那天放學後，我撞見有同學在學校後樓梯敦倫: 20 - 組閣

「我今日叫你哋三個上嚟，係想通知你哋我打算組閣參選下一屆嘅學生會。」

「吓？」

「喺最近幾個月，任何形式嘅抗議學校都係會威脅向在場嘅學生記小過。」

「佢哋唔係淨係靠嚇㗎咋咩，佢哋真係有記過小過咩？」

「國鋒，嗰日書豪同咗我講喺人少嘅聚集入面，老師就會即刻寫低曬有邊個有份參與所謂非法集會。」





「真心咩子謙，但係我唔覺得有任何阻嚇性。」

「國鋒，我同另外九位同學組閣係因為已經冇任何辦法，任何形式嘅集會都迫使唔到學校去回應。學生會落台之後，所有處理學生會事務嘅負責老師當然唔會改變啲咩，而蘇sir態度強硬，我哋更加唔會對佢有咩希望。」

「但係組閣有咩可以做？」

「我哋咁做係唯一嘅途徑去反映而家發生緊嘅事，並且唔會被禁。」

「老實，咁樣台長咪唔可以喺校園電視台開咪？如果唔係咪變咗球員兼球證。」





「係呀。」

「但係如果冇咗咁有影響力嘅你喺上面開咪，會唔會出問題。」

「唔會啦，問題已經夠大，所以我打算將呢個重責交畀你哋。」

我、子謙、阿方也呆了。

「我哋？」





「你哋喺之前調查好多事上面已經畀多我充分嘅信心，我需要一樣渴求真理嘅師弟師妹去接班，而我搵到啦。」

「我冇信心...」

「我覺得你可以搵一啲有相同理念嘅人去幫手。我哋嘅內閣“覺醒”正式成立，而競選嘅呢幾個月當中我都如無意外唔會上去校園電視台開咪。」

「今次你哋有咩競爭對手？」

「咪精英班內閣囉，主席係江曉琳。」

「等陣先，我記得佢啲威水史呀。佢喺ig上面話所有落去集會嘅同學塞住曬條路，搞亂學校嘅秩序，應該每個人記一個大過。佢同一時間都大力宣傳學校所講嘅“調查結果”，指出並冇任何教職員牽涉喺財務出問題嘅情況入面。大陸雞都可以做主席，時代變啦。」

「阿方，問題佢仲有好多忠實擁躉，全力支持佢嘅原因就係因為佢靚女。」

「條大陸雞靚女？佢唔係淨係開到個filter好行，成日對住個鏡頭單眼放電。」





「我哋十個從來冇諗過要組閣選學生會，只不過係堅持要一直查出真相，點知越查越大鑊，仲有好多荊棘阻住我哋查。我認為呢一個係唯一一個方法。」

xxxxxxxxxxxxxxxxxxxxxxxxxxxxxx

「大家好，歡迎收睇汕頭透視，我係主持人鐘國鋒。我哋應觀眾既投票結果，今個禮拜嘅主題係等我哋節目一齊嚟用放大鏡檢視一吓兩個學生會內閣嘅政綱。

喺螢幕上面有一個交通路牌同埋一條高速公路標誌嘅就係學生會內閣“安榮”。佢哋嘅政綱係要求學校回歸理性，結束混亂局面，回復穩定。佢哋指出要做到呢一個效果必須要嚴厲咁處罰造謠生事嘅人，內閣要求胡亂詆毀教師同埋學生嘅同學需要立即記缺點作警告。同一時間，佢哋指出假訊息蒙蔽大家嘅雙眼，令到同學被煽動去堵塞學校嘅運作，需要研究點樣去規範假信息嘅傳播。

我哋喺youtube上面同步進行緊直播，等我朗讀一下網上觀眾嘅即時留言先。

Christopher Wong就話，班人一直喺度塞住曬條路，又日日嘈喧巴閉，支持學校嚴正執法、處罰佢哋。

Ryan Lai就話，呢個標誌咁似啲單程路嘅，睇嚟佢係指緊不歸路。





Nicole Li就話，好期待另一個內閣嘅政綱，唔想再聽廢話。

好啊Nicole，承你貴言，觀眾我哋一齊去望下另一個內閣嘅政綱啦。」


Ig: marx_ice_
https://instagram.com/marx_ice_?utm_medium=copy_link