連環輪回不幸事件: 序章：陀錶 (2)
「嘟x15」
車門一閂，我就即刻鳩衝去車卡接駁位，當然係近第一卡個面啦，不過呢個可能係我人生中最錯嘅決定。
我過到去，除咗locate番個大眼美女，我望一望手錶……shit，原來今朝太趕唔記得戴，唯有望手機。當我準備攞番部啱啱收埋冇耐嘅手機個陣，我發現頭先掛住望女，隻陀錶仲係我手，竟然咁耐都唔覺。拎咗係手咁耐都未正式望過佢，順便當睇下時間啦。
好似……好似係邊度見過，但我呢d小毒毒同呢啲野從來無緣，無奶油見過架？！再諗真啲 ，究竟點解會有我個名？
是拎但啦，都唔會諗得明，睇下時間算啦。「吓！」我當堂叫咗出聲，喺呢個寧靜嘅車廂底下都算大聲，亦因為咁我俾幾個人睥住。我之所以會「吓」出聲，係因為呢隻錶好奇怪：正常刻度嘅外圍會係1-12嘅數字，但佢喺1-12嘅數字下仲有13至24；而且佢只得時針，冇分秒針；最重要係對返手機，佢足足慢咗差唔多三個鐘，仲要係冇得較時間嘅設計，唔係因為佢有我個名，我喺車廂都會揼咗佢。
Btw，睇返手機，我諗我勉強趕得切返工。但我一啲都唔開心，因為咁係意味住我又要屈多幾分鐘係個office度……唉，準時仲失望過遲到，好撚矛盾呀老細！
算啦，我都係望返啲女算。唔知算係好唔好彩，今日係紅日，我要加班，但正因為咁，車廂比平日同時段少人，呢一卡計埋我呢個邊緣人都係得十六個人，要locate到大眼美女絕對唔難。
當然，我點都會望望車廂中其餘嗰五個女仔，當我雙眼一掃，突然感覺到一股銳利目光，我視線一轉，就同一個男人對上咗目光……
「洗唔駛洗呀……」我不禁講出聲。
係～我頭先係大聲咗少少，但都唔駛望我咁耐掛？真係咁騷擾到你？我決定報以一個兇狠嘅眼神，等佢知難而退。
殊不知唔夠兩秒，我發現佢嘅眼神帶有一種好奇而疑惑嘅感覺，而我慢慢亦有同樣感覺……我見過佢？！
佢天然嘅曲髮，一身如同包大人黑黝黝嘅膚色，可能因為咁佢仲散發住一種正義嘅氣息。喺小學，佢一定係班長。小學……同學？唔通佢真係班長？唔係喎，小學我做班長架喎，唔通佢係坐我後面個位瀨尿傻仔？姓湯？姓紀？唔記得。真係唔記得。
從佢表情我睇得出，佢諗緊同我一模一樣嘅野。
算啦，如果佢係囡，我都會去相認，可惜……何況我又唔係咁肯定。不過就算肯定都好，認咗又點呀？咪又係講「喂～好耐冇見」、「近排搞咩呀」呢類說話，又有幾多個舊朋友可以keep一世呀～突然見佢蠢蠢欲動，好似想認我咁，我當堂嚇咗跳，然後唔敢笑，因為都唔知係我太靚仔佢唔過黎，定還是佢係hehe，知我唔好呢味所以轉目標，佢好快用同樣嘅眼神望另一個男仔，而我亦好快咁掃一次其他嘅女仔，發覺冇個掂之後就望返大眼美女嚕。