穿越時空，冒充平行世界嘅另一個自己，再去呃佢條女上床: （25）

為左慳車錢，Mike徒步由尖沙咀經天橋行去紅磡，再從紅磡行返土瓜灣。

沿途上，佢一直塞住耳機聽歌。

褲袋裡嘅iPod Classic，播放住本地重型樂隊 逆流 嘅六呎之下。

躁動嘅音樂反而令佢心靈得到平靜，令佢忘記頭先嗰啲尷尬場面。

唔計見返嗰個乞人憎嘅占士，剛才重遇Lulu，勾起左佢好多以前意淫「女神」嘅回憶。





相隔幾年無見，估唔到Lulu都仲係咁正，依然係屬於男人見到都想砌嗰type。

返到屋企，Mike擸起一盒紙巾，攤喺梳化，幻想住Lulu嘅童顏與巨乳，慢慢咁chok住碌嘢打飛機，想以此重拾那些年潮濕嘅回憶。

j到半路，佢忽發奇想，心諗會唔會有一個平行時空嘅自己，係有本事溝到Lulu？

條友食過翻尋味，冒充另一個自己，呃過幾次蝦條，家陣就想去一個自己溝到Lulu嘅平行宇宙，故技重施，一嘗同「女神」扑嘢嘅滋味。

佢休返條褲，返入房攞部時空裝置出嚟。





手指㩒實轉盤，順時針轉動幾下，部機今次卻毫無反應。

一時開得著一時又唔著，真係奇怪。

Mike開始揣測，會唔會部機要喺指定嘅時間先能啟動。

然而佢呢個猜測錯唔曬。

真相係時空守序者以外嘅使用者，每穿越完一次，必須相隔廿四小時，才能再次啟動裝置。





搞左一陣都開唔部機，Mike剝返低條褲，打埋個飛機再算。

另一邊廂，時空裝置嘅主人子瑜，手上拎住iPad咁大嘅偵測機器，由尖沙咀一路摸索到去紅磡。

之後佢全晚通宵達旦，行勻成個紅磡，再嚟到土瓜灣，偵測嘅信號越嚟越強烈，佢就知道部時空裝置就喺呢度。

「咕姑固—」

煩人嘅雀仔一大早叫個不停。

今日無工返，Mike訓到十點幾先起身。

洗完面刷完牙，就淥個杯麵做早餐。

佢坐喺客廳，食住麵，隨手擸起部時空裝置轉一轉。





咦！部機突然又開得著喎！

原因係距離佢上一次穿越，已經過左二十四個鐘，所以部機家下可以重新啟動。

隨住轉盤嘅轉動，投影喺半空嘅立體畫面隨之更替。

Mike相信每個界面所列出嘅數據，應該就係唔同平行時空嘅自己嘅資料。

雖然列表上嘅資料都算詳盡，例如有體重、職業、性格，連性經驗都有，但佢就嫌感情狀態一欄，描述得唔夠具體。

係單身就顯示單身，非單身嘅話，就會顯示伴侶數目，卻無展示伴侶係咩人、年齡有幾大、生得點樣等等。

Mike因而就無法辨別，究竟邊個平行世界嘅自己溝到Lulu。





佢一路轉一路睇，轉到去Mike Cheung（PG-03）嘅界面，見有一個時空嘅自己做醫生，兼娶左三個老婆。

佢覺得好出奇，因為自1971年，香港就廢除一夫多妻制，照咁睇嚟，呢個「醫生Mike」好有可能，係身處喺保留左一夫多妻嘅時空。

娶左三個老婆咁多，斷估點都有一個係Lulu掛，就算無都好，Mike都想見識下三妻四妾嘅境界。

經過半分鐘嘅考慮，佢就決定左要穿越去呢個一夫多妻嘅時空。