魔王（完）: 是你？

「終於到你出場拿，上神？」我與她對望，「聽我講，我已經搵到殺你兄弟嘅真兇。」她極力希望拉開我的劍：「係多利夫！」「我憑咩信你唔係為咗勸我講大話？你都有私心，你都唔想重啟。」我指出她的私心，但我知，我一點也不理真氣壯。她忽然摑了我一巴，我呆了，從她的眼神中看到她對我的失望。我把劍扔開了，對她這樣說我真的錯了。

「紫龍上神見你跑出醫院，發覺你有啲唔對路，佢即刻黎通知我，話我知發生咩事。我估你一定會黎搵我，我就叫上神即刻去查清楚件事，叫其他官員幫手拖住你，爭取時間比我同上神。」上帝説：「你可以唔信我，但係你應該要聽吓上神搵到啲咩。」我和circle的目光沒有離開對方，我知道她一定很傷心。「你搵到d咩？」我先開口，她說：「佢一早私通咗幾個神族同魔族官員，改變你朋友嘅命數，再涉事果架車對準使用神力。另外佢地仲拎左d神器同魔器走。同佢私通嘅官員我哋已經捉住過緊嚟，而且主動交出神器，而家捉緊多利夫。」「動機呢？」我問，「係野心！」楊教授、兩名天使和天使長將利乎教授捆綁帶到。「佢同果班官員已經係七維一段時間，佢哋一直都希望可以升上管理層。頭先開戰之後冇耐，佢哋明顯向住我、元星君、死神帝進攻，目標好明確。」天使長說，利乎教授反駁：「魔王大人，佢地冤枉我。」「證據呢？」「呢度！」

火王爺、鬼判、戰神和元星君帶著一班官員，將涉事五個官員押過來。「魔王大人，求你放過我啦，我老婆仔女仲喺織女星雲等緊我返去…」其中一個被押官員，一口氣說：「系多利夫話，佢有辦法令魔王同上帝開戰。只要趁神魔大戰之際，我地將幾個管理層殺左，我地就有位可以升上去，到時佢會去扮幫上帝，令魔王唔可以重啟，咁就可以功成身退。」「你講大話！」多利夫喊道，另一名被押官員也開口：「系多利夫叫我改一個人嘅命數，佢仲特登留低個痕跡，等你發現…」「多利夫同我講，話見到魔王係撞車之後恢復能力，所以我哋信佢可以幫我地一齊升維度…」「你地講大話！」三個官員異口同聲把多利夫指證出來，我實在不敢相信他竟然連我們魔族的管理層也想殺，野心這麼大。

「魔王大人，你諗下我就算殺到佢哋，我邊有能力阻止你重啟？重啟左之後，我都係一無所有…」此時元帝和惑使官、監官來了，他們帶了幾個官員，又押來了幾個神族人，重點是我父母竟然也在。元帝說：「你將重力變0嘅時候，我同戰神派左官員幫手救人，點知發現有個位竟然有神力保護住，所以重力正常，之後就見到你父母比呢四個神族人綁左。官員見到就即刻通知我，咁岩同佢兩個打緊，就一齊過去睇下。」「而家我地用緊能力令你爸爸媽媽可以無重力狀態行走。」父母看到我，立刻擁抱我。媽雙眼通紅：「啟天！媽媽差d以為以後都見你唔到…」「媽！」我緊緊擁著他們，又問：「係咪佢哋綁架你地？」「係呀，我聽到好似話用我哋去要脅你…你有冇受傷呀仔？」她很緊張，我用魔眼看了一遍，看到他們過去真的被神力綁過，而且在那幾個綁匪身上也看到他們綁人的過去足印。這回我徹底憤怒了。

「魔王大人，你聽我解釋…」這次我沒有聽利乎教授的解釋，直接變成暴走魔王狀態，全身變成熔岩流，一步步走向他。「你同我扮fd，又學楊教授借書比我，原來為左引我入局，引我開戰。你收買其他人，綁架我父母黎做最後要脅我嘅手段，就係因為知我一定會為左佢地，最後放棄重啟。果然係好好嘅佈局…」我鬆鬆肩膊筋骨，開啟魔眼，「唔係咁架…」我一手捏住他勃子把他舉起，熔岩把他燒得面容扭曲。「你信…上帝…咩？」我沒有因為這句而猶豫，反而加大力度：「我就算唔信佢，都唔會俾你利用同要挾！」我開啟暗黑吸收模式，把他的靈魂能量徹底吸收，讓他從此消失。





「魔王大人！」火王爺和鬼判走到我旁邊，我回復正常狀態。「我哋唔係想幫神族講說話，不過，我哋不如同佢哋坐低傾左先，再行動？」火王爺有些害怕和避忌地對我講，「咁多個下屬入面，你對我就最大膽。」我說。「大人，其實…我哋都唔想打。」鬼判也說話。我深呼吸一口氣，偷偷看著站到一邊，眼眶泛紅而且故意迴避我視線的circle，心中不禁忐忑。上帝走到我面前：「細佬，不如傾兩句？」