穿越時空，冒充平行世界嘅另一個自己，再去呃佢條女上床: （120）

「我地唔接受三心兩意嘅男人，所以係唔會同你4p。」阿蚊對Mike講。

「無錯，你實在太花心啦！」Suki附和。

Mike感覺有啲莫名其妙，想揾子瑜問下發生咩事，咁啱對方好雀躍咁跑埋嚟，對佢講：「喂！快啲過嚟睇下！」

子瑜拉住Mike，仲有美國鷹佢地落去二樓走廊，指出去窗外。

透過窗喺呢個位置會見到，對面海嗰一棟最高嘅建築。





「你地見唔見到，嗰度有啲嘢發緊光！」子瑜指住嗰棟建築。

從咁遙遠嘅距離望去，棟建築猶如模型一樣咁細。

四個Mike行近個窗去眺望。

「好似係有啲嘢發光。」美國鷹瞇埋眼咁睇。

「無錯嘅話，嗰個應該就係時空裂縫！」子瑜話。





「似呀似呀，咁樣發出嘅光，真係好似時空裂縫。」Mike見過時空裂縫，仲大概記得個樣係點。

「穿過時空裂縫，去到時空中轉站，咁你地就可以返去各自原本嘅時空！」子瑜對四人講。

「咁樣都係睇唔清楚，不如出去出面睇下！」

Mike帶頭行出去避難營外面，揾一個可以睇得清對面海嘅地方。

香港島之上，有一座摩天建築物，就喺最頂嗰度，出現左一道亮眼發光嘅裂縫。





佢地無睇錯，嗰一道就係時空裂縫。

「啲啲！啲啲！」

正喺佢地睇得入神之際，突然之間有一個盒從天而將。

個盒銀灰色，上面有一個時鐘嘅標誌。

「呢…呢個咪總部嘅傳訊盒！」子瑜執起個盒，並立即打開。

盒入面有一個Mon，一個著住黑色制服嘅中年男人，出現喺畫面。

子瑜見到對方，第一時間就敬禮。

「33568，你究竟做左啲咩好事！你知唔知依家有一隻外星怪物，喺度跨時空搞破壞！」個中年男人發火鬧子瑜。





「Sorry阿頭，我唔係好明你講緊咩事。」

「頂！你自己擘大對眼睇清楚！」個中年男人show左啲相出嚟。

啲相雖然好濛，但卻影到帝洛斯嘅身影，以及遍地嘅屍骸。

「What the fuck！呢個...呢個咪係我嗰個時空嘅阿榮！」美國鷹喺一張相入面，認得出一條屍體係自己朋友。

「個樣真係似阿榮，但你點解認到係你嗰個時空？」Mike問。

「佢嗰隻手錶...係佢生日嘅時候...我送俾佢嘅禮物...」美國鷹聲音顫抖，一臉愕然。

除左相片之外，仲有兩段片，都係帝洛斯殺死一班時空守序者嘅畫面。





子瑜露出驚訝嘅表情，唔敢相信所見到嘅嘢：「點…點解會咁架？」

「呢個問題係我要問你先啱！你身為時空使者，居然擾亂時空秩序！」個中年男人非常憤怒。

「阿頭，成件事一時間我都搞唔清，家陣我被困喺一個時空，你可唔可以揾人嚟接走我？」子瑜問。

「我地全部人諗緊辦法，點樣去拆掂呢壇嘢！目前派唔到人幫你，所以你自己諗辦法搞掂啦！」

講完，個盒嘅畫面就全黑，中年男人嬲爆爆咁收左線。

呢一刻，Mike佢地全部人都搞唔清狀況，心諗究竟發生左咩事？