末日生存日記: 第四章 安靜

由出發到宜家準備抵達學校，我個腦入面一直諗緊路上面會唔會有啲咩恐怖事情發生。
出奇地，並冇發生咩事。
雖然好似風平浪靜咁，但係我硬係覺得呢件事絕對唔簡單。
好似下一秒就會有咩大件事出現。
一路上面，我地幾個人都好安靜冇出過聲，只係隻手一直握住手上面嘅武器，冇放開過。
介紹下先，我地嘅武器分別有：
菜刀（我）
鐵棍（安仔）
鐵鏟（阿朗）
弓箭（啊澤）話說我阿爸買咗兩把箭黎收藏，平時唔帶得出街，不過宜家都末日理得佢咁多咩。




醫療兵（鑫仔）條友話唔夠膽打喪屍，做後備支援我地喎…
魔法攻擊系武器！臭襪（備用）
講下笑姐，不過真係有帶…
果然！不出我所料，过咗呢個轉角位真係有野等緊我地。
衝喺我地前面嘅係安仔，打頭陣！
「嘩屌！喪屍啊！！！」安仔跳後咗一步，大聲咁嗌。
「媽咪啊！！」其實鑫仔仲未見到隻野..
我地都忍唔住眼前呢個核突嘅野，攞起武器就衝上前。
幾個人亂咁打咗一陣，隻野已經比我地打到斷氣。
「隻野，行動好慢，幾乎冇乜攻擊力。」我分析咗起黎




「唔排除之後會唔會發生進化之類，話曬唔知呢件事係人為定點，喪屍可以輸好多次，而我地如果比隻野咬到有個小傷口就玩完。所以，萬事小心。」最清醒嘅頭腦果然唔同。
「我地都係快啲去學校啦，大街上面好唔安全。」
好彩，之後直至到去到學校，都冇發生啲恐怖事件。
去到學校，大門仲係開住，我地可以唔使爬入去。
「個門仲開住，末日黎得一定好突然。」我心諗。我地決定去巡邏一下，我同阿朗一組，安仔同阿澤鑫仔一組。
出發！
「學校好似有好多地方都好亂，睇黎都有人好匆忙咁離開。」學校入面一片混亂，好在主要嘅大門保護設施等冇比人破壞。
不知不覺，我地黎到f4嘅樓層。
入去我地班房，一切設施都原封不動，只係啲同學老師都已經唔見曬。
「我宜家先知道原來可以返學已經好好，我以前仲日日唔想返學對住班老師，估唔到個世界變得咁快。」阿朗苦笑咁講。




「唉，我地宜家日日好似揾命搏咁款，仲在生已經好好架啦，活在當下，enjoy返啲啦。」
喺我地懷念緊班房果陣，我突然發現到有人好似留低咗啲野。
「咦，果道有張紙喎。」我同阿朗行咗過去。

 寶血醫院
 AXh-3病毒 

好似係一張紀錄紙黎，下面有比人專登撕過嘅痕跡。
「我地返去比阿澤睇下有冇咩頭緒」
我地落到去，發現佢地已經等緊我地返黎。
「喂阿澤，你地有冇發現咩野。」
「冇，你地呢？」
「我地搵到呢張紙。」阿澤睇過之後，露出咗一個震驚嘅表情。
「我唔知呢張紙究竟係乜，但係我估呢個好有可能係今天喪屍爆發嘅來源，而且寶血醫院一定有事發生。」
「咁我地要點做。」我問




「靜觀其變，我地先處理好呢邊嘅情況，然後再諗辦法，況且寶血離我地呢到有一定嘅距離，要先保證自己安全。」
我一直有一個疑問，張紙係邊個擺嘅？不過呢個疑問我都冇講出黎，我相信，好快可以搵出真兇。
———————————————————————————————————————
神祕人Z：嘿呢班少年真係冇令到我失望，估唔到咁快可以估到張紙嘅信息，不枉我專登跑黎放呢張紙，許日宇？我地來日方長…嘿嘿嘿..