魔王（完）: 好人·壞人

經過三四日的課堂，我與michael他們都無所不談。「你地有冇諗住add drop呀？」「我應該唔會。」「same~」「我仲諗緊呀。」…每每都地鐵站就會不捨地說再見。我亦收到很多wtsp訊息，朋友們對我開學的關心，還有家人，每天都把我當成小朋友一樣。

「老闆！你找少左錢喎！」「小姐！你比張$100我，我有找少到咩？你有證據咪告我！」…忽然聽到一把很熟悉的聲音，我上前查看，竟然是混沌論那個金髮女生。「咩世界呀？惡人大曬呀？」我拍一拍那女生的肩膊：「Hi! 係我呀！」她被我嚇一嚇，我說：「circle,我係sky呀。咩事呀？」「先生，你位朋友話我找少左比佢，又冇證冇據！」「你唔認？好！我報警！…」「咪住咪住！」我按住她：「萬事以和為貴！係咪有咩誤會呀？」「誤會？喔！你地系夾埋嘅！」「唔系呀！我唔識佢架！」我靈機一觸：「既然冇閉路電視，張銀紙你會唔會有咩記號？」「啊！我記得有一pat紅色印！」「老閪咁不如你拎出黎睇下，證明你自己嘅清白！」「係咯！係咯！」此時我們身邊已經多了一班吃瓜的群眾和應。老闆抵擋不住群眾壓力，拿出來，一拿便被發現了。「喔！～～～～」

「道歉！」「小姐，日日有咁多個客，記錯咗都好正常姐！唔好欺人太甚！」「你！…」「circle! 可能老闆真係一時記錯。」我又對老闆說：「老闆你快啲找返錢俾人，大家和氣生財！」「呢位靚仔你真係好人！」…

騷動總算結束，我為自己幫忙解決問題而感覺良好。但她似乎很討厭我。她默不作響，我便一直留意著她，她終於忍不破口大罵：「小弟弟！你以為自己係善良，你喺人哋眼中係條水魚咋！」「可能…個老闆真係一時記錯呢？」我將心想的都說出來。她忽然急停，我也急煞停，她搖搖頭望向我，打量了我一下，氣急敗壞的樣子：「你今年幾歲呀？」「下？」我不明白她想問什麼，她反一反白眼便走了。

回家後我跟父母說了一遍，母親笑了笑：「估唔到我乖仔都會比個女仔搞到口啞啞～睇黎呢個女仔唔簡單喎～」「老婆，你都知我地個仔幾單純架啦！咁你有冇答佢你幾多歲呀仔？」父親又取笑我。「乜問人哋幾多歲唔係好唔禮貌嘅咩？」我屈坐在沙發上，倒了下來大聲問：「乜我個樣唔似27歲咩？」他們只笑不語。「即系唔似啦！」母親從廚房拿出一個大檸檬批，我們也自動走到飯桌旁坐下。「你由細到大睇左咁多書，知唔知呢d叫咩呀？」父親問我。我想了想：「你系咪想講，我由細到大，都太相信性善論？」父親嘴角上揚：「好彩你係單純，唔係蠢。」「係呀，我一直都相信呢個世界嘅人，本質都係善良。」母親打岔：「食野啦！記得俾啲意見！」「冇問題！」





我躺在床上，咬住筆頭，深思著《混沌宇宙的法則》的內容。

第一法則，陰陽必須平衡…不知為何，我腦海又閃過一些畫面，一團藍色能量體化身為一個四十多歲、穿白色長袍的中年男人，一手攔截著我，語重心長地說：「如果你真係要咁做，我同你，就係敵對嘅關係。」我沉思著這個畫面，不知為何，自從開學之後，就多了很多這樣的畫面閃現。那個男人到底是誰？我跟他，又有何關系？