那天放學後，我撞見有同學在學校後樓梯敦倫: 19 - 總辭

「其實呢個問題由前朝已經開始，之前幾屆學生會都有咁樣做，所以相信有啲同學冇攞齊簿。由於佢哋一直以嚟都會自己貼錢買番，所以都冇人知道件事。」

「咁關蘇sir咩事？」

「副校長同埋每一年嘅當選學生會內閣喺呢個收益上五五分帳。」

此時，台下同學情緒操動。

「同學冷靜啲先。所以除咗呢啲書簿費之外，仲有啲咩錢係有畀人挪用到？」





「仲有學生會負責嘅學校旅行費用，每年同學都會畀多咗一啲租場或者租車費。」

「有啲乜嘢促使你哋企出嚟講解發生咩事？」

「我本身一直都覺得只係少少錢，無傷大雅；但係今日學校咪有請全校同學飲益力多既？」

「係啊。」

「以我所知，益力多公司賣唔切啲產品，就將一啲已經過期或者就嚟過期嘅益力多送畀附近區嘅學校。有好多學校拒絕咗，但係代理校長蘇sir“欣然接受”。今日上嚟之前我聽到有啲同學飲完之後有肚痛嘅跡象，我發現到利益直接影響到同學嘅健康。」





「你喺訪問結束之前，有冇啲乜嘢想同同學講？」

「我今日上嚟講呢一番說話冒住好大嘅風險，但係我終於發現到原來冇底線咁追逐利益嘅問題，我哋會諗辦法處理好我哋製造出嚟嘅問題，首先第一件事就係諗辦法退番學校旅行啲錢畀同學。」

「唔該曬學生會主席同埋副主席。今日節目完之前，我想藉呢個機會提提大家，大家飲今日派嗰支益力多之前記得睇下有冇過期。」

所有同學也沒有想到今天的訪問有這麼多爆炸性的消息爆了出來。很多同學也在竊竊私語，討論着學生會和學校會怎樣處理這一大個爛攤子。

就在此時，台長召集了很多本來的義工團成員來派發彈刻學生會的聯署書，短短一個星期，我們已經收到了125個簽名，成功提出彈劾議案。議案將於接下來的一星期進行學生投票，同意彈劾票數必須多於反對彈劾票數，同意票的最低門檻是全校四分一學生。





根據校園電視台製造的民調，彈劾的形勢已經不可逆轉，預料議案將會大比數通過。

就在彈劾拉票拉得如火如荼的時候，在彈劾投票前幾天學生會在早會上的宣布令事情變得更複雜。

xxxxxxxxxxxxxxxxxxxxxxxxxxxxxx

「今日早會有一則嚟自學生會嘅宣佈，請同學注意。」

「各位同學好，我係學生會主席莊文龍。首先我希望藉住呢個機會去撤回我琴日喺校園電視台上面嘅訪談節目對於蘇sir嘅指控，一切都係子虛烏有，係我作出嚟推卸責任嘅。拖簿事件同埋係學生會嘅學校旅行收費係因為我嘅一己私利所以決定吞咗筆錢，唔關蘇sir事。益力多有過期係我亂講，我係為咗推卸責任所以先至咁樣去造謠。

我哋學生會將會負起所有責任，並且正面面對瀆職嘅指控。我哋學生會內閣由於失去咗同學嘅支持，已經無法履行職責去服務同學。我哋將一力承擔相關責任，我哋全體內閣決定即時辭去學生會職務，並且立即解散內閣。學校將會派出原來的學生會負責老師代行我們的職務，直到下一次學生會選舉來臨。

我到今日都冇後悔講真話！我都唔想照稿...」

此時，學生會前主席的麥克風特然被關掉，而學校中央廣播宣佈早會結束。






Ig: marx_ice_
https://instagram.com/marx_ice_?utm_medium=copy_link