魔王（完）: 悟

他帶我離開大氣層，在衛星軌道上看地球。「你睇吓…」因為我，地殼板塊移動、火山爆發、海嘯降臨，大氣層剛開始彌漫火山灰，原本綠油油的地方變成紅黑色。的確，我衝動了，不過冰封三尺非一日之寒，我也需要一個理由說服自己不去重啟宇宙。

「阿哥，不如你話我知，我諗錯左d咩？」我思考著重啟的原因，嘗試找出問題。「你冇諗錯，而且你講嘅都係事實。」上帝說：「只不過宇宙必須要平衡，唔係冇原因…」他發動技能，無數個平行宇宙及時間線化成可視景象，當中包括極度完美宇宙和極端邪惡宇宙。他抽起這兩個宇宙與我們所身處的宇宙比較，並推進一個二百年的時間線。這兩個宇宙每年都很混亂，隔十年世界大戰，一百年重啟一次。我很震驚，邪惡我知道為什麼，但那個善良及完美的天堂，不是人人都嚮往的嗎？「因為冇自由。」上帝說，我當頭棒喝，我一直以來追求嘅想法難道是錯的嗎？「就算魔鬼係嗰個宇宙唔存在，因為渴望有選擇、有自由，人類會自然變成魔鬼。」他繞住我肩膊：「所以係我心目中嘅天堂，就係陰陽完美嘅平衡。好似我同你，混沌創造我同你，我哋嘅性格、我哋嘅想法一直以來都係互補。你衝動、我會幫你防守，你落唔到手、我會幫你出手。」我錯了。「哥…對唔住。我錯啦。」我心情沉重，他摸摸我頭：「你冇做錯。呢個係你性格，就係需要有我同你，唔同嘅性格。」我明白了。雖然很衝擊，亦需要時間思考。

「咁，我哋而家應該點？」我把這個宇宙的時間線拉出來。「而家我哋所處嘅宇宙，地球呢個時間點即使可以停止破壞，可能要大量能量去修復行星嘅損傷。」上帝使用能力，將我破壞的地殼重回正軌，火山停止爆發，海水平靜下來。「城市同街道我哋可以修復，但係其他野最好唔好干涉…」我打岔：「我知道。能量體守衡，強行復生能量體會導致另一面有能量損失，如果真係要咁做就要承擔後果。」「冇錯。」我思考了一會，問上帝：「我願意留喺呢個時間線，唔用能力幫人類重建家園，收拾自己嘅殘局。但係我希望復活我兄弟，我願意承受後果。」他笑了，點頭：「不過你諗住點？」「我會用番何啟天嘅肉體，我會去受我影響嘅地方盡我所能補救。」「好。」

他和我對望了一會，他問我：「細佬，咁你諗住幾時番黎？」「阿哥，今次係因為我衝動，誤會左你。不過我希望等父母同朋友呢生結束之後先番黎，我想體驗一下善惡平衡嘅重要性，以後唔會再要你難做。」「我都冇介意過。除咗混沌，你就系我唯一嘅親人。」「我知。」我們相望而笑。「你記唔記得上次重啟宇宙係因為咩原因？」他問我，我想了想：「因為神族有叛徒，帶着神器叛變加入人族，人類知道左神魔族嘅存在，於是破壞宇宙規則離間神魔族，希望坐享其成。當我發現嘅時候，宇宙已經四處戰爭，好多星球被炸毁，叛徒甚至研究出降維打擊，情況一發不可收拾。混沌好嬲，最後導致重啟。」「本身人族系有機會升至5維，並可以選三個人成為管理層。可惜因為呢件事，混沌將人族降維。」他補充。「冇諗過過咗一萬年地球時間，我都差啲唔記得呢件事。」我歎息。

「另外有件事…」我決定向上帝坦白：「我同上神打破左規則，我同佢一齊左。」他目瞪口呆，不知如何給我反應。「我知道呢個規則係怕我地會影響平衡，我知道一旦出現呢件事，管理層需要開會討論點處理。我願意一力承擔。」我堅定地說。只見他欣慰地笑了：「我細佬真係成熟左好多。」我也被逗笑了。「好啦，我知道啦。咁你記得，有咩事，吹個嗩子，阿哥就會出現。」「我知喇哥。」我主動擁抱他，他在我耳邊低聲說了句：「小心啲。」我便走了。





返回地表之前，還有件事要處理。