末日生存日記: 第三章 倖存者部隊

「所以，我地宜家要點做？」阿朗已經喺崩潰嘅邊緣，屋企人失聯對佢黎講，係好大嘅打擊。
每個人都沉默咗一陣，阿澤首先打破僵局。
「冷靜，宜家呢個時勢我地喊都冇用，唯一嘅辦法就係生存落去。」
「但係我媽咪佢哋唔見咗呀！我好擔心佢地。」
「我細妹…」
「屋企人有事，我地唔可以就手旁觀。」經過安仔佢地一連串嘅質疑，連阿澤都沉默咗落黎。
呢個時候，一直冇出過聲嘅我終於出聲。
「停呀你地一個二個，冇人知我地屋企人係咪真係遇害，話唔定啲人唔見曬係因為已經去咗一個好安全嘅地方避難，佢地宜家都好擔心我地。如果佢地冇遇害，而你地個個變曬果啲冇感情見到人就咬嘅喪屍，你可唔可以喺你就黎咬到自己著重嘅人條頸果陣控制住唔咬？定係由得自己咬咗令佢地成為冇曬感情唔生唔死嘅喪屍？醒下啦你地！」
佢地聽到都呆咗，冇幾耐，終於有一個肯出聲。
「你講得冇錯，我地要確保自己安全，然後再搵返自己屋企人。」安仔揸實自己嘅拳頭，落定咗決心。




「但係我地宜家要點做？」阿朗提出咗疑問。
經過我地幾個一番討論，總結出下列幾點：
1.手機電話設備趁呢幾日仲有電嘅時候叉滿曬電，搵多啲尿袋，遲啲要用手機黎通訊
2.搵多啲水同食物，最好係保質期長嘅果啲，例如杯麵，罐頭食品等。仲要攞啲能量飲品，話曬打喪屍，梗係要補充體力能量啦！
3.盡量搵多啲武器，用黎防身。最好有刀具之類
4.搵一個安全嘅地方去避難，宜家喺屋企過唔到幾日就會糧食短缺，同埋大廈入面一旦有喪屍入咗黎，就好難走佬。
5.安排好每個人喺避難所入面嘅崗位，例如有人巡邏，有人外出搜集物資等。
6.準備好加熱設備，例如火槍，我屋企都有兩三枝，之後再出去搜集睇下有冇多啲。
7.準備好各種藥物，最多嘅就係感冒藥。話曬末日，冇平時嘅清潔工人喺大街上面清潔，衛生環境一定好差，病痛都會多啲，所以一定要準備好藥物。
8.紙制地圖，指南針，有咩用應該唔使講啦？




最後 good lucky
「我地應該要用邊個地方做避難所？」問得好，我諗諗。
「不如就我地學校？學校出面有個圍牆，我地可以爬入去，啲喪屍應該唔識爬掛？雖然唔知會唔會進化到真係識..不過應該冇咁快，我地暫時去住先。同埋學校有兩條暗道，就算真係失守都好，仲可以即時走佬。」啊澤I love you，真係好鬼勁。
「同意！」我地每個人都咁講。
「我地不如改個名？有個知名度呀嘛！」鑫仔激動咁講。
「嘩你有冇咁中二呀，不過我都同意改名。」安仔好似都一樣好激動。
「我冇意見」其餘兩位都咁講，唔改名都唔得啦！
「咁不如..就叫….倖存者部隊？好似好有型咁款。」我好似比佢地傳染咗，都係咁中二，平時我一定唔會咁無聊，一定唔會，絕對唔係反話！
「又ok喎，型型地」
「我同意」




「agree」佢地個個都同意曬，咁樣..
 倖存者部隊 成立！
「宜家真係好似喺到打生存game咁，不過係現實版。」啊澤無奈一笑。
事不宜遲，攞好曬屋企入面啲物資，拎住一袋二袋，出發去學校！
—————————————————————————————————————————
神祕人Z：嘿嘿….真係唔簡單，幾個少年，咁快就接受咗世界末日嘅現實仲要諗好曬辦法..之後會發生嘅事…等我地拭目以待。