連環輪回不幸事件: 最終章：待續 (1)

不同於之前的宇宙另一邊。
「辛苦你了。」一個看不清容貌的黑影向着一個戴著眼鏡、身穿球衣、項戴佛珠的人表示謝意。
突然，這個衣着奇怪的人，霎眼間變回一個猶如櫥窗裏的模特人偶。
「還是這樣較為順眼。雖說你會依照他腦海裏的各種印象，變化成自己的模樣，但其他都十分正常：辦公室女郎、中年猥瑣男人，只有他如此奇怪，確實少見，哈哈。」黑影繼續向沒有反應的人偶說話。
「唉，沒想到由我管治的世界的『蓋亞』，對我也有一定程度的反噬，否則這個提示一早便能讓他們知道。不過幸好，雖然只有口型，但他們大概都猜得到，之後再利用衪的幻覺技能，應該可以將整個提示說清。哼，這算是聰明反被聰明誤吧！哈哈！」黑影繼續自言自語。
「...你也夠了吧，昊天！好歹也說句話！」
「祢知道我最討厭這個名字吧，零！」那個名為昊天的人終於開口回應。
「誰叫祢無視我！」
「若不是衪要給祢還人情，我才不會參與祢們這邊的事！總之，穿越過來的路已建好，我也懶理他們能否走到這條路。」
「一定可以，他們接着便會擺脫輪回！」




 
宇宙嘅呢一邊。
「即係話只要知道方法之後，就可以回到現實，擺脫呢個輪回？」
「咁我哋之前搵到嗰啲所謂嘅線索即係點？」
「我只係想離開呢個輪回，過返正常生活。」
「我都話唔可信㗎啦，嗰啲線索肯定係假！」
「回到現實同我哋個夢有咩關係？唔通個夢就係我哋本來嘅世界？」
「屌！邊個俾啲假線索跣鳩我哋呀！」
「夢境先係真，喺呢度反而係假？」
剩低嘅時間除咗等消息，已經冇嘢可以做，所以我哋決定討論下之後嘅應對，不過並無確實嘅結論。




我哋就係一直咁討論，直到……
「有啦！」
「我打俾Yoyo。」
「我哋都出發喇！」
時間已經過咗九點半，黑客已經搵到Andy嘅地址。雖然Yoyo比較近，佢亦都堅持自己一個上去(4隻陀錶都喺佢度)，不過我哋都決定去樓下等，就算有嘢需要支援都可以即時反應。
不過我哋太睇小Yoyo嘅實力，未到十點，佢已經連同Andy一齊出現喺我哋面前。
「睇嚟靠外力(暴力)都可以叫醒大家，即係話只要有地址就得。當然大前提係有Yoyo姐啦！」
「……」
好啦，我完全被無視，佢完全係兩個人，我甚至懷疑佢係人格分裂。不過而家唔係研究Yoyo性格嘅時候，我哋先將現況講俾Andy知，睇下會唔會有其他發現。
「等等先，而家幾點？」Andy喺聽我哋講之前先發制人。




「就嚟十點，係夜晚十點，但你唔使擔心，而家——」我一係被無視，一係被打斷……
「好彩仲有時間，你哋聽我講先，我哋得返最後兩個鐘……」
時間剩返兩個鐘。