那天放學後，我撞見有同學在學校後樓梯敦倫: 18 - 主席剖白

「你哋投咗問題未？」

「打咗上網啦，今次佢地仲 - 唔 - 死 -？」

「聽講好似有幾多回應。」

____________________________
「各位現場觀眾、網上觀眾、各位老師、各位同學，大家好！我係校園電視台嘅台長梁逸軒，歡迎同學收睇一週一次嘅訪談節目。首先今日嘅環節比較豐富，其次就係今日我哋有兩位嘉賓，其中一位更加有重要宣佈。為咗留返多啲時間畀嘉賓講嘢，我哋事不延遲，立即歡迎我哋今日嘅第一位嘉賓 - 學生會副主席陳靜儀。」

正當副主席出場的時候，現場觀眾群情洶湧。





「係飛機場副主席。」

「回水啊！交代下條數！」

「龜縮咗成個禮拜終於肯出嚟喇咩！」

______________________________

「副主席你好，因為難得請到學生會嘅重要成員上嚟，我哋會俾充分嘅時間你去回應同學一早寫低畀我哋嘅題目。首先，想問下你當初點解選學生會？有咩特別理念？」





「冇咩特別。以前我總覺得學生會呢一個職位係遙不可及，更加冇諗過可以成功當選。我哋希望維持著一份可以服務同學嘅熱誠，為同學創造美好嘅校園生活。」

「相信你哋對於成功當選點都唔會冇諗過嘅，始終得你哋一個內閣去參選，好難會不信任票過半。同學有好多嘅疑問去問你哋，首先就係學校四年前已經話要起一個gym room，你哋學生會了唔了解呢個設施起成點，去到邊一個階段？」

「我哋睇到大家好想了解情況，據我所知，學校已經日以繼夜、努力不懈、排除萬難咁樣起緊健身室，亦都根據程序有條不紊咁申請緊。我同主席都對於健身室喺不久嘅將來會開幕感到非常之雀躍。如果喺施工方面有咩困難，我哋會立即詢問學校有關情況，再報告畀同學聽。我哋將會全力咁為同學服務，盡全力做好我哋嘅工作。」

「想問下日常你哋會花幾多時間喺學生會室？」

「小息同放學之後通常都會喺嗰度。」





「有同學問前幾日汕頭論壇流傳嘅影片係咩一回事，你哋可唔可以畀出一個解釋？」

「我哋一年幾日反思咗自己嘅行為，都覺得自己做錯。我希望為我同主席喺後樓梯gathering畀人拍片呢一件事道歉。」

「好，希望同學會接受呢一個道歉。喺問接下來一條問題之前，我哋邀請埋第二位嘉賓出嚟先，掌聲歡迎學生會主席莊文龍。」

此時，台下一片噓聲。

「主席你好，相信你對接下落嚟嘅一條問題都有備而嚟。想問下點解喺大家質疑學生會拖住2A簿嘅時候，學生會第一件事就係剝奪同學觀察財務報告嘅權利？」

「我......er...errr.......即係........其實.......我都唔想㗎。」

「唔想即係乜嘢意思？」





「我冇心㗎。」

此時，台下的情緒再次躁動起來。

「乜嘢冇心呀！」

「冇良心呀嘛。」

「扑野係咪都係冇心？」

「大家稍為冷靜啲先，我哋畀個安靜嘅空間等主席去答問題。」

「我畀人逼㗎！」

「逼？」





「蘇sir逼我咁做㗎。我都唔想㗎。」

「呢個係一個好嚴重嘅指控，主席可唔可以詳細啲講解吓，副校長點樣迫你？」


Ig: marx_ice_
https://instagram.com/marx_ice_?utm_medium=copy_link