穿越時空，冒充平行世界嘅另一個自己，再去呃佢條女上床: （119）

魔迪加同帝洛斯打左一日一夜，至於另一邊廂嘅Mike，亦都昏迷左接近一日一夜。

「咦，Mike佢醒啦！」

Mike慢慢睜開眼，見到床邊嘅子瑜，仲有另外三個Mike：「我…我...係咪昏迷左好耐？」

「都差唔多一日一夜架啦。」子瑜答。

美國鷹拍拍Mike嘅膊頭：「見到你醒返就好啦，bro！」





張醫生就用聽診器幫Mike檢查一下，之前喺對方昏迷嗰陣，佢已經揾藥膏同紗布，處理好對方臉上嘅腫傷。

「咚隆！！！」

忽然之間，成棟避難營喺度震。

「發生咩事？」啱啱醒返嘅Mike嚇一驚。

「定啲，魔迪加同帝洛斯大戰緊，都已經打左好耐架啦，估計呢啲係佢地出招而造成嘅震蕩。」阿鬼撥一撥頭髮解釋。





Mike諗返起昏迷之前，自己幾乎俾帝洛斯從高空撻死，好在最後關頭魔迪加出現救左佢。

雖然魔迪加呃左佢一次，但對方無反口，真係還左佢一個人情。

呢種地動山搖嘅感覺，維持超過一分鐘，過左之後，所有動靜都消失左。

「睇嚟已經分左勝負，唔知邊個贏呢？」阿鬼好奇。

「肯定係帝洛斯。雖然佢兩個都係S級外星怪物，但最勁一定係帝洛斯。」美國鷹好肯定帝洛斯係贏左嗰個。





而佢呢個判斷又的確無錯。

「如果帝洛斯未死，咁咪隨時都會再揾我麻煩？」Mike感到擔心，畢竟面對帝洛斯，佢完全係無還手之力。

「唔排除有呢個可能，話曬係S級外星人，都唔會係啲咩善男信女。」美國鷹話。

Mike唔想帝洛斯再揾上門，於是就再諗辦法，試下可唔可以嘔返條魔蟲出嚟。

佢想還返啲嘢俾人，就此解決件事。

扣喉唔得就食瀉藥，佢又屙又嘔，可惜始終都係逼唔走條蟲。

咁嘅話佢都無曬符，假如敵人再出現，佢就只能正面去撼過。

唔想被可怕嘅敵人打低，咁就必須要增強自己實力。





嗰本秘笈仲有幾招未練成，佢諗住拿拿聲練埋佢。

不過一支公係練唔到招，起碼要有個人同佢做愛。

Judy同佢搞過一次後，就無乜再點理過佢，而且對方又忙於做機械人嘅維修，Mike都唔好意思打攪人。

至於喺避難營呢度有咁多人，當中不乏年輕女性，但係Mike又無理由好似啲發情狗公一樣，周圍去撩人扑嘢。

左諗右諗，佢決定都係翻啅阿蚊、Vincy同Suki。

Mike行去隔籬房，都唔講咁多開場白，直接開門見山：「Hi，你地悶唔悶呀，想唔想一齊4p？」

「嘩！乜原來你咁花心架？鐘意子瑜都要仲撩我地搞嘢！」阿蚊一句質埋去。





「咩就係！做男人點可以咁無心肝架！」Vincy鬧埋一份。

「咩話？我鐘意子瑜？乜有啲咁嘅事？」

「唔好扮啦，我地都知你送左部iPod，俾子瑜做定情信物！」阿蚊回應。

Mike有啲搲頭，部iPod做咩無端端變成左定情信物。