穿越時空，冒充平行世界嘅另一個自己，再去呃佢條女上床: （99）

太陽已經落山，夜空閃爍住零散嘅星星。

子瑜用發光扣針照亮前路。

阿鬼穿墻入去唔同嘅建築，幫大家視察環境，判斷邊度適合落腳。

「Guys，覺唔覺好似有人一路跟住我地？」行行下，美國鷹停低腳步，擰轉身望向後面。

漆黑中，有三盞菱形嘅藍色燈閃下閃下。





其他人都停低擰轉面，子瑜用扣針照一照，三隻灰色嘅矮仔外人無所遁形。

「又係佢地！」

「你地之前見過？」美國鷹問Mike。

「係，知唔知咩來頭？」

「無記錯嘅話，佢地係從帝洛斯身上分裂出嚟嘅小怪物。」





「帝洛斯？即係你話過嗰隻最勁嘅外星人？」

「Yes無錯，不過放心，呢幾隻嘅實力同真正嘅帝洛斯差好遠，今次等我出馬得啦！」

講完，美國鷹就踏前一步，舉起鐵馬騮嘅烈焰炮，瞄準三隻矮仔外星人開火。

火球一樣炮彈嘅直射過去，三隻矮仔外星人心口射出激光迎擊。

「Boom！！！」





烈焰彈同激光對撞產生爆炸。

煙霧散去後，三隻外星人就消失左。

「Look！輕輕鬆鬆就搞掂佢地！」美國鷹收返支炮。

雖然嗰三隻外星已被擊退，但Mike覺得奇怪，心諗佢地做乜成日跟住自己，而且卻又從來出手襲擊，究竟佢地想點？

阿鬼經一輪穿墻視察，幫大家揾到安全嘅落腳點。

喺佢嘅帶路下，大家嚟到小型室內羽毛球場。

呢度無後備嘅電箱，所以周圍黑媽媽，唯有靠發光扣針照明。

球場無床無蓆，佢地咁多個就咁訓喺地下。





雙手燒傷嘅Mike雖然有包紮好，但傷口依然係又熱又㷫，搞到佢訓唔到教。

佢坐出門口曬下月光，吹下風。

子瑜半夜扎醒，見到Mike一個人坐喺門口，起身行過去：「訓唔著？」

Mike耳仔塞住耳機，聽唔到子瑜嘅說話。

子瑜坐埋去，Mike先發現對方醒左，佢拎開一邊耳機問：「咦，都未天光，咁快就醒？」

「發噩夢呀嘛，夢到自己被人捉返去受罰，咁你呢，做咩唔訓教嘅？」子瑜問。

「傷口乸住乸住痛，訓極都訓唔到。」





「Sorry，係我間接令到你受傷，我唔應該叫你信摩迪加。」子瑜向Mike道歉。

「唔關你事啦，係摩迪加隻衰嘢講大話啫，不過如果你真係過意唔去嘅，咁我都唔介意你補償下嘅。」

「你想我點樣補償？」

Mike掃視子瑜全身一眼，心諗梗係肉體補償啦…

「妖！又諗鹹濕嘢！」對方未開口，子瑜已經估到。

「下？我都未講！」

「你啲眼神咁淫蕩，趌起條尾都知你諗咩啦。」

「唓，你估錯左啦，我…」Mike講到一半，突然感到氣促，講唔到落去。





「你…你無嘢呀？」子瑜幫佢掃一掃背脊。

過左大約三十秒左右，Mike條氣先慢慢順返：「可能呢排不停同外星人戰鬥，搞到個人太攰啫，應該無嘢嘅。」

「咁好啲。」

「係啦，頭先我地講到邊？」Mike問。

「你話要我補償呀嘛。」

「係，不過我依家未諗到，諗到再話你聽。」

唔知係咪有人同自己傾下計，分散左注意力，令傷口感覺無咁痛。





兩個人傾傾下，子瑜不知不覺挨喺Mike膊頭訓著左。

Mike靜靜望住子瑜熟睡嘅樣，諗起喺巴士第一次見到子瑜，佢就俾對方吸引。

「鹹濕仔，咪諗住博懵…」子瑜流曬口水，發埋開口夢。

Mike唔想嘈醒對方，所以一直坐喺度無亂郁，之後佢都慢慢咁恰著左。

「咕姑固—」

啱恰著無耐，啲雀就開始叫。

Mike同子瑜一齊扎醒左，子瑜見到自己挨喺人地膊頭，仲流曬口水，尷尬到想揾窿捐，即刻轉身返入去球場。

啱先佢地互相挨住一齊訓，Mike唔知點解有種甜絲絲嘅感覺。

「扯旗喎你。」阿鬼無啦啦攝出嚟，嚇左Mike一跳。

「頂你，男人老狗望人下面，你gay架？」Mike即刻彎腰㩒低碌嘢。

「係鐘意人就去馬啦，洗唔洗我過兩招俾你？」阿鬼輕撥嗰執掂唔到嘅頭髮。

「癡線，都唔知你噏乜！費事睬你！」

Mike繼續彎腰㩒住碌嘢，轉身返入去球場裡面訓教。