連環輪回不幸事件: 序章：陀錶 (1)
「呢度咁似電視嗰啲古裝街嘅？但迎面嘅每個人我一個都唔識，茄呢啡嚟架？嘩，咩事？」我感覺身體突然變輕，然後好似慢慢飄浮到空中咁，周圍嘅視野變得模糊，然後我就聽到......
「如果我有逆轉的超能力......」呢個鈴聲令我睜開雙眼。
「咩夢嚟架......仆街……又遲到！」我心諗。
1月30日，星期一，又要返工......
「下次我一定唔會遲！」呢句說話我都唔知講咗幾多次，但比幾多個下次我都一樣會遲……算啦，行快兩步好過，因為我最期待嘅畫面好快就出現，係咩？我就去緊搭地鐵，咁你估下係咩？沒錯，就係……
咦？！前面咁熟面口嘅？唔知你哋有冇試過，有時見到一啲場景總會覺得好熟口面，似曾相識咁，個種感覺好特別。你永遠都唔知究竟係錯覺定你真係曾經見過，抑或只係發夢出現過。
不過，今次我肯定只係錯覺，因為前面係一個小攤檔，而直至尋日，呢個攤檔都唔存在。呢條路我日日都行，如果之前有，我冇可能冇見過。
行到攤檔面前，我雙眼完全被吸引住，唔係因為有靚女，當然有會更吸引，但今次係因為三個字——何希光。相信你哋都估到呢個就係我個名。我諗每個人都會同我一樣，遇到咁嘅情況一定都會停落黎，不管你有幾趕時間。
我抬頭一望，攤檔前只有一個人，佢戴眼鏡，身穿利記球衣，個樣有啲似張敬軒，但非常唔襯地掛住一條佛珠，我忍唔住問佢：你做乜撚野呀……冇，我當然冇咁問，黃子華話齋：「做人無公關，食屎架喇。」但我始終忍唔住問佢：「點解會有我……」我未問完，佢就將刻有何希光三字，外殻為木製嘅陀錶遞去我面前。
「......」佢面帶詭祕，唔知係慈祥定奸詐嘅笑容咁同我講。你問我佢講咩？唔係六個點，亦唔係省略號，而係我根本聽唔到佢講乜，佢只係得口型，我一個字都聽唔到。但佢隻手完全擋住我去路，示意要我拎隻陀錶，似乎唔拎就唔俾我走，加上我有一種一定要拎嘅感覺，於是我拎咗之後就繼續一路㩒電話，一路跑去地鐵站……
「如果我有逆轉的超能力......」呢個鈴聲令我睜開雙眼。
「咩夢嚟架......仆街……又遲到！」我心諗。
1月30日，星期一，又要返工......
「下次我一定唔會遲！」呢句說話我都唔知講咗幾多次，但比幾多個下次我都一樣會遲……算啦，行快兩步好過，因為我最期待嘅畫面好快就出現，係咩？我就去緊搭地鐵，咁你估下係咩？沒錯，就係……
咦？！前面咁熟面口嘅？唔知你哋有冇試過，有時見到一啲場景總會覺得好熟口面，似曾相識咁，個種感覺好特別。你永遠都唔知究竟係錯覺定你真係曾經見過，抑或只係發夢出現過。
不過，今次我肯定只係錯覺，因為前面係一個小攤檔，而直至尋日，呢個攤檔都唔存在。呢條路我日日都行，如果之前有，我冇可能冇見過。
行到攤檔面前，我雙眼完全被吸引住，唔係因為有靚女，當然有會更吸引，但今次係因為三個字——何希光。相信你哋都估到呢個就係我個名。我諗每個人都會同我一樣，遇到咁嘅情況一定都會停落黎，不管你有幾趕時間。
我抬頭一望，攤檔前只有一個人，佢戴眼鏡，身穿利記球衣，個樣有啲似張敬軒，但非常唔襯地掛住一條佛珠，我忍唔住問佢：你做乜撚野呀……冇，我當然冇咁問，黃子華話齋：「做人無公關，食屎架喇。」但我始終忍唔住問佢：「點解會有我……」我未問完，佢就將刻有何希光三字，外殻為木製嘅陀錶遞去我面前。
「......」佢面帶詭祕，唔知係慈祥定奸詐嘅笑容咁同我講。你問我佢講咩？唔係六個點，亦唔係省略號，而係我根本聽唔到佢講乜，佢只係得口型，我一個字都聽唔到。但佢隻手完全擋住我去路，示意要我拎隻陀錶，似乎唔拎就唔俾我走，加上我有一種一定要拎嘅感覺，於是我拎咗之後就繼續一路㩒電話，一路跑去地鐵站……
「嘟～」
一個好唔鍾意嘅聲音，一個好多人都耳熟能詳嘅聲音，一個你哋唔會在意嘅聲音，但我聽落就非常礙耳，佢係八達通入閘嘅聲。
兩年前，我入閘係「嘟嚕嘟」，特別優惠盞燈會亮起，而家入咗social university，冇曬學生優惠都算……嗯，其實呢個都係重點，不過最重要係冇埋學生呢個身份，冇咗人生中最重要嘅時光，但我又可以點？只能跟著生活流，搭呢個又鳩又仆街，成撚日都扮壞黎呃鳩我哋比多啲車費去做維修費，但對我黎講又真係最方便嘅地鐵啦。
終於企咗係月台，我最期待嘅畫面開始出現了。唔駛問啦，我講嘅係𥄫女。我住葵興，呢頭唔算多女，但間中都有啲girlfriendable，每次搭地鐵我就會開scanner，一有靚女我就一定唔會走漏眼！
目標出現！今次算好運，有個眼大大嘅靚女往車頭走過，我當然扮曬自然咁跟住行啦。佢唔算高，157左右，身材一般，但一把黑長髮同標緻嘅面孔都算j得過，加上一條純白連身短裙，牛仔jacket，喺MK界中算係唔MK，真係jjable架。
佢行到最頭個卡先停低，而佢停嘅位置係第五度門，即係第一卡最後一度門。而我就一貫地係間離度門停低，即係第二卡第一度門，然後就一邊扮㩒電話一邊偷望呢位大眼美女。