哋決定擺咗喺球場中間。」

「哈哈哈，真係好想知道個清潔大嬸點樣諗。」

「一定嚇到瀨屎。同埋上年你走留堂一定落嚟呢個球場。」

「搵你打機吖嘛，舊年我哋有一個出色嘅配合，你喺樓梯口揸住袋撈麵同班主任傾偈，我就趁佢唔注意跑出學校門口。」





「嗰次正呀，不過嗰張欠交功課紀錄表就多咗幾滴油囉，因為我將張form貼得太近袋撈麵。不過份form都係寫你名居多，你舊年下學期欠咗一百二十份功課。」

「仲有一次，班主任突然之間殺咗落嚟球場，最後畀佢話咗一餐。」

「佢舊年啲頭髮甩得有啲快，上半年仲有好多頭髮，下半年已經地中海，好心佢就唔好咁勞氣鬧人啦。」

「笑死。不過佢已經好過我個中文老師，就嚟光頭咁滯。」

「條友唔單止光頭，仲要成日唔刷牙。Anyway，嗰次之後我哋就坐喺小食亭打機，有一大塊板遮住，冇咁易畀人發現。」

「咁你選舉舞弊嗰一集啲資料搜習成點？」

「七七八八喇，下星期一就播出嚟。」

「星期三佢哋就宣誓就職囉喎，阻唔阻止到佢哋？」





「唔知，未試過點知得唔得？起碼盡咗力先啦，盡咗力一定唔會後悔。開波啦，唔好吹水住，今日我哋再試下雙人射球，上次我哋成功過一次㗎。」

「好呀，嚟咪嚟，同埋今日我單刀挑戰你一定成功！」


Ig: marx_ice_
https://instagram.com/marx_ice_?utm_medium=copy_link