穿越時空，冒充平行世界嘅另一個自己，再去呃佢條女上床: （24）

「喂！你咪阿Mike？乜咁兜踎喺度派傳單呀！」呢個時候，突然有個四眼仔行埋嚟，仲懶係熟咁搭住Mike個膊頭。

「Mike哥仔，乜你呢排好唔掂咩？咁嘅工都做嘅？係等錢洗嘅話不妨開聲喎，大家一場同學，我唔介意借啲俾你，橫掂錢我大把。」

呢個一見面就串柒柒，兼喺度曬命嘅四眼仔，就係Mike同阿榮啱啱提過嘅嗰舊同學占士。

呢條友格衰兼口臭，好撚乞人憎，偏偏身邊拖住一條好索嘅靚女。

而條女Mike都認識，都係舊同學，亦係中學時期佢日j夜j嘅「女神」。





「Hi, Lulu」Mike腼腆咁同對方打聲招呼。

Lulu五官標緻，身材出眾，擁有可愛甜美嘅外表之餘，心口有一對D cup大奶，用「童顏巨乳」四個字形容，就最適合不過。

想當年，Lulu真係Mike嘅性幻想對象，條友偷偷地j過對方好多次。

畢左業幾年，時至今日，Lulu依然係明艷照人，索到爆燈，奈何俾條串嘴四眼仔溝左，仲拍拖到依家。

所以人地話「有錢就有女」，真係不無道理。





「話時話，我地成班同學就喺呢頭食韓燒，你有無興趣一齊嚟呀？不過如果你驚唔夠錢俾，咁就算啦，哈哈！」占士繼續借啲意潤鳩人。

阿榮開聲幫Mike解圍。「占士，我地唔好阻住人啦，我諗其他同學都到左等緊我地，不如走啦。」

占士望一望手上隻勞：「乜咁晏架啦，咁阿Mike你俾心機喺度繼續派傳單啦下，我地走先，得閒揾你飲茶！」

講完，條友就拖住Lulu，同阿榮一齊離開。

俾舊同學撞見自己派傳單，呢件事認真尷尬，Mike當堂無曬心機，將派剩嘅傳單丟曬落垃圾桶，提早收工走人。





條友頭dup dup無睇路，行行下，唔小心撞到人：「Sorry，唔好意思。」

被撞嘅途人正是Mike幾日前，喺巴士上遇見嘅嗰位「緊身衫子瑜」，亦即係嗰部時空裝置嘅主人。

Mike第一眼覺得對方好熟口面，但未得嚟切睇清楚，對方就急急腳走遠。

「緊身衫子瑜」真名都係叫子瑜，係一名時空守序者，職責維持各個平行時空嘅秩序，防止有人胡亂跨越唔屬於自己嘅時空，從而製造混亂。

早幾日因為一時大頭蝦，子瑜整唔見左部時空裝置，依家嘅佢擔心到仆街，一方面驚部機會落入不法之徒手中。

另一個方面，目前佢其實仲喺處於實習階段，假設俾上頭知道自己遺失左部時光機，肯定即時俾人炒魷。

呢幾日佢食唔安瞓唔落，一心想快啲搵返部機。

而喺佢手頭上，有一部追蹤到時空裝置嘅機器。





兩日前偵測到時空裝置，轉移左去另一個平行宇宙，本來子瑜以為部機從此一去不返，殊不知今日突然探測到，部機轉移返左嚟呢個時空，令到佢重燃希望。

佢跟隨偵測機器嘅定位提示，好認真咁去找尋。

假設Mike今日有帶埋部時空裝置出嚟，咁子瑜頭先應該就會發現到，究竟係邊個攞左佢啲嘢。