穿越時空，冒充平行世界嘅另一個自己，再去呃佢條女上床: （61）

※ ※ ※


經過商場門口嘅反光鏡，姿整嘅「皮褸Mike」撥一撥頭髮，整一整衫領。

為左實現自己嘅超時空換妻計劃，前前後後佢已經去左廿九個時空。

當中二十一個時空嘅Mike都係無女朋友，得八個時空嘅Mike有老婆或者女朋友，可惜佢地都唔肯玩換妻。

「皮褸Mike」諗住去多個時空，假如都係無收穫，就打算放棄。





咁多個時空嘅自己都係單身，佢心諗不如整個超時空共享老婆計劃，咁可能仲有搞頭。

噠兩下手指，「皮褸Mike」就由一個時空，穿越到去另一個平行時空。

一支大大嘅美國旗喺面前飄揚，「皮褸Mike」撥開支旗，望望隔籬，見到自己正企喺一間郵局門前。

兩個黑人行出門口，佢讓開條路，然後觀察到四周圍嘅環境，好有外國風情。

逛下睇下，佢發覺自己嚟到左一個西化左嘅土瓜灣。





行到一個公園，迎面而來有一個落寞嘅男人帶住隻狗散步。

「皮褸Mike」主動揮手打招呼：「請問你係咪Mike Cheung張啟恆？」

「美國Mike」停住腳步，注視眼前嘅鬍鬚佬：「You…you…」

「你好，我都係叫Mike，係從另一個平行時空嚟架。」「皮褸Mike」先自我介紹。

「What？你話你喺另一個平行時空嚟嘅？」





「美國Mike」一聽到平行時空四個字，以為對方係之前搞佢老婆同情婦嘅Mike，情緒一時激動，就捉住對方衫領。

「你…你…又唔洗咁激動…」「皮褸Mike」有少少嚇親。

「美國Mike」 再睇真啲，對方留左兩撇鬚，髮型咁姿整，又著曬皮褸咁，睇嚟係自己認錯人。

佢鬆開雙手，講聲對唔住。

「皮褸Mike」整返正個衫領，開門見山直入正題：「係啦，你結左婚未呀？我呢有個換妻計劃，就想揾齊唔同時空嘅Mike以及佢地嘅伴侶，搞一個換妻party。」

「換妻？I just got divorced。」「美國Mike」深深歎氣，同對方講自己啱啱離左婚。

「對唔住，唔小心提起你啲傷心事。」





「其實講起就嬲！之前有個Mike同你一樣，都係話喺另一個時空穿越嚟，你知唔知條友做左啲咩？」

「皮褸Mike」搖搖頭。

「嗰條仆街整暈我，跟住冒充我同我老婆仲有情婦上床！」

「美國Mike」情緒激動，帶abc口音嘅繼續講：「佢鹹濕都算，仲要蠢嗰下先攞命，條友居然匿喺屋企廁所同我個情婦搞嘢，結果俾我老婆發現左，最後害到我離婚！Such a dumbass！」

「聽落條友好似真係幾仆街。」

「咁都未算，令我最最最嬲嘅係，that motherfucker居然...居然將我最心愛嗰本外星人圖鑒搣爛左，仲要整左啲茄汁上去，搞到污糟曬！」「美國Mike」嬲到咬牙切齒。

「相比起搞你老婆，呢個算小事，爛左咪買過本囉。」

「本書已經絕左版！」「美國Mike」握實拳頭，好似想打人咁。





之後佢冷靜落嚟，就問「皮褸Mike」：「 By the way，你係點樣穿越時空？」

「我有超能力，可以隨意咁穿梭平行時空。」

「咁你可唔可以帶埋我穿越？」

「得呀。」

「Really？」

「Of course。」「皮褸Mike」肯定咁回答。

「咁你不如帶埋我穿越，I wanna find that motherfucker，然後好好咁教訓佢一餐！」





「咁呀…咁都得嘅…」「皮褸Mike」考慮左一陣答話，

「All right！咁就事不宜遲啦！」

「美國Mike」將隻狗寄養喺親戚屋企後，就跟隨「皮褸Mike」穿越時空。

佢發誓，一定要揾出嗰個害到自己離婚嘅Mike出嚟。